Спорт
Лејкерси победија, тежок пораз на Денвер, Клиперси немоќни во Атланта

Две од водечките три екипи во Западната конференција во НБА-лигата забележаа порази во синоќешните натпревари. ЛА Клиперс доживеа пораз во Атланта, Денвер без шестмина играчи е поразен во Хјустон, а ЛА Лејкерс славеше над Њујорк.
Последнопласираниот тим на Истокот, Атланта Хокс, со 102:95 забележа победа над ЛА Клиперс, во чии редови го немаше Каваи Ленард.
Клиперс имаше 19 поени предност по првото полувреме, меѓутоа оваа разлика играчите на Атланта ја стигнаа и престигнаа во последниот квартал.
Џо Колинс ја предводеше Атланта со 22 поена и 16 скока. Кај Клиперс се истакна Мотрезл Херел со 30 поени.
ЛА Лејкерс без проблем славеше во дуелот со Њујорк Никс 100:92. Лејкерси ја забележаа 35 победа во сезоната.
Ентони Дејвис беше најдобар кај Лејкерси со 28 поени, Леброн Џејмс постигна 21 поен
Хјустон во дербито убедливо го порази Денвер Нагетс со 121:105. Расел Вестбрук забележа 28 поени и 16 скока, Џејмс Харден уфрли 27 поени, а се истакна кај Хјустон и Ерик Гордон со 25 поени.
Никола Јокиќ мечот кај Денвер го заврши со трипл-дабл од 19 поени, 12 скока и 10 асистенции. За српскиот репрезентативец ова беше 36. трипл-дабл во кариерата.
Резултати:
Голден стејт-Јута 96:129
Финикс-Индијана 87:112
Чикаго-Минесота 117:110
Мајами-Вашингтон 134:129
Бостон-Мемфис 119:95
Торонто-Филалделфија 107:95
Орландо-Оклахома 114:120
Детроит-Сакраменто 127:106
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Дуплантис повторно го сруши светскиот рекорд

Арманд „Мондо“ Дуплантис повторно постави светскиот рекорд во скок со стап на планетарното првенство во Токио. Најголемата ѕвезда на светската атлетика прелета 6,30 метри во својот трет обид и за еден сантиметар го надмина својот личен и планетарен рекорд поставен во Будимпешта пред нешто повеќе од еден месец. Ова е 14-ти пат во неговата кариера да го подобри најдобриот резултат на планетата.
„Мондо“, исто така, собра дополнителни 100.000 долари, кои се доделуваат на натпреварувачот кој ќе го постави светски рекорд.
Пред светскиот рекорд, неверојатниот Швеѓанец ги прелета сите височини од прва. Го обезбеди златото со 6,15, а потоа следеше она на што сите се надеваа на преполниот Олимписки стадион во јапонската престолнина. Ова е негова четврта последователна титула светски шампион.
ARMAND DUPLANTIS : PREMIER HOMME DE L’HISTOIRE À PASSER LA BARRE DES 6M30. 😳#Tokyo2025 #WCHTokyo25 pic.twitter.com/A6RogMtyeZ
— Le Stade (@le_stade) September 15, 2025
Во сенка на чудесниот „Мондо“, до среброто стигна Гркот Емануел Каралис, кој скокна точно 6 метри, додека на најниската скала на подиумот се искачи Австралиецот Куртис Маршал со 5,95 метри.
Foto/ EPA
Спорт
Сензација на 3.000 метри „стипл-чез“, Бимиш во солзи го остави фаворитот Ел Бакали

Георди Биниш од Нов Зеланд забележа сензационална победа на 3.000 метри „стипл-чез“ на Светското првенство во Токио.
Биниш во спектакуларен финиш, во последните пет метри успеа да го победи Софијан Ел Бакали, инаку двократнен олимписки и трикратен светски шампион.
Делуваше дека Ел Бакали ќе забележи лесна победа. Како и многу пати во кариерата, тој беше на задните редови, па полека забрза. На 150 метри пред целта, се проби на првото место и се чинеше дека ќе ја одбрани титулата.
Бимиш не мислеше така, кој неверојатно забрза и почна да се приближува до Мароканецот. На крајот, го помина и славеше со време од 8:33.88.
Бакали беше во апсолутен шок по трката. Легна на патеката и плачеше. Никој не можеше да го утеши за златото што му избега за пет стотинки.
Кениецот Едмунд Серем успеа да ја освои бронзата во втор план со 8:34.56.
Немаше изненадувања во финалето на фрлање кладиво за жени. Олимписката и светска шампионка Камрин Роџерс рутински ја одбрани својата круна.
Го фрли кладивото најдалеку оваа сезона 80,51, а нејзините втори и трети најдобри резултати беа повредни од постигнувањето на второпласираната Кинеска Жао (77,60) метри. Третата беше уште една репрезентатвка на Кина Жанг со 77,10.
Foto/ EPA
Спорт
Бекер: Новак, зошто играш? Не можеш да ја освоиш 25-та Гренд Слем титула

Легендарниот германски тенисер Борис Бекер и поранешен тренер на Новак Ѓоковиќ, се сомнева дека Србинот некогаш ќе стигне до 25-та Гренд слем титула.
Бекер гостуваше во подкастот, кој го води со Андреа Петковиќ, меѓудругото рече дека 2026 година вероајтно ќе биде последна во кариерата на Ѓоковиќ.
„Тој игра против Синнер или Алкараз и не знае колку долго ќе трае неговата кариера на Гренд слем турнирите. Ова е прв пат отворено да зборуваме за 2026 година како негова последна кога станува збор за четирите најголеми турнири“, рече Бекер, додавајќи:
„Тој спомена дека сè уште може да се натпреварува со најдобрите, тоа е вистина, но зошто сè уште игра тенис? Да ги освои Рим и Монте Карло или 25-та титула на Гренд слем? Мислам дека е второто. Верувам дека не може да го постигне тоа, со оглед на возраста и силата на помладите играчи.“
Во 2025 година, Ѓоковиќ играше во полуфиналето на сите четири Гренд слем турнири, но не успеа да се бори против водечкиот дуо на светскиот тенис.
Тој ја освои 100-та титула во кариерата (турнирот во Женева) и со тоа стана првиот играч кој кренал барем еден трофеј 20 години по ред.