Талентот на Манчестер јунајтед, Мејсон Гринвуд потпиша нов четиригодишен договор со клубот од „Олд Трафорд“ со опција за уште една година.

18-годишниот напаѓач, кој влезе во академијата на Јунајтед во својата седма година, доби неочекувана шанса во првиот тим на Оле Гунар Солскјер по заминувањето на Ромелу Лукаку и Алексис Санчез и досега има два гола оваа сезона. Неговиот прв гол, против Астана во Лига Европа, беше прв гол за Јунајтед на играч роден во 2000-тите.

„Бидејќи израснав како навивач на Манчестер јунајтед, играњето за првиот тим е остварување на мојот сон. Знам дека кога играм за овој клуб, ја претставувам целата фудбалска академија и сакам да вратам за довербата која ми е дадена. Ова е совршен тим за да го исполнам мојот потенцијал“, вели Гринвуд.

A new long-term #MUFC deal for @_MasonGreenwood! ✍️

— Manchester United (@ManUtd) October 18, 2019

Британската поп-ѕвезда Роби Вилијамс потврди дека ќе го објави својот прв божиќен албум, а на него и дуо со поранешниот светски шампион во тешка категорија, Тајсон Фјури.

Со наслов „Божиќен подарок“, Вилијамс ќе го објави албумот со 28 песни за божиќните празници, а ќе му помагаат Род Стјуарт, Брајан Адамс и Џејми Калам, како и Фјури. Популарниот „Џипси кинг“ ќе биде присутен на песната „Лоша Шерон“.

Вилијамс се запознал со Фјури во јуни во Лас Вегас по победата над Том Шварц, и веднаш го прашал за соработка.

„Тајсон ме покани во соблекувалната пред мечот и веднаш му кажав дека сум го слушнал како пее во рингот и го поканив да биде гостин. Тој веднаш се согласи“, вели Вилијамс.

Tyson Fury is going for a Christmas no.1 according to @robbiewilliams 😆🎤 pic.twitter.com/lIXRW4Oyqk

— Boxing on BT Sport 🥊 (@BTSportBoxing) October 18, 2019

 

View this post on Instagram

 

Can’t wait till you hear 👂 this new Christmas 🎄 song. #wowclassic @robbiewilliams 🎄🎄🎄🎄🎄🎄🎄🎄🎄🎄🎄🎄

A post shared by Tyson Fury (@gypsyking101) on Oct 18, 2019 at 6:24am PDT

Лионел Меси признава дека во Барселона има луѓе кои не сакаат Нејмар да се врати на „Ноу Камп“, додавајќи дека ова е една од причините поради кои кам-бекот на Бразилецот е многу тежок.

Нејмар си замина од Каталонија на контроверзен начин во 2017, откако Пари Сен-Жермен ја плати неговата откупна клаузула од 222 милиони евра (светски рекорд), но сега, само две години подоцна цело лето помина во големи шпекулации дека тој ќе се врати во стариот клуб. Меси признава дека тоа тешко ќе се реализира.

„Тешко е да се врати Нејмар. Прво, беше тешко да се види како тој замина, второ, поради начинот на кој замина. Има луѓе во клубот и членови на клубот кои не сакаат да се врати. Ако зборуваме чисто за фудбалот, Неј е еден од најдобрите на светот. Но, постојат и други фактори“, вели Меси.

Иако неодамна изјави дека нема да игра за друг клуб освен Барселона, тој уште го нема потпишано понудениот доживотен договор со Блауграна.

„Се зборува за тоа подолго време, да добијам договор каков што имаше Иниеста. Јас не сакам договорот да ме обврзува, бидејќи не знам како ќе се чувствувам. Ќе се натпреварувам додека се чувствувам физички добро“, објаснува Меси.