Спорт
Лејкерси во мечот во кој можат да бидат елиминирани ќе бидат без Леброн!
![](https://makfax.com.mk/wp-content/uploads/2022/04/1w993c0.sport_.jpg)
Пред вечерашниот меч против Финикс санс, по кој можат да бидат елиминирани од трката за плејофот, Лос Анџелес лејкерс добија уште еден удар, откако се потврди дека нивниот најдобар играч, Леброн Џејмс повторно е повреден.
Лејкерси, кои имаат шест порази едноподруго, заостануваат два меча зад Сан Антонио во трката за последното место во плејофот од Западната конференција и можат да бидат елиминирани од плеј-ин турнирот со пораз од Санси и со победа на Спарси кај Денвер нагетс. Дури и да победат во последните четири меча, Сан Антонио треба да загуби три од последните четири меча за Лејкерси да го добијат 10. Место.
Џејмс пропушти два од последните три меча на Лејкерси, а сега повторно ќе биде во аут со повреда на скочниот зглоб.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
Струга го доби најтешкиот противник во квалификациите за ЛШ
![](https://makfax.com.mk/wp-content/uploads/2024/06/Struga-kampionn.jpg)
Шампионот на Македонија, Струга ТЛ, го доби најтешкиот противник во првото квалификациски коло, во Лигата на шампионите.
Струга ќе игра против Слован Братислава, најтрофејниот клуб во Словачка. Првиот натпревар ќе се одигра во Братислава на 9/10 јули, а реваншот во Македонија е седум дена подоцна.
Поразените екипи во првото коло, ќе продолжат во второто квалификациско коло во Конференциската лига.
Сите парови за првото квалификациско коло:
Борац (БиХ) – Игнација (Албанија)
Слован Братислава (Словачка) – Струга (Македонија)
ТНС (Велс) – Дечиќ (Црна Гора)
Балкани (Косово) – Санта Колома (Андора)
Хамрун (Малта) – Линколн Ред Импс (Гибралтар)
Флора Талин (Естонија) – Целје (Словенија)
Клаксвик (Фарски Острови) – Диферданж 03 (Луксембург)
Паневезис (Литванија) – ХЈК Хелсинки (Финска)
РФС (Латвија) – Ларне (Северна Ирска)
Викингур (Исланд) – Шамрок (Ирска)
Виртус (Сан Марино) – ФЦСБ (Романија)
Лудогорец (Бугарија) – Динамо Батуми (Грузија)
Ордабаси (Казахстан) – Петрокуб (Молдавија)
Динамо Минск (Белорусија) – Пјуник (Ерменија)
Спорт
Ван Ганди ќе му биде помшник на Лу во ЛА Клиперс
![](https://makfax.com.mk/wp-content/uploads/2024/06/a7744580-1758-11ee-9dbe-284a1eb82b0b.jpg)
Џеф Ван Ганди ќе му биде прв асистент на Тајрон Лу на клупата на Лос Анџелес Клиперс, пренесува ESPN.
Адријан Војнаровски известува дека Ван Ганди наскоро ќе потпише договор со Клиперс. Претходно, 64-годишниот стручњак 16 години работеше како стручен консултант за ESPN пред да го прифати повикот минатата година да биде претседател на кошаркарските операции во Бостон.
Ван Гунди и Лу изградија одлични односи за време на нивната соработка во репрезентацијата на Соединетите Американски Држави.
Ван Гунди беше голем фан на Тајрон Лу, а двајцата работеа заедно во Хјустон пред 20 години – Лу играше за Рокетс, а Ван Ганди беше негов тренер.
Искусниот стручњак како главен тренер ги предводеше и Њујорк Никс, а неговиот вкупен учинок во НБА е 430-318.
Спорт
Роналдо вечерва ќе постави уште еден рекорд
![](https://makfax.com.mk/wp-content/uploads/2024/06/2024-06-07T173420Z_239741267_UP1EK671CT5F6_RTRMADP_3_SOCCER-FRIENDLY-POR-CRO-PREVIEW.jpg)
Кристијано Роналдо треба да биде дел од стартната постава на Португалија на натпреварот против Чешка кој се игра од 21 часот во рамките на 1. коло од групата Ф.
Доколку игра ќе стане единствениот фудбалер во историја кој настапил на шест различни европски првенства.
Ова ја докажува неговата долговечност, но и неговата извонредност, поради што се уште е на списокот на португалски репрезентативци.
Дебитираше за националниот тим на ЕП како 19-годишник во 2004 година. Дваесет години подоцна, зад себе има сезона во која одигра 45 натпревари за Ал Наср, со учинок од 44 гола и 13 асистенции.
Тој е рекордер на Португалија по бројот на одиграни натпревари (207) и постигнати голови (130). Роналдо постигна најмалку еден гол на досегашните настапи на ЕП. Во 2016 година, со Португалија беше европски првак. Вкупно, тој одигра 25 натпревари на ЕП во 2004, 2008, 2012, 2016 и 2020 година, има постигнато 14 голови, забележал девет асистенции.