Спорт
Леброн и Јанис капитени, Никола Јокиќ по петти пат дел од НБА ол-стар викендот

Кошаркарот на Денвер Нагетс, Никола Јокиќ, ќе биде стартер во тимот на Западот на претстојниот НБА ол-стар викенд. Србинот по петти пат во кариерата ќе учествува на мечот на „сите ѕвезди“, а капитен на неговиот тим ќе биде Леброн Џејмс од Лос Анџелес Лејкерс, кој доби најмногу гласови. Тоа ќе биде рекорден 19. настап за Леброн на Ол-стар натпреварот.
Јокиќ, кој двапати последователно е МВП во лигата, оваа сезона има просек од 25,1 поен, 11 скока и 9,9 асистенции.
The #NBAAllStar Western Conference Starters:
⭐️ LeBron James
⭐️ Nikola Jokic
⭐️ Luka Doncic
⭐️ Zion Williamson
⭐️ Steph Curry pic.twitter.com/3m6IER1Og1— NBA on TNT (@NBAonTNT) January 27, 2023
Стартери на Западот ќе бидат уште Лука Дончиќ (Далас), Стеф Кари (Голден Стејт) и Зион Вилијамсон (Њу Орлеанс).
Истокот со капитенската лента ќе го предводи Јанис Адетокумбо од Милвоки, а во стартниот состав се уште Џејсон Тејтум (Бостон), Кевин Дурент (Бруклин), Кајри Ирвинг (Бруклин) и Донован Мичел (Кливленд).
The #NBAAllStar Eastern Conference Starters:
⭐️ Giannis Antetokounmpo
⭐️ Kevin Durant
⭐️ Donovan Mitchell
⭐️ Jayson Tatum
⭐️ Kyrie Irving pic.twitter.com/B2UDisxSv2— NBA on TNT (@NBAonTNT) January 27, 2023
Раководството на лигата пред неколку дена објави дека според новиот формат капитените на тимовите ќе ги изберат преостанатите играчи непосредно пред почетокот на натпреварот.
Ол-стар натпреварот ќе се одигра на 19 февруари во Солт Лејк Сити.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Олимписките објекти во Лос Анџелес ќе ги носат имињата на спонзорите

Организацискиот комитет на Олимписките и Параолимписките игри во Лос Анџелес во 2028 година објави дека арените во тој град ќе носат имиња на спонзори, што е прв пат во историјата на ова натпреварување.
„Овие револуционерни спонзорства не само што ќе донесат значителни приходи за „ЛА28“, туку ќе воведат и нови деловни практики што ќе и користат на целата Олимписка акција“, рече претседателот на Организацискиот комитет, Кејси Васерман, додавајќи дека одлуката е донесена со одобрение од Меѓународниот олимписки комитет (МОК).
Организаторите ги објавија имињата на првите два спонзори, па така терените за сквош ќе го носат името на медиумската компанија „Comcast“, додека одбојкарските сали во Анахајм ќе го носат името на јапонската компанија „Honda“.
Компаниите што веќе имаат имиња на спонзори на олимписките објекти (како стадионот SoFi) ќе имаат можност да ги задржат имињата.
Олимписките игри во Лос Анџелес се закажани од 14 до 30 јули 2028 година.
Фото/ Принтскрин
Спорт
На аукција легендарното Дукати на Ники Хејден

На престижната аукција на „Сотбис“ во Монтереј овој викенд, ќе биде понуден „Дукати Десмоседичи ГП8“ од 2008 година, во специјална ливреја со мотиви од знамето на Соединетите Американски Држави, управуван од легендарниот Ники Хејден.
Моторот, кој моментално е во „шоу мотор“ состојба би можел да се врати на патеката со соодветните делови.
Тоа е уникатен примерок од инвентарот на моделите ГП7 и ГП8, со компоненти набавени директно од фабричкиот тим на Дукати во 2010 година.
Хејден го тестираше овој мотор веднаш по завршувањето на сезоната во Мото ГП во 2008 година, пред да премине од Хонда на Дукати и да формира силен тандем со Кејси Стонер.
Овој модел носи дополнителна доза на историско значење, нема ознаки на спонзор бидејќи се користел во преодниот период помеѓу заминувањето на Хејден од Хонда и неговото доаѓање во Дукати, што го прави уште попривлечен колекционерски предмет денес.
Рамката на мотоциклот е изработена во јули 2008 година, а има и нов, неискористен блок на моторот и резервоар за гориво користен за трки.
Аукциската куќа очекува голем интерес, особено кај фановите на „Кентаки Кид“ кој трагично загина во 2017 година.
Спорт
Тебо пристигна на „Маракана“ – Нигериецот ја засили Црвена звезда

Френклин Тебо Учена е новото засилување на Црвена звезда, објави спрскиот шампион на социјалните мрежи.
Тебо, кој игра на позицијата стопер, потпиша тригодишен договор со црвено-белите, со опција за продолжување на соработката за уште една сезона.
Финансиските детали не се откриени, медиумите шпекулираат дека црвено-белите платиле 2.700.000 евра. Тебо на грбот ќе го носи бројот 30.
Роден е на 15 јануари 2000 година во Абуџа, Нигерија. Во Европа пристигна од Насарава јунајтед. Играше за Хаекен во Шведска, а потоа стана играч на Сарпсборг во 2023 година. Одигра 60 натпревари за норвешкиот тим и постигна пет гола.
Фото/ Принтскрин