Спорт
Лејкерси открија кога ќе го пензионираат дресот на Гасол

ЛА Лејкерс го одреди датумот кога ќе биде пензиониран дресот на Пау Гасол. По шест и пол години, во кои им помогна да освојат две титули, Лејкерси ќе го подигнат бројот 16 под покривот на Crypto.com арената на 7. март, кога Мемфис Гризлис, поранешниот тим на Шпанецот ќе гостува во Лос Анџелес.
Гасол дојде во НБА од Барселона на 21. годишена возраст, откако Гризлис го избраа како трет пик на драфтот одржан во 2001 година. Тој беше прогласен за дебитант на годината, во 2006 година стана Ол-стар, а во 2008 година во трејд пристигна во Лејкерси.
Тој беше играчот кој му беше потребен на Коби Брајант во неговата потрага по првите титули по разделбата со Шекил О’Нил. Веќе во првата заедничка сезона стигнаа до финалето, во кое загубија од Бостон, но во следните две години освоија прстени победувајќи го Орландо, а потоа и Бостон.
Лејкерси ги напушти во 2014 година како слободен играч и до крајот на кариерата играше за Чикаго, Сан Антонио и кратко за Милвоки, а кариерата требаше да ја продолжи во Портланд, но ја прекина поради повреда, во 2021 година го одигра финишот од сезоната во дресот на Барселона.
Настапи и на Олимписките игри во Токио, каде Шпанија беше елиминирана од САД во четвртфиналето. Со репрезентацијата освои 11 медали на големите натпреварувања, меѓу кои едно светско и три европски злата и две сребра и една бронза од Олимписките игри.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Иља Забарњи го засили европскиот шампион

Иља Забарњи, до вчера централен дефанзивец на Борнмут, потпиша договор со Пари Сен Жермен, актуелниот победник на Лигата на шампионите.
Украинецот потпиша на пет години, до 2030 година, а вредноста на трансферот е дури 66 милиони фунти.
Забарњи пристигна во Борнмут од Динамо Киев. Тој одигра 78 натпревари во Премиер лигата и постигна еден гол. Одигра 48 натпревари за украинската репрезентација со три гола.
Значи, Борнмут ја продаде речиси целата одбрана од минатата сезона и сите завршија во врвни тимови. Голманот Кепа е во Арсенал, Хујсен во Реал Мадрид, Керкез во Ливерпул, а претходно споменатиот Забарњи во Пари Сен Жермен.
Спорт
Петкратниот осовјувач на ЛШ се сели во Еспањол

Лукас Васкез (34) кариерата ќе ја продолжи во Еспањол. Васкез како слободен играч ќе потпише договор со клубот чии дрес го носеше во сезоната 2014/2015. Шпанскиот крилен играч остана без договор откако го напушти Реал Мадрид, а неговото враќање во Барселона треба да биде потврдено во наредните денови.
Италијанскиот трансфер инсајдер Николо Скира веќе пишуваше за новиот клуб на Васкез, а приказната ја потврдија и шпанските медиуми.
Васкез на тој начин ќе се приклучи на клубот кој минатата сезона се бореше за опстанок. Еспањол го освои 14-то место, но со само два бода повеќе од Леганес, кој испадна од лигата.
Васкез пристигна во Реал Мадрид во 2007 година како 16-годишник и играше во сите категории на младинската академија, од тимот до 17 години до Кастиља. По една сезона на позајмица во Еспањол, тој го имаше своето деби за првиот тим на Реал Мадрид во септември 2015 година. Оттогаш, тој има 402 настапи за Реал во текот на 10 сезони, еден од најуспешните периоди во историјата на Реал Мадрид.
Тој освои 23 титули со клубот. Освои пет Лиги на шампиони и светски клупски првенства, четири Европски Суперкупа, еден Шпански Суперкуп и една титула во Шпанското првенство, како и еден трофеј во Кралскиот куп.
Foto/ EPA/J.J. Guillen
Спорт
Двајца искусни возачи се поврзуваат со Кадилак Ф1

Новиот тим на „Кадилак Ф1“ сè уште не го потврдил составот на возачи за својата дебитантска сезона. Според најновите информации, во игра се двајца возачи со големо искуство и победничко педигре.
Во 2026 година, „Џенерал моторс“ ќе влезе во Формула 1 како 11-ти тим под луксузниот бренд „Кадилак“.
Дебито ќе се случи во моментот кога ќе стапат во сила новите технички правила, а проектот е заеднички потфат помеѓу „Џенерал моторс“ и „ТВГ“.
Греам Лоудон беше назначен за шеф на тимот, додека во меѓувреме беа донесени голем број искусни лица од други тимови на Ф1. Иако составот на возачи сè уште не е потврден, медиумите споменуваат неколку можни кандидати.
Највисоко на листата котираат имињата на поранешните возачи на Мерцедес и Ред Бул: Серхио Перез и Валтери Ботас. Исто така со новиот тим се поврзуваат Мик Шумахер, Џоу Гуанју и Фелипе Другович, како и американските возачи Зак Крофорд и Колтон Херта.