Спорт
Леклер и Ферари „летаа“ во Барселона, Гасли го искрши Ред булот
Новиот возач на Ферари, Шарл Леклер уште еднаш ја потврди брзината на новиот болид на Скудерија, додека новиот возач на Ред бул, Пјер Гасли го скрши болидот на претпоследниот ден тестирање во Ф1 во „Каталуња“ покрај Барселона.
Леклер го постави најдоброто време на зимското тестирање со предност од повеќе од половина секунда, пред Гасли да го уништи својот болид на брзата деветта кривина за втор судир на тестирањето.
Валтери Ботас од Мерцедес уште еднаш повтори дека Ферари се пред конкуренцијата, најавувајќи интересна сезона. Мерцедес повторно имаа потпросечен ден, не успевајќи да одредат постојаност во аеродинамиката на болидот.
„Изгледаат многу силно. Мораме да извлечеме многу од нашиот болид пред стартот на сезоната за да можеме да се натпреваруваме со нив“, изјави Финецот.
Леклер, кој дојде во Ферари по само една сезона за Алфа Ромео Заубер, вели дека е пресреќен со времето од 1:16.231.
„Болидот изгледа одлично од првиот ден. Балансот е одличен и тоа не се смени денеска. Имам уште многу да учам, но добро е да се биде на првото место, иако ова е само тестирање“, вели Леклер.
БАРСЕЛОНА -3. ДЕН
1.Шарл Леклер (Ферари) 1:16.231, 138 кругови
2.Александер Албон (Торо росо) 1:16.882, 118 кругови
3.Лендо Норис (Мекларен) 1:17.084, 84 кругови
4.Пјер Гасли (Ред бул) 1:17.091, 65 кругови
5.Даниел Рикардо (Рено) 1:17.204, 65 кругови
6.Нико Хилкенберг (Рено) 1:17.496, 73 кругови
7.Ленс Строл (Рејсинг поинт) 1:17.556, 103 кругови
8.Антонио Џовинаци (Алфа Ромео) 1:17.639, 71 кругови
9.Роман Грожан (Хас) 1:17.854, 16 кругови
10.Луис Хамилтон (Мерцедес) 1:18.097, 85 кругови
11.Џорџ Расел (Вилијамс) 1:18.097, 85 кругови
12.Кевин Магнусен (Хас) 1:18.199, 53 кругови
13.Валтери Ботас (Мерцедес) 1:18.862, 96 кругови
Find first Gasly crash pics now in our updated gallery. We even took a nice shot of the Red Bull floor during the recovery!
AMuS gallery: https://t.co/m6XNwwvvGs pic.twitter.com/LYYp7xesb7
— Tobi Grüner ? (@tgruener) February 28, 2019
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Неуспешниот експеримент со Аморим Јунајтед го чини 40 милиони фунти
Фудбалскиот клуб Манчестер Јунајтед потврди дека отпуштањето на Рубен Аморим може да ги чини повеќе од 18 милиони евра.
Португалецот го напушти клубот на 5 јануари по нерешениот резултат 1:1 со Лидс и отворениот напад врз раководството на клубот еден ден претходно.
Како што објави Би-Би-Си, Аморим ја бара гореспоменатата сума како компензација откако претходно на Спортинг Лисабон му беа издвоени околу седум милиони евра за неговото доаѓање.
Вкупно, со замената на Ерик Тен Хаг, која чинеше нешто помалку од 12 милиони евра, Би-Би-Си проценува дека неуспешниот проект со португалскиот тренер „црвените ѓаволи“ ги чини речиси 43 милиони евра.
Неговите 14 месеци на клупата на Јунајтед се најмалку од 2014 година и Дејвид Мојес. Тој победи на 25 од 63 натпревари, сезоната ја заврши на 15-то место во Премиер лигата. Ова е најлошиот пласма на клубот од испаѓањето во 1973/74 година.
Покрај тоа, тие загубија во финалето на Лига Европа, со што тимот остана без учество во европските купови за прв пат од 1990 година.
Foto/ depositphotos
Спорт
Без да потроши и еден цент Јувентус сака да изврши реконструкција во тимот
Челниците на Јувентус, откако тимот испадна од Лигата на шампионите, започнаа да ги кројат плановите за летната реконструкција. Планот е да се обидат да донесат четворица квалитетни фудбалери. Сите овие играчи, за чии интерес покажува Јувентус, ќе бидат слободни по завршувањето на сезоната. Планот е јасен без да потрошат пари, челните луѓе имаат намера да ја извршат реконструкцијата.
Прв на листата е Леон Горецка. Играчот на Баерн нема да добие нов договор, за него имаше интерес и во јануарскиот преоден рок но теој реши да стане во Минхен до крајот на сезоната.
Вториот е дефанзивецот на Борнмут, Маркос Сенеси. Слично како и за Горецка, и за неговите услуги постои голем интерес. Јувентус би морал да му понуди место во стартер и висока плата за да го привлече да се пресели во Торино.
Третиот и најпознат е Бернардо Силва, од јануари се шпекулираше дека Јувентус би можел да го доведе овој играч, а сега „Газета дело Спорт“, само ги потврди претходните извештаи дека овој играч е високо на листата на Бјанконерите.
Последен во низата, но не и најмалку важен, е дефанзивецот на Рома, Зеки Челик, фудбалер кој пред неколку години пристигна во Рим од Лил. Тој е стандарден член на турската репрезентација, а покрај тоа, може да покрие две позиции во одбраната, може да игра како десен бе и по потреба како дефанзивец.
Foto/ depositphotos
Спорт
Пеколни 18 дена се пред фудбалерите на Њукасл
Њукасл, попладнево го дозна противникот во осминафиналето, во Лигата на шампионите. „Страчките“ за противник ја добија Барселона.
Но Барселона најмалку го загрижува менаџерот Еди Хау. Пред неговиот тим е пеколно тежок распоред, во кој ќе одиграат шест натпревари за 18 дена.
Добрата вест е дека играат четири натпревари дома.
Прво во Премиер лигата ќе го пречекаат Манчестер Јунајтед на 4 март, а три дена подоцна ќе играат во ФА Купот против Манчестер Сити.
Следува натпреварот против Барселона во Лигата на шампионите. Овие три натпревари Њукасл ќе ги одигра на домашен терен.
„Страчките“ потоа ќе гостуваат кај Челзи, на 14 март, а неделата ја затвораат со уште еден натпревар против Барселона на стадионот „Камп Ноу“.
Сето ова ќе биде зачинето со најголемото дерби за навивачите на Њукасл, локалното против Сандерленд на 22 март.

