Спорт
Лестер го купи тинејџерот Фофана од Сент-Етјен
Поранешните шампиони од Премиер лигата, Лестер сити го комплетираа трансферот на тинејџерот од Сент-Етјен, Весли Фофана, со рекорден договор.
Ова е најголема продажба на Сент-Етјен во историјата, бидејќи францускиот 19-годишен дефанзивец ќе направи трансфер за 30 милиони фунти.
„Пресреќен сум што сум тука, а го следев Лестер откако ја освоија титулата и покажаа дека се врвен клуб во Премиер лигата. Имам многу за учење, но имам совршена шанса за тоа“, вели дефанзивецот.
Лестер ги шокира Манчестер сити со 5:2 во неделата за да имаат три победи во три меча досега под Брендан Роџерс, а оваа сезона тимот ќе настапува и во Лига Европа, каде што се во група со Брага, АЕК и Зорја Луханск.
Leicester City is delighted to confirm the signing of defender @Wesley_Fofanaa from Ligue 1 side AS Saint-Étienne for an undisclosed fee, subject to Premier League and international clearance ??#WelcomeWesley
— Leicester City (@LCFC) October 2, 2020
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Сака ќе стане најплатениот играч во историјата на Арсенал
Арсенал продолжува да постигнува успеси на сите фронтови, а дополнителна причина за задоволството на навивачите на „топџиите“ доаѓа од раководството на клубот, се подготвува нов, рекорден договор за Букаи Сака, најголемата ѕвезда на тимот.
Според англиските медиуми, 24-годишниот репрезентативец на Англија е пред потпишување на повеќегодишно продолжување на договорот што би го направило најплатен играч во историјата на Арсенал.
Новиот договор предвидува тој да заработува околу 300.000 фунти неделно, а договорот треба да биде формализиран во наредните недели.
Иако сегашниот договор на Сака е до јуни 2027 година, клубот сака да го обезбеди неговиот престој за подолг период и јасно да стави до знаење дека тој е централната фигура на проектот што треба да го донесе првиот шампионски пехар од 2005 година.
Сака, чија пазарна вредност се проценува на околу 140 милиони евра, никогаш не бил предмет на шпекулации за трансфер кога станува збор за заминување од Лондон.
Напротив, Арсенал го гледа како столб на иднината и лидер на генерацијата што го враќа клубот на врвот на англискиот фудбал.
Преговорите со неговите менаџери се движат во позитивна насока, а сè укажува дека договорот е прашање на време.
Спорт
Голман на Интер усмртил човек
Шпанскиот голман на Интер, Хозеп Мартинез, беше вклучен во тешка сообраќајна несреќа во градот Фенегро, недалеку од Комо, во која животот го загуби 81-годишен маж во инвалидска количка, објавија италијанските медиуми.
Трагедијата се случила во утринските часови, околу 9:30 часот, во близина на тренинг центарот на Интер.
Според првите извештаи, постариот маж, од сè уште непознати причини, преминал на спротивната лента од патот, во моментот кога поминувал автомобилот управуван од Мартинез.
Итните служби брзо пристигнале на местото на несреќата, но и покрај напорите на лекарите, човекот не преживеал.
Италијанските портали наведуваат дека е можно на жртвата претходно да и се слошило, што довело до кобната несреќа.
Мартинез, кој летово пристигна во Интер од Џенова како резерва на швајцарскиот голман Јан Зомер, не го коментираше инцидентот, а истото важи и за клубот од Милано.
Спорт
Јокиќ првпат го коментира дебаклот на Србија на Европското првенство
Никола Јокиќ беше расположен по победата на Денвер над Минесота (127:114) и уште еден трипл-дабл настап (25 поени, 19 скокови, 10 асистенции).
Во Минеаполис, Србинот одговори и на неколку прашања на новинар на Српската радио-телевизија.
Јокиќ за прв пат го коментираше дебаклот на Србија на Европското првенство, каде што беше елиминирана во осминафиналето од Финска. Познато е дека Јокиќ воопшто не зборува за медиумите во Србија од непознати причини.
Дали ги сумираше впечатоците од Европското првенство? – праша новинарот на РТС
„Било поминало“, кратко рече Јокиќ.
Многумина го гледаат овој тим на Денвер како фаворит за освојување на НБА?
„И Србија беше фаворит на Европското првенство, светско, што и да беше…“
Во првите три натпревари, Нагетс остварија две победи и еден пораз?
„Атмосферата во тимот е подобра, се обидуваме да направиме некои нови работи. Се надевам дека ќе ја продолжиме нашата победничка серија. Дури и кога загубивме од Голден Стејт, мислам дека игравме добро“, рече Јокиќ.
Foto/ FIBA

