Спорт
Лејкерси славеа во Мемфис, контроверзен пораз на Денвер во Портланд, Чикаго вака не играле од 1996 година
Никола Јокиќ не успеа да влезе во историјата на НБА лигата, како играч со пет трипл-дабл натпревари во првите пет дуели од стартот на сезоната. Денвер загуби во Портланд 109:107, а на српскиот центар асистенција му недостигаше за трипл-дабл. Лука Дончиќ со 44 поени ги предводеше Лејкерси до победата во Мемфис (117:112), а Чикаго Булс го бележат најдобриот старт во сезоната во последните 30 години.
Лука Дончиќ одигра маестрално во Мемфис, забележа дабл-дабл со 44 поени и 12 скока, а на сето тоа додаде и шест асистенции.
Лејкерси го отворија натпреварот подобро и по првата четвртина стигнаа до +4 (31:27). Сепак, следеше одлична четвртина на Гризлис (42:24) и голем +14 на полувреме.
Тимот од Лос Анџелес одигра многу подобро во третата четвртина, го стопи двоцифрениот дефицит, а во четвртата четвртина оствари пресврт и победа.
Денвер во контроверзна завршница загубија од Портланд. На шест секунди до крајот на мечот наместо очигледен фаул над Јокиќ сидууте досудија мртва топка. Потоа Гордон беше трагичар, го фаулираше Грент кој на 1,4 секунди до крајот од линијата за слободни фрлања ги постави конечните 109:107.
Јокиќ мечот го заврши со 21 поен, 14 скокови и девет асистенции. Ова е негов прв натпревар од почетокот на сезоната на кој не оставери трипл-дабл.
Чикаго Булс славеа во дуелот со Њујорк Никс 135:125. Булс се први на Истокот со пет победи во истотолку натпревари. Ваков старт немале од 1996 година. Џош Гиди со 32 поени, 10 скока и девет асосиенции, односно Никола Вучевиќ со 26 поени и седум скока ги предводеа до победата. Кај Никс се истакна Џелјлен Брансон со 29 поени.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Флег игра чудесна руки сезона во НБА лигата
Купер Флег, 19-годишниот дебитант на Далас Маверикс и првиот избор на овогодинешниот НБА драфт, продолжи со одлични игри во својата прва сезона.
Флег, во поразот 100:110 против Бостон Селтикс, стана најмладиот играч во историјата на НБА кој постигнал најмалку 30 поени во три последователни натпревари.
Неговиот настап, како што објавија американските медиуми, во моментов малку им значи на Мавс, кои беа поразени во сите тие натпревари, но јасно укажува дека Флег е сегашноста и светлата иднина на клубот.
Последните три натпревари на Флег:
49 поени, 10 скока, 3 асистенции (пораз од Шарлот Хорнетс 121:123)
34 поени, 12 скока, 5 асистенции (пораз од Хјустон Рокетс 107:111)
36 поени, 9 скока, 6 асистенции (пораз од Бостон Селтикс 100:110)
Заедно со оваа статистика, НБА наведува дека Флег, роден на 21 декември 2006 година, стана најмладиот кошаркар во историјата на НБА кој одиграл три последовни натпревари со 30+ поени.
Исто така, само четворица тинејџери во НБА имале повеќе од еден одигран натпревар со 30+ поени, 5+ скока и 5+ асистенции. Тоа се Леброн Џејмс (4 такви натпревари), Кевин Дурант (2) и Лука Дончиќ (2).
Со своите неодамнешни 49 поени, тој го постави рекордот во НБА за бројот на постигнати поени од тинејџер во еден натпревар.
Foto/ EPA
Спорт
Јилдиз ќе потпише нов договор со Јувентус
Според извештаите од Италија, ѕвездата на Јувентус, Кенан Јилдиз (20), е подготвен да потпише нов, подобрен долгорочен договор со клубот, до летото 2030 година. Со новиот договор, турскиот напаѓач би добил значително зголемување на платата.
Тековниот договор на Јилдиз е до летото 2029 година, но „бјанконерите“ сакаат да го наградат за неговите одлични настапи и да го обезбедат неговиот престој.
Откако се појави на сцената во 2023 година, турскиот интернационалец го привлече интересот на бројни клубови. Затоа, Јувентус сака да му понуди подобрени услови за да го задржи на стадионот „Алијанц“ во годините што доаѓаат.
Неговата моментална плата наводно е 1,7 милиони евра по сезона, што значи дека тој не е ниту меѓу 15-те најплатени играчи во тимот.
Новиот договор би му донел годишна плата од околу шест милиони евра. Исто така, се шпекулираше дека Јилдиз би можел да стане еден од најплатените, ако не и најплатениот играч во тимот.
Според новинарот Ромео Агрести и порталот „Ilbianconero.com“, двете страни ги договараат последните детали, а потпишувањето на новиот договор сќе се случи наскоро. Во извештај објавен во вторникот се вели дека договорот би можел да биде склучен до крајот на оваа недела.
Foto/ depositphotos
Спорт
ФИФА даде зелено светло: Канте во Фенербахче, Ен Несири во Ал Итихад
Административниот проблем, кој се испречи пред Нголо Канте, го реши ФИФА. Светската фудбалска федерација даде зелено светло и му овозможи на фудбалерот да се пресели во Фенербахче.
Според договорот меѓу клубовите, Канте го напушти Ал Итихад и стана нов играч на Фенербахче, додека Јусеф Ен Несири замина во спротивна насока.
Договорот, кој за малку немаше да биде реализиран, поради грешката на Судијците, беше завршен со директна интервенција на ФИФА, надвор од вообичаените процедури и временски ограничувања.
Условите на размената останаа непроменети. Фенербахче доби искусен играч од средниот ред, но и 10 милиони евра, како компензација за заминувањето на многу помладиот Ен Несири.
Ал Итихад, од друга страна, го реши проблемот во нападот и донесе играч кој треба да ја преземе улогата на прв напаѓач во тимот.
На крајот, сите страни излегоа како победници од овој необичен трансфер.

