Спорт
Леклер издржа сè и триумфираше во Монца на радост на тифозите

Шарл Леклер стигна до својата втора победа во кариерата, само една недела по деби-триумфот во Спа Франкоршамп, изддржувајќи ги нападите на возачите на Мерцедес на домашната патека на Ферари, Монца за прв триумф на патеката на „коњчето“ од 2010 година.
Леклер, кој стартуваше од пол-позицијата, во вториот дел од трката се најде под притисок прво на Луис Хамилтон, а потоа и на неговиот колега Валтери Ботас откако Хамилтон направи една грешка, но на крајот изддржа за да покаже дека е возачот кого навивачите на Ферари го чекаат толку долго. Ботас на крајот заврши на второто место, додека Хамилтон беше трет.
Младиот возач од Монако неколку пати оваа сезона беше блиску до првото место, но сега со победите на две „класични“ трки во шампионатот, покажа дека има квалитет за борба со најдобрите, со што уште еднаш се докажа дека почетната тактика на Ферари да му дадат предност на Себастијан Фетел во трките.
Хамилтон освои дополнителниот поен со најбрзиот круг, но неговата предност во генерален пласман е недостижна. Ботас останува втор пред Макс Ферстапен со 185, само два повеќе од Леклер (182), кој сега е пред Фетел во генерален пласман (169).
Во топ 10 беа и Даниел Рикардо во Рено пред Нико Хилкенберг, Александер Албон, Серхио Перез, Макс Ферстапен (кој стартуваше од последното место), Антонио Џовинаци и Лендо Норис, додека Себастијан Фетел беше само 13-ти откако доби казна од влегување во боксот поради нелегалниот потег и судирот со Ленс Строл во Рејсинг поинт.
? CLASSIFICATION ?
Confirmation of @Charles_Leclerc‘s victory at Monza, with Mercedes completing the podium#F1 #ItalianGP ?? pic.twitter.com/Az1sRZjXo3
— Formula 1 (@F1) September 8, 2019
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Њукасл го потпишаа Џејкоб Ремзи

24-годишниот играч од средниот ред, Џејкоб Ремзи, е нов член на Њукасл јунајтед, со кого потпиша петгодишен договор, објави англиската Премиер лига во неделата.
Ремзи им се придружи на „страчките“ од Астон Вила и стана четвртото засилување на Њукасл ова лето.
Клубот не ги објави финансиските детали за овој трансфер, но англиските медиуми објавија дека е договорена компензација од 40 милиони фунти (околу 46 милиони евра).
„Ова е голем потег за мене, но штом дознав дека тренерот е заинтересиран и дека навистина му се допаѓам, не ми требаше долго време да донесам одлука“, изјави Ремзи за официјалната веб-страница на Њукасл јунајтед (newcastleunited.com).
Поранешниот англиски репрезентативец до 21 година кариерата ја започна во младинската школа на Астон Вила и одигра 167 натпревари за сениорскиот тим, постигнува 17 гола и забележа 19 асистенции.
Во својот нов клуб, Ремзи ќе го носи бројот 41, кој го имаше во Астон Вила, а би можел да дебитира во понеделник, 25 август, кога ќе игра на „Сент Џејмс Парк“, кога Њукасл ќе го пречека актуелниот шампион Ливерпул.
Foto/ newcastleunited.com
Спорт
(Видео) Нико Вилијамс со гол и две асистенции и пресуди на Севилја

Атлетик Билбао, во возбудлив натпревар, ја победи Севилја со 3:2. На отворањето на сезоната во Ла Лига, блескаше Нико Вилијамс со гол и две асистенции. Севилја се врати во мечот по водствто на Атлетик од 2:0, но не издржа. Дебитантот во дресот на баскискиот тим, Наваро погоди за победа.
Нико Вилијамс, кој во последен момент реши да остане во Билбао, кога ја одби понудата од Барселона, во 36.минута избори пенал и го претвори во гол. Овој играч, седум минути подоцна му асистираше на Санади кој погоди за 2:0.
Домашниот тим имаше шанси да го реши мечот во првите 10 минути од вториот дел, а кога не успеа казната стигна преку Лукебакио, кој испрати вистинска бомба од дистанца и намали на 2:1.
Во 72.минута, Севилја постигна уште еден гол од далечина. Резултатот го изедначи Агуме.
Го имаа гостите посакуваниот резултат се до 81.минута, кога по додавањето на Нико Вилијамс, конечниот резултат го постави Наваро.
Foto/ EPA/Miguel Tona
Спорт
Македонските одбојкари се пласираа на ЕП

Одбојкарската репрезентација на Македонија, како една од петте второпласирани селекции избори пласман на Европското првенство наредната година. Во последното коло, Македонија ја победи Грусија со 3:0 (25:13, 25:16, 25:17).
Македонија мораше да ја победи Грузија во три сета и да не загуби повеќе од 68 поени. Поради тоа македонските одбојкари максимално сериозно му пристапија на натпреварот. Експресно го добија првиот сет, во ист ритам продолжија и во вториот.
Мало опуптање следеше во третиот сет кога Грузија водеше 9:11, но тогаш се појави Ѓеорѓиев со серија добри сервиси, Македонија се одлепи на 18:12 и рутински го заклучи сетот.
Македонија во 2026 година четврти пат во историјата ќе учествува на Европско првенство.
Foto/ facebook.com/volleyballmkd