Спорт
Леклер прв пат во кариерата победи во Монако
![](https://makfax.com.mk/wp-content/uploads/2024/05/12256559.jpg)
Возачот на Ферари, Шарл Леклер е победник на трката во неговиот роден град, Големата награда на Монако. Второто место го освои возачот на Мекларен, Оскар Пјастри, а најниското скалило на подиумот му припадна на уште еден член на Ферари, Карлос Саинц.
Леклерк до ова неделно поладне никогаш не победил во својот град. Денес ја забележа петтата победа во кариерата, прва по пауза од речиси две години.
Трката беше многу специфична, бидејќи на почетокот имаше страшен инцидент (сосема невообичаен за Монте Карло), во кој Серхио Перез остана неповреден. Покрај него трката ја завршија возачите на Хас, Кевин Магнусен и Нико Хулкенберг, а поради дург инцидент на стартот од трката се повлече и Естебан Окон од Алпин.
Веднаш беше истакнато црвено знаме, трката беше прекината. Од оваа одлука најмногу профитираше Карлос Саинц, кој на стартот погреши, излета од патеката, ја дупна гумата, но некако успеа како 16. да дојде до боксот.
Дирекцијата на трката реши на рестарот сите да бидат на пизициите од квалифкациите.
На крајот како што стартуваа така и завршија, бидејќи црвеното знаме сите го искористија за да ја извршат задолжителната промана на пневматиците.
Бодови во Монако освоија Ландо Норис (Мекларен), Џорџ Расел (Мерцедес), Макс Ферстапен (Ред Бул), Луис Хамилтон (Мерцедес), Јуки Цнода (РБ). Алекс Албон (Вилијамс) и Пјер Гасли (Алпин).
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
Бунт во репрезентацијата на Србија
![](https://makfax.com.mk/wp-content/uploads/2024/06/skynews-serbia-football-euro-2024_6586377.jpg)
Неполни 12 часа по елиминацијата на репрезентацијата на Србија од Европското првенство, српските таблоиди објавија дека дел од репрезентативците кренале бунт против селекторот Драган Стојковиќ Пикси. Инаку, Србија во Ц групата, заврши на последното место зад Англија, Данска и Словенија. Овие три селекции изборија место во осминафиналето.
Б92, повикувајќи се на таблоидните медиуми во Србија, објави дека Душан Тадиќ, Александар Митровиќ, Сергеј Милинковиќ-Савиќ и неговиот брат Вања наводно изјавиле дека нема да играат за репрезентацијата се додека на селекторската позиција е Драган Стојковиќ..
Тадиќ е лут бидејќи тешко ја прифати одлуката натпреварот со Англија во првото коло да го започне од клупата за резерви. Исто така тој беше резерва и во решавачкиот против Данска.
Александар Митровиќ е далу од она што некогаш беше. Тој беше незадоволен кога Писки го замени против Англија, а синоќа по мечот со Данска рече дека веројатно тактиката не била добра.
Што се однесува до Сергеј Милинковиќ-Савиќ, тој не воодушеви со своите игри на ова ЕП.
Првиот натпревар против Англија го започна од првата минута, но беше заменет на полувремето, а против Словебија и Данска беше резерва.
Што се однесува до неговиот брат Вања, ваквата гласина е сосема очекувана со оглед на тоа што беше прв голман во Лигата на нации и квалификациите, но местото го загуби ЕП од Предраг Рајковиќ, кој веројатно беше најдобрито играч на Србија.
Сепак, Телеграф пренесува дека Рајковиќ се солидаризирал со поискусните соиграчи и наводно повеќе нема да игра за Србија се додека Драган Стојковиќ е на селекторската позиција.
Српските фудбалери вечерва се враќаат во Белград.
Спорт
Усик остана без титулата во верзијата на ИБФ
![](https://makfax.com.mk/wp-content/uploads/2024/06/5431757_20220821t113110z-2065945597-rc2q0w9r56sj-rtrmadp-3-boxingheavyweightusykjoshua_ls.jpg)
Украинецот Олександер Усик само 40 дена беше апсолутен шампион во тешка категорија. Без овој статус остана бидејќи се откажа од одбраната на титулата во верзијата ИБФ.
Усик на 18 мај го победи Британецот Тајсон Фјури на поени и со тоа стана првиот апсолутен светски шампион во тешка категорија по 24 години и Ленокс Луис.
Усик и Фјури се договорија за реванш кој ќе се одржи на 21 декември. Украинецот побара од ИБФ да не му го одземаат појасот пред реваншот со Фјури, но барањето му беше одбиено.
ИБФ, по повлекувањето на Усик за привремен шампион го прогласи Британецот Даниел Дубоа, кој го победи најдобриот хрватски тешкаш Филип Хрговиќ со нокаут на 1 јуни.
Со ваквиот развој на настаните, борбата меѓу Дубоа и уште еден Британец Ентони Џошуа, која беше договорена за 21 септември на Вембли, станува борба за титулата шампион во ИБФ верзијата.
Спорт
Конечен расплет во Е групата – Секој може да испадне и секој може да оди во нокаут фазата
![](https://makfax.com.mk/wp-content/uploads/2024/06/thumbs_b_c_82ac1c5980d966282a3fd150042ff84a.jpg)
Најинтересна и најнеизвесна група пред последното коло од групната фаза на ЕП е групата Е. Во последната рунда сите селекции влегваат со по три бода.
Поради гол разликата на табелата води Романија (3:2), следуваат Белгија (2:1), Словачка (2:2) и Украина (2:4).
Не се знае кој ќе оди во нокаут фазата, но сигурно е дека од оваа група три селекции ќе се пласираат во осминафиналето. Јасно е дека победа на секоја селекција и гарантира место во Топ 16.
Доколку Романија и Словачка ремизираат, со по четири бода се сигурни во осминафиналето.
Се поставува прашањето што ќе се случи доколку двата натпревари завршат нерешено?
Првата опција нерешените резултати да бидат идентични или доколку Белгија и Украина ремизираат со помалку голови од Романија и Словачка, тогаш распоредот би изгледал вака: Романија, Белгија, Словачка, Украина. Односно Украинците би биле елиминирани поради најлошата гол-разлика.
Друга опција е Белгија и Украина да ремизираат со постигнати голови (1:1), а Словачка и Романија без голови, тогаш Белгијците би го зазеле првото место, пред Романија и Словачка.
Конечно, еве уште неколку клучни податоци за секоја репрезентација:
Романците сигурно ќе напредуваат доколку не загубат од Словачка, а ќе бидат први во групата доколку Белгија не ја победи и Украина. Романците испаѓаат само ако загубат од Словачка, а Украинците освојат барем бод со Белгија.
Белгијците исто така напредуваат ако останат непоразени против Украина, а исто така ќе бидат на чело на групата доколку победат и Словачка не успее да ги победи Романците. Белгијците можат да испаднат само ако загубат, а Романија го избегне поразот.
Словаците сигурно ќе одат понатаму ако ги победат Романците, а можат да ремизираат и да одат како третопласирана екипа. И Словаците можат да бидат први, но мора да победат и Украина да не ја победи Белгија. Словаците ќе бидат елиминирани доколку загубат, а Белгија остане непоразена.
Конечно, Украина сигурно ќе оди понатаму ако ја победи Белгија. Украинците можат да продолжат како трети доколку ремизираат со Белгија, но ако има победник на натпреварот Романија-Словачка. Украинците сигурно ќе испаднат ако загубат од Белгија и ако Словаците освојат барем бод.