Спорт
Леброн не може сам – Лејкерси декласирани од Финикс

Финикс Санс лесно и убедливо славеше во дуелот против Лос Анџелес Лејкерс 108:90. Санас со петтата победа во низа ја презеде лидерската позиција во НБА-лигата со скор од 25 победи и пет порази. Лејкерси се без победа на последните три натпревари, со скор од 16 победи и исто толку порази тие се осми на Западот.
Лејкерси играа добро само во поголемиот дел од првото полувреме. Во еден момент имаа предност од десет поени. Финикс ја презеде контролата во финишот на втората четвртина. Од тој момент растеше нивната предност, а во последниот период разликата достигна максимални 22 поена.
Девин Букер предводеше група од петмина играчи на Финикс, кои постигнаа двоцифрен број поени. Букер мечот го заврши со 24 поени, девет скока и седум асистенции, Дијандре Ејтон забележа дабл-дабл (15 поени, 14 скока), по 14 поени постигнаа Микел Бриџис и Камерон Џонс, а Крис Пол уфрли 11 поени.
Леброн Џејмс со процент на реализација од 68 отсто се истакна кај Лејкерси. Џејмс натпреварот го заврши со 34 поени, седум скока и по две асистенции и украдени топки. Расел Вестбрук оствари дабл-дабл (22 поени, 10 скока), но имаше и седум загубени топки.
Резутати: Далас – Минесота 114:102, Мајами – Индијана 125:96, Њујорк – Детроит 105:91, Њу Орлеанс – Портланд 111:97.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Влаховиќ ја растажи Подгорица, Французите триумфираа во Даблин

Светскиот вицепрвак Франција стигна и до втора победа во квалификациите за ЕП 2024 откако ја совлада Република Ирска со 0:1 во Даблин. Бенјамин Павар беше стрелец на победничкиот гол за „триколорите“ во 50.минута од мечот.
Србија го доби дуелот со Црна Гора со 0:2, благодарение на Душан Влаховиќ. Напаѓачот на Јувентус беше двоен стрелец. Го отвори резултатот во 78.минута, а потоа и го потврди триумфот во 96.минута.
Шведска немаше милост против Азербејџан и славеше со 5:0, а Австрија со пресврт ја победи Естонија со 2:1.
Чешка не успеа да слави на гости во Кишињев против Молдавија и ремизираше без голови, а Полска ја победи Албанија со 1:0, со голот на Карол Свидерски. Унгарците беа убедливи и со 3:0 победија против Бугарија.
Холандија очекувано го победи Гибралтар со 3:0.
Спорт
Нагелсман ќе го почека отказот на Грем Потер и сака да раководи на „Стемфорд бриџ“

Раководството на Челси го посакува германскиот тренер Јулијан Нагелсман, откри новинарот на „Скај Германија“, Флоријан Плетенберг.
Доколку Потер не успее да постигне подобри резултати со Челси до крајот на сезоната, Тод Боели ќе го разреши. „Сините“ сакаат да му дадат поддршка, тоа го потенцираа неколку пати, но сега дојде моментот кога Челси треба да влезе во серија на позитивни резултати.
Реал Мадрид ќе биде тешка пречка за нив во четврт-финалето од Лигата на шампионите. Тешко е да се поверува дека преку Премиерлигата би можеле да стигнат до ова натпреварување за следната сезона бидејќи моментално се на десеттото место со 38 бода.
Нагелсман веднаш доби понуда и од градскиот ривал Тотенхем. Тој е отворен и за тренерското место во тој клуб, но бидејќи Челси во моментов е финансиски помоќен и е во тек нов проект, Германецот многу лесно би можел да избере да дојде на „Стемфорд бриџ“.
Спорт
Калулу го пропушта дербито против Наполи

Францускиот интернационалец Пјер Калулу ќе го пропушти дербито на Милан против Наполи, лидерот во Серија А, поради повреда на потколеницата. Во соопштението, „росонерите“ велат дека централниот дефанзивец за една недела ќе биде подложен на дополнителни прегледи, но дефинитивно е во аут за дуелот со „наполитанците“.
Калулу се повредил за време на настапите за младата репрезентација на Франција до 21 година.
Милан и Наполи во април ќе се сретнат и во италијанското четвртфинале во Лигата на шампионите.