Спорт
Легендата на Лацио се пресели во Бешикташ

Легендата на Лацио, Чиро Имобиле по осум сезони го напути клубот. Кариерата ќе ја продолжи во Бешикташ.
Навивачите на црно-белите од Истанбул го пречекаа Имобиле со цвеќе и огномет.
Се верува дека раководството на Бешикташ издвоило од два до три милиони евра за откупот, а Италијанецот се вели дека потпишал двегодишен договор со турскиот клуб.
#Besiktas’ fans on fire to celebrate Ciro #Immobile at Istanbul Airport. They are already in love with the italian striker… pic.twitter.com/iA7F5C8ODO
— Nicolò Schira (@NicoSchira) July 12, 2024
Имобиле одигра 270 натпревари во Серија А во небесно синиот дрес, постигна 169 голови. Со Лацио го освои Купот на Италија во 2019 година и Суперкупот два пати, во 2017 и 2019 година.
Сстана европски шампион во 2021 година со репрезентацијата, но не беше повикан да го брани трофејот во Германија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Митровиќ има две понуди од Серија А

Симоне Инзаги, новиот тренер на Ал Хилал, на почетокот на својот мандат го отпиша од тимот најдобриот стрелец Александар Митровиќ. Ал Хилал ќе му ја исплати последната година од договорот, а Митровиќ е слободен играч и може да бида каде ќе ја продолжи кариерата.
Милан и Рома се заинтересирани за најдобриот стрелец во историјата на српската репрезентација, тврди инсајдерот Николо Шира.
Митровиќ нема ништо против враќањето во Европа. Претходно се зборуваше дека би можел да се врати во Премиер лигата, меѓутоа, во моментов нема конкретни понуди или интерес.
Доколку сака да се врати во Европа, менаџерот на Миторвиќ ќе мора бргу да реагира бидејќи преодниот рок трае уште два дена.
За потсетување, Митровиќ беше заменет во Ал Хилал од Дарвин Нуњез, кој дојде од Ливерпул за 53 милиони евра.
Foto/ besoccer.com
Спорт
Џексон во Баерн Минхен

Николас Џексон, во финишот на преодниот рок го напушти Челзи. Сенегалецот кариерата ќе ја продолжи во Минхен, дресот на Баерн ќе го носи барем една сезона.
Баерн го позајми Џексон од Челзи, заемот ќе го плати со големи 15 милиони евра.
Баварците имаат опција да го откупат по завршувањето на сезоната за нереални 80 милиони евра.
Сенегалецот не играше добро минатата сезона за Челзи и покрај тоа што редовно беше прва опција во нападот. Јасно беше дека ќе замине кога во клубот пристигнаа Делап и Педро. Во Баерн ќе му биде резерва на Хари Кејн кој е недопирлив во нападот на Баерн.
Фото/ Принтскрин
Спорт
Арсенал го договори трансферот на Инкапие

Спортскиот директор на Арсенал беше исклучително активен во преодниот рок. Резултатот на таа активност е рекордно трошење за засилувања, што беше заокружено со договорот за трансфер на Пјер Инкапие од Баер Леверкузен.
Постигнат е договор помеѓу Арсенал и Баер Леверкузен. Според него, Арсенал ќе му плати на Баер 52 милиони евра со бонуси.
Со овој трансфер, бројката што „топџиите“ ја потрошија за трансфери ова лето е 345 милиони евра, што е клупски рекорд. Во клубот пристигнаа осум нови фудбалери.
Мартин Зубименди беше платен најскапо, 70 милиони евра на Реал Сосиедад. Еберечи Езе беше платен малку помалку на Кристал Палас (69,3 милиони евра), а над 60 милиони беа платени за Виктор Ѓекереш Спортинг (65,8 милиони евра). Нони Мадуеке од Челзи беше платен 56 милиони евра.
Кристијан Москера беше доведен од Валенсија за 15 милиони евра, Кристијан Норгард од Брентфорд за 11,6 милиони евра, а уште еден играч беше доведен од Челзи. Кепа Аризабалага за само 5,8 милиони евра.
Фото/ Принтскрин