Далас Маверикс, во Охајо, ги победија Кливленд Кавалирс со 124:97 и се зацврстија на петтото место на табелата во Западната конференција.

Победата на Далас над аутсајдерот ја обележа исклучувањето на Лука Дончиќ.

Словенецот на почетокот од третиот период, во борба за позиција му удри бокс на Колин Секстон, а потоа и го турна на паркетот.

Дончиќ против Кливленд одигра 21 минута, постигна 15 поени на кои придодаде по пет скока и асистенции.



Еден од најдобрите тренери во Италија, Роберто Де Зерби, ја напушта Серија А. Тренерот на Сасуоло кариерата ќе ја продолжи во Украина.

Инсајдерот, Фабрицио Романо, објави дека Де Зерби, се договорил со сопственикот на Шахтјор, да го предводи тимот најмалку до јуни 2023 година.

42-годишниот тренер, во кариерата ги предводел Фоџа, Палермо и Беневенти. Тренер на Сасуоло е од 2018 година.

Андреа Пирло, тренерот на Јувентус, по катастрофата против Милан (0:3), рекол дека нема намера да поднесе оставка на функцијата. Пирло ја прифатил одговорноста за поразот и најавил борба до крајот за место во Лигата на шампионите.

„Оставка? Не, нема да отстапам. Дојдов овде со голем ентузијазам и покрај бројните проблеми. Имаме уште три натпревари, ќе остана до крајот“, рекол Пирло и дополнил.

„Кога нешто не е како што треба, тогаш јас ја преземам одговорноста. Овој тим има одлични играчи и очигледно е дека нешто не е како што треба. Имам поинаков проект во мислите, верував дека ќе има поинаков тим. Работев на некои концепти, но морав да направам некои промени за да се прилагодам на нивните карактеристики“.

Јуве се петти на табелата во Серија А, со поен помалку од Наполи и два од Милан и Аталанта.

До крајот на сезоната Јувентус ќе играат против Сасуоло, Интер и Болоња.