Со голема хуманитарна акција „Повеќе од гол”, лидерот во приредување игри на среќа ја започнува новата година. Mozzart повторно внесува хуманитарна нота на светското првенство во ракомет. Македонските ракометари во среда го играат првиот натпревар, а за секој нивен погодок ќе бидат донирани по 5.000 денари во хуманитарни цели. Промотер на хуманитарната акција на Mozzart ќе биде капитенот на македонската репрезентација, Филип Кузмановски кој без двоумење се согласи да биде дел од оваа убава приказна, за која вели дека ќе биде голем мотив да се постигнат што повеќе голови.

„ Ми преставува вистинско задоволство да бидам дел од оваа хуманитарна акција на Mozzart. Драго ми е што заедно ќе имаме можност да помогнеме онаму каде тоа е најпотребно. Кога станува збор за вакви и слични акции, секогаш сум тука да помогнам и да бидам дел од истите. Ќе дадеме се од себе да постигнеме повеќе голови и да собереме убава сума која потоа заедно со Mozzart ќе ја донираме во хуманитарни цели”, изјави Филип Кузмановски

Светското првенство во ракомет за мажи ќе се одржи во Хрватска, Данска и Норвешка од 14 јануари до 2 февруари 2025 година.

„ Повеќе од гол веќе станува традиционална акција. Тргнувајќи од фактот дека ракометот е еден од најпопуларните спортови во Македонија, компанијата одлучи повторно да ги мотивира ракометарите да постигнат што повеќе голови и да ги тресат противничките мрежи. За секој погодок на македонската репрезентација, Mozzart ќе донира по 5000 денари кои ќе бидаат наменети за хуманитарни цели. Им посакуваме многу среќа на нашите ракометари, а нам ни останува да ги бодриме, заедно да се радуваме на секој нивни погодок кој ќе го зголемува хуманитарниот фонд”, изјави Ивана Стефановска Крстевска од Mozzart.

Првиот натпревар на македонската репрезентација ќе биде против Унгарија на 15 јануари, два дена подоцна на 17 јануари ќе следува натпревар со Холандија, а на 19 јануари нашите ракометари силите ќе ги одмерат со Гвинеја.

ПР текст

Фудбалскиот клуб Милан ќе стапи во контакт со Манчестер јунајтед во врска со потписот на напаѓачот на англискиот клуб Маркус Рашфорд.

Милан е заинтересиран и за дефанзивецот на Манчестер сити, Кајл Вокер, но бидејќи секој клуб во Серија А смее да регистрира само по еден англиски играч, приорите за клубот е Рашфорд, објави „Скај спорт Италија“.

За Рашфорд е заинтересирана и Борусија Дортмунд, но проблем за германскиот клуб е платата на фудбалерот на Манчестер јунајтед.

Рашфорд ги пропушти претходните седум натпревари на Јунајтед, а тренерот на клубот од Манчестер, Рубен Аморим изјави дека не знае дали англискиот напаѓач и во иднина ќе биде дел од тимот.

Рашфорд (27) од почетокот на кариерата е дел од Манчестер јунајтед има одиграно 426 натпревари и постигнато 138 голови.

Актуелниот европски вицешампион со Борусија Дортмунд, Холанѓанецот Дониел Мален наскоро би требало да стане нов играч на Астон Вила.

Холандскиот напаѓач ги договорил личните услови со англискиот клуб, разговарал со менаџерот Унаи Емери, а неговиот трансфер во Бирмингем ќе ја чини Вила 23 милиони евра и дополнителни три милиони доколку Мален исполни одредени бонуси, пренесува Фабрицио Романо.

Мален е во Дортмунд од летото 2021 година, кога пристигна од ПСВ Ајндховен во трансфер вреден 30.000.000 евра.

Оваа сезона Холанѓанецот одигра 21 натпревар за „милионерите“ и постигна пет гола.

Вила моментално е на осмото место во Премиер лигата, додека во Лигата на шампионите е на одлична петта позиција на две кола до крајот првата фаза од натпреварувањето.