Спорт
Леклер предводеше 1-2 за Ферари, Хамилтон излета на тренингот во Монтреал (видео)

Шарл Леклер предводеше 1-2 на Ферари на вториот тренинг пред Канадското ГП во Монтреал, во сесија во која Ф1 шампионот, Луис Хамилтон во Мерцедес излета.
Хамилтон и неговиот колега Валтери Ботас беа за една секунда пред ривалите во првиот тренинг, но Британецот ја загуби контролата на болидот на осмата кривина и удри во ѕидот. Иако со искршениот болид стигна до боксот, тој повеќе не излезе на патеката.
Ферари покажа дека има брзина со меки гуми, откако Леклер постави најбрз круг од 1:12.177, за 0.074 секунди подобро од Себастијан Фетел, додека Ботас заостана 0.134 секунди на третото место. Карактеристиките на патеката „Жил Вилнев“ ги прават Ферари фаворити за прва победа оваа сезона.
Во топ 10 сите болиди беа опфатени во една секунда – по Ботас следуваа Карлос Саинс Јуниор (Мекларен), Кевин Магнусен (Хас), Хамилтон (Мерцедес), Серхио Перез (Рејсинг поинт), Даниел Рикардо (Рено), Нико Хилкенберг (Рено) и Ленс Строл (Рејсинг поинт).
It’s pretty rare to see Lewis Hamilton make a mistake like this…
…especially at a track where he’s won SIX times ?#CanadianGP ?? #F1 pic.twitter.com/kgefZbtC0Y
— Formula 1 (@F1) June 7, 2019
FP2 REPORT: Ferrari bite back, as Hamilton hits trouble#CanadianGP ?? #F1https://t.co/wkczWjHCCN
— Formula 1 (@F1) June 7, 2019
FP2 CLASSIFICATION
The Ferrari duo finish at the top, with Bottas just behind ?#CanadianGP ?? #F1 pic.twitter.com/d5XvOe0UoS
— Formula 1 (@F1) June 7, 2019
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

РЕ-Балканкан
Ѓоковиќ добил Златна виза, со семејството ќе живее во Атина

Грците со гордост објавуваат дека најуспешниот тенисер во историјата, Новак Ѓоковиќ, ќе се пресели во оваа земја со своето семејство и ќе започне ново поглавје во својот живот.
Грчката веб-страница „Glow.gr“ подготви голем текст за Новак Ѓоковиќ, објаснувајќи ја позадината на неговата одлука да ја направи Атина своја нова база.
„Неговата одлука не дојде туку така, туку е последица на неговата врска со Грција, која се зајакна со текот на годините.“
Заедно со неговата сопруга Јелена, тој ја посети Грција неколку пати, со семејни одмори на Крит и Миконос и направи поклонение на Света Гора, која има големо духовно значење за него. Од 2024 година започнаа неговите официјални контакти со грчката влада со цел да добие Златна виза. Семејството Ѓоковиќ бара идеален дом за своите деца, а акцентот е ставен на мирно, безбедно соседство кое е поврзано со природата.
Љубовта на Новак кон Грција не е ограничена само на културата и природата. Тој постојано нагласуваше дека бил трогнат од топлината на луѓето, рамнотежата помеѓу традицијата и модерноста, духовноста на православието и неговата поврзаност со монасите на Света Гора.
Постојат и практични причини: Атина е блиску до повеќето градови каде што се одржуваат турнирите, има одлична медицинска и образовна инфраструктура, а се развива и во деловен поглед.“
Во заклучокот на текстот се наведува дека Ѓоковиќ е една од највлијателните личности во светот на спортот.
Спорт
Лукас Нмеча е првото засилување на Лидс

Повратникот во Премиер лигата на Англија, Лидс го обезбеди потписот на германскиот напаѓач Лукас Нмеча, кој со тоа ќе стане првото засилување на клубот за следната сезона.
Нмеча се враќа во англискиот фудбал, бидејќи ја започна својата кариера во Манчестер сити, за кого одигра само два првенствени натпревари, а по бројните позајмици се пресели во Волфбург, каде што ги помина претходните четири сезони.
Нмеча е член на германската репрезентација, а во Лидс доаѓа како слободен играч.
Тој со клубот од Јоркшир потпиша две годишен договор.
Спорт
Полонара се бори со леукемија

Италијанскиот кошаркар Акиле Полонара е болен со леукемија, објави неговиот клуб Виртус од Болоња.
Пред две години, Полонара беше опериран за отстранување на тумор на тестисите од кој се опорави, но сега го очекува уште една животна битка.
Му беше дијагностицирана миелоидна леукемија, што значи малигна болест на коскената срцевина.
„Ајде Аки, со тебе сме, те чекаме“, е пораката на неговиот клуб, чие соопштение го преведуваме во целост.
„Виртус ја информира јавноста дека Акиле Полонара во текот на изминатите недели поминал на специјалистички медицински прегледи, по што му е поставена дијагноза миелоидна леукемија. Полонара моментално е хоспитализиран во болницата „Св. Орсоло Малпиги“ во Болоња, каде што започнал со специфични терапии. Целото семејство Виртус е со Акиле и неговите најблиски и му посакува брзо закрепнување. Ајде Аки, сите сме со тебе и те чекаме“, се наведува во соопштението за медиумите на клубот.