Спорт
ЛЕ: Клуж го исфрли Лацио, Арсенал први откако Ајнтрахт загуби добиен меч (видео)
За Лацио нема да има европска пролет, откако тимот на Симоне Инзаги кој игра одлично во Серија А, успеа да испадне во групата Е во Лига Европа, откако загуби на гостувањето кај Рен, додека романскиот ЦФР Клуж со 2:0 го победи Селтик и му го грабна второто место.
На Лацио им беше потребна победа во Франција, но во исто време Селтик, кој го осигура првото место во табелата да го совлада Клуж во Романија, но на крајот тоа не се случи и сега „лацијалите“ може да се концентрираат на домашниот шампионат.
Арсенал на Фреди Љунгберг успеа да се врати од 2:0 негатива за 2:2 реми на гостувањето кај Стандард Лиеж (во првиот меч ги победија со 4:0), за да го освои првото место во групата Ф, откако Ајнтрахт Франкфурт успеа да пропушти 2:1 водство и да загуби со 2:3 од Виторија Гимараеш.
Последното коло, откако во поголемиот дел од групите беа одлучени патниците за нокаут фазата донесе и неколку незгодни изненадувања (за обложувачите). Кипарскиот АПОЕЛ со 1:0 ја победи Севилја, а ЛАСК Линц со 3:0 го декласираше Спортинг Лисабон.
ЛИГА ЕВРОПА, 6.КОЛО
ГРУПА А
АПОЕЛ – Севилја 1:0
Карабаг – Дуделанж 1:1
Табела: 1.Севилја 15, 2.АПОЕЛ 12, 3.Карабаг 5, 4.Дуделанж 4,
ГРУПА Б
Динамо Киев – Лугано 1:1
Копенхаген – Малме 0:1
Табела: 1.Малме 11, 2.Копенхаген 9, 3.Динамо Киев 7, 4.Лугано 3
ГРУПА Ц
Базел – Трабзонспор 2:0
Хетафе – Краснодар 3:0
Табела: 1.Базел 13, 2.Хетафе 12, 3.Краснодар 9, 4.Трабзонспор 1
ГРУПА Д
ЛАСК Линц – Спортинг Лисабон 3:0
ПСВ Ајндховен – Розенборг 1:1
Табела: 1.ЛАСК 13, 2.Спортинг Л 12, 3.ПСВ 8, 4.Розенборг 1
ГРУПА Е
ЦФР Клуж – Селтик 2:0
Рен – Лацио 2:0
Табела: 1.Селтик 13, 2.Клуж 12, 3.Лацио 6, 4.Рен 4
ГРУПА Ф
Стандард Лиеж – Арсенал 2:2
Ајнтрахт Франкфурт – Гимараеш 2:3
Табела: 1.Арсенал 11, 2.Ајнтрахт 9, 3.Стандард Л 8, 4.Гимараеш 5
ЦФР КЛУЖ – СЕЛТИК
РЕН – ЛАЦИО
СТАНДАРД ЛИЕЖ – АРСЕНАЛ
АЈНТРАХТ – ГИМАРАЕШ
ПСВ – РОЗЕНБОРГ
АПОЕЛ – СЕВИЛЈА
ЛАСК – СПОРТИНГ
ДИНАМО КИЕВ – ЛУГАНО
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Ѓоковиќ не размислува за крајот на кариерата
Отвореното првенство на Австралија започнува утре, 18 јануари, а во текот на следните две недели, најдобриот тенисер во историјата, Новак Ѓоковиќ, ќе се бори за освојување на титулата на Гренд слем турнирот во Мелбурн. Србинот 10 пати во кариерата го освои трофејот во Австралија.
Пред почетокот на натпреварувањето, Новак Ѓоковиќ одржа прес-конференција, а едно од прашањата на новинарите беше за кариерата на српскиот тенисер. Индиректно беше прашан кога ќе се пензионира, со оглед на тоа што има 38 години.
„Често ме прашуваат кога ќе дојде крајот, но сè уште не размислувам за тоа, тука сум и се натпреварувам. Кога ќе ми созрее во главата, ќе споделам со вас, а потоа можеме да разговараме за прошталната турнеја, но сега сум сè уште број четири во светот, се натпреварувам со најдобрите во светот, нема потреба од таа дискусија“, рече Новак Ѓоковиќ.
Djokovic says there is no need to talk about retirement plans, ‘Right now I’m still #4 in the world, competing at the highest level. I feel there’s no need to draw the attention to that discussion’
“Often we hear athletes when they’re retired or nearing the end of their career,… pic.twitter.com/vkzxltNnXg
— The Tennis Letter (@TheTennisLetter) January 17, 2026
Освојувачот на 24 Гренд слем трофеи во кариерата. рече дека не жали за ништо во својата кариера, за што сведочат многуте соборени рекорди.
„Некои спортисти жалат што можеби не постигнале цел, но има голем број, барем оние што ги слушав, кои го ценат она што го направиле. Сето тоа е прашање на лична перспектива. Јас сум последниот што треба да се жали, успеав да ги срушив речиси сите рекорди, благодарен сум му на тенисот за можноста да го живеам сонот, да патувам низ светот… Успесите се најголемата мотивација и ѕвезда-водилка, но тоа не е единственото нешто, интеракцијата со луѓето, љубовта кон играта, адреналинот кога излегувате на теренот, тоа е како дрога, мислам дека многу други спортисти се согласуваат со тоа“, додаде Ѓоковиќ.
Српскиот тенисер е четврти носител, а освојувачот на 10 титули во Мелбурн ќе се бори во првото коло против Шпанецот Педро Мартинез. Проектираниот ривал во второто коло ќе биде Теренс Атман, 64-тиот играч на АТП листата. Во полуфиналето, тој би можел да се сретне со Јанико Синер, додека Карлос Алкараз е на спротивната страна од костурот.
Foto/ depositphotos
Спорт
Екитике го изедначи рекордот на „Кинг Кени“
Францускиот напаѓач Уго Екитике успеа да го израмни рекордот поставен од најдобриот играч на Ливерпул на сите времиња, Кени Далглиш, во сезоната 1977/78.
Ова лето, многумина беа изненадени кога Уго Екитике дојде на „Енфилд“ од Ајнтрахт Франкфурт. Особено затоа што беше платен за дури 80 милиони евра (плус 15 милиони во бонуси).
Сепак, неговиот трансфер остана во сенка на Флоријан Вирц (Баер Леверкузен) платен за 100 милиони фунти (околу 118 милиони евра) и особено на Александар Исак (Њукасл) за 125 милиони фунти (околу 145 милиони евра).
Сепак, засега, 23-годишниот Французин покажа повеќе од Германецот, а особено од Швеѓанецот.
Екитике е моментално најефикасниот играч на Ливерпул, постигна 12 гола, а она што клубот од „Енфилд“, особено го нагласи – како дебитант, постигна голови во пет различни натпреварувања, што пред него му успеа само на легендарниот Кени Далглиш во сезоната 1977/78.
Екитике постигна голови во Премиер лигата (8), Лигата на шампионите (1), Лига купот (1), Комјунити шилд (1) и последниот во ФА купот (1).
Славниот шкотски фудбалер дојде во Ливерпул од Селтик во летото 1977 година за да го замени Кевин Киген, кој ја продолжи кариерата во германски Хамбургер.
Неговиот трансфер претставуваше тогашен нов британски рекорд од 440.000 фунти (денес тоа би било околу 3,5 милиони фунти). Далглиш блесна во црвениот дрес истата сезона.
Шкотланѓанецот ја наследи „седумката“ на Киген и стана првиот и до оваа година единствениот играч на Ливерпул кој постигнал голови во пет различни натпреварувања во својата дебитантска сезона.
Далглиш подоцна освои рекордни 21 трофеи (шест титули во лигата и три Купа на шампиони) и беше прогласен за најдобар играч на Ливерпул на сите времиња, а од навивачите на Ливерпул го доби прекарот „Кинг Кени“.
Foto/ depositphotos
Спорт
За да добие нов договор Касемиро не смее да отсуствува до крајот на сезоната
Играчот од средниот ред на Манчестер Јунајтед, Касемиро, може автоматски да активира едногодишно продолжување на договорот на „Олд Трафорд“ ако започне одреден број натпревари оваа сезона.
Договорот на 33-годишниот Бразилец би бил продолжен до 2027 година, а воедно би ја задржал сегашната плата, но постигнувањето на таа цел би можело да биде предизвикувачко со оглед на тоа што Јунајтед, докрајот на сезоната ќе се натпреварува само во Премиер лигата.
Бразилскиот репрезентативец беше клучен играч под водство на Рубен Аморим и започна 18 натпревари во Премиер лигата оваа сезона, влегувајќи само еднаш од клупата. Тој пропушти два натпревари поради суспензии. Не започна ниту еден натпревар во куп натпреварите, бидејќи Јунајтед беше елиминиран во првите рунди од ФА Купот и Карабао Купот од Брајтон, односно Гримсби Таун.
Според „Атлетик“, Касемиро мора да започне 35 натпревари оваа сезона за да се активира клаузулата за автоматско продолжување. Откако веќе започна 18 натпревари во сите натпреварувања, му требаат уште 17 настапи. Точно толку натпревари колку што им остануваат на „Црвените ѓаволи“ до крајот на сезоната во Премиер лигата.
Затоа, Касемиро ќе мора да биде стартер на секој преостанат натпревар во лигата под водство на новиот менаџер Мајкл Карик за да го обезбеди својот престој.
Јунајтед може да одлучи да го активира продолжувањето дури и ако Касемиро не го достигне потребниот број настапи, но тоа нема да биде автоматско. Во моментов „нема индикации“ дека клубот планира да го стори тоа или да преговара за нов договор со пониска плата. Иднината на Касемиро затоа би можела да зависи од неговата улога во плановите на Карик.
Касемиро пристигна во Јунајтед во 2022 година од Реал Мадрид за почетна сума од 60 милиони фунти (80,7 милиони долари), со потенцијални бонуси од 10 милиони фунти вклучени во трансферот. Се верува дека овие бонуси веројатно нема да бидат платени бидејќи клубот не ја освои Премиер лигата или Лигата на шампионите за време на неговиот престој.
Foto/ depositphotos

