Спорт
Лестер го отпушти Брендан Роџерс
Англискиот премиерлигаш Лестер го отпушти менаџерот Брендан Роџерс. Клупските челници се надеваа дека перформансите на тимот ќе се подобрат и покажаа малку трпение, но тимот е во зоната за испаѓање на 10 кола до крајот на сезоната. Вчера „лисиците“ загубија со 1:2 на гостувањето кај Кристал Палас, што беше шести пораз во последните седум натпревари во сите натпреварувања.
Роџерс пристигна во Лестер во 2019 година и го предводеше тимот до првиот ФА Куп во историјата на клубот. За време на неговата ера, тимот двапати завршуваше на петтото место во Премиерлигата и се пласираше во европските натпреварувања. Во 2022 година, „лисиците“ за првпат играа полуфинале на европски клупски турнир откако стигнаа до оваа фаза во Конференциската лига на УЕФА.
Лестер објави дека разделбата со Роџерс е со заедничка согласност.
„Постигнувањата на тимот под водство на Брендан зборуваат сами за себе. Имавме некои од нашите најдобри фудбалски моменти под негово водство и секогаш ќе му бидеме благодарни за височините што ни помогна да ги достигнеме“, изјави претседателот на Лестер, Ајават Шриваданапраба.
Leicester City Football Club has reached a mutual agreement with Brendan Rodgers that will see him leave the Club after four years as our Men’s First Team Manager.
— Leicester City (@LCFC) April 2, 2023
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Серлот во 90+7. минута ја сруши Севилја
Во еден од дерби натпреварите од 35. коло на Ла Лига, Виљареал ја совлада Севилја со 3:2.
Виљареал и Севилја се борат за место во Европа, а по триумфот на „Жолтата подморница“ има еден конкурент помалку за местото кое води во квалификациите за Конференциската лига.
Севилја пропушти голема прилика, два пати имаше водство на натпреварот. Првиот, кога во 26. минута Ел Несири беше прецизен од белата точка, неговиот гол беше поништен во 30. минута од Серлот.
Вториот пат Ел Несири погоди од поле во 44. минута, па на полувремето Севиља имаше гол вишок. И се спротивстави до крајот на мечот, се чинеше дека ќе ги добие сите три, а на крајот останаа без ниту еден бод.
Во 84. минута Москера му донесе израмнување на Виљареал, а кога голот на Тератс беше поништен поради офсајд во втората минута од судиското надополнување, се чинеше дека Севилја ќе остане непоразена. Тоа не се случи, Серлот, буквално со последниот шут на мечот во 97.минута им донесе голема радост на домашните.
Спорт
(Видео) Барнли испадна од Премиер лигата
Саботните попладневни натпревари во Премиер лигата ја разрешија дилемата кој се сели во Чемпионшип заедно со Шефилд Јунајтед. Барнли по само една сезона се враќа во Чемпионшип дивизијата.
Барнли беше поразен на гостувањето кај Тотенхем со 2:1 (1:1), додека на прагот на Чемпионшип е и Лутон, кој во Лондон беше поразен и од Вест Хем со 3:1 (0:1).
Ако Нотингем Форест освои барем бод во дуелот со Челзи, на коло пред крајот и Лутон ќе биде отпишан д Премиер лигата.
За Тотенхем мечот со Барнли беше важен и поради битката за петтата позиција која води во Лига Европа.
Тотенхем се изнамачи за да ги освои бодовите протв Барнли. Гостите водеа од 25.минута со голот на Јакоб Брун Ларсен.
Тотенхем изедначи во 32. минута преку Педро Поро, а победата им ја донесе Мики ван де Вен во 82. минута.
На стадионот на Вест Хем, Лутон имаше сè во свои раце по првите 45 минути. Од шестата минута имаше предност на Локонга.
Сепак, Вест Хем подоцна успеа да воспостваи контрола на теренот и да постигне три гола. Стрелци беа на Ворд-Проуз во 54. минута, Соучек во 66. минута и Ерти во 77. минута.
Кристал Палас како гостин славеше кај Вулвс со 3:1, додека дуелот меѓу Њукасл и Брајтон заврши без победник (1:1).
Сега е извесно дека „страчките“ ќе бидат на шестото место, што ги води во квалификациите за Конференциската лига.
Спорт
(Видео) Нестварен пресврт на Келн, живи надежта за опстанок во Бундес лигата
Фудбалерите на Келн со се вртија по неагтивата од два гола против Унион Берлин и во пресрет на последното коло во Бундес лигата ги задржаа шансите да останат во лигата.
Унион, кој сезонава одигра солидно во групната фаза од Лигата на шампионите, одлично го започна натпреварот во Келн. По 19.минути игра гостите од престолнината имаа водство 0:2. Стрелци Кнохе во 15. и Фоланд во 19.минута од пенал.
До крајот на првиот дел, Кнајц ја намали предноста на Унион.
И во моментите кога некои навивачи веќе почнаа да го напуштаат стадионот, се појави трошка надеж, во 89. минута Тигес со глава погоди за 2:2., а во третата минута од судиското надополнување ерупција од воодушевување предизвика голот на Даунс.
Келн со 27 поени остана на претпоследното место, Унион е прв над цртата со 30 бода.
Лајпциг дефинитивно е во Лигата на шампионите, но се уште е неизвесно дали ќе биде на четвртото место. Таа позиција можеа да ја потврдат и против Вердер, но освоија бод пред своите гледачи – 1:1. Македонскиот репрезентативец Елмас настапи од 64.минута кога влезе на местото на Баумгартнер.
Резултати:
Фрајбург-Ханденхајм 1:1
Борусија Менхенгладбах-Ајнтрахт 1.1
Лајпциг-Вердер 1.1
Келн-Унион Белрин 2:3.