Спорт
Лестер испадна од Премиер лигата и продолжи да руши негативни рекорди
Поразот од Ливерпул на стадионот „Кинг Пауер“ (0:1) значи дека Лестер дефинитивно испаднаа од Премиер лигата и во исто време станаа неславни рекордери во една од најцрните серии во англискиот фудбал.
За фудбалерите на Лестер ова беше деветти последователен пораз на домашен терен во Премиер лигата и деветти меч пред домашните навивачи на кој не постигнаа гол!
Гол разлика 0:22!
По ред: Ливерпул 0:1, Њукасл 0:3, Манчестер Јунајтед 0:3, Брентфорд 0:4, Арсенал 0:2, Фулам 0:2, Кристал Палас 0:2, Манчестер Сити 0:2, Вулверхемптон 0:3.
„Лисиците“ станаа првиот тим во историјата на најсилната англиска лига што не постигнал гол на девет последователни натпревари на домашен терен (со сите девет порази).
Во историјата на англискиот фудбал само фудбалерите на Вулверхемптон во втората англиска лига беа полоши во оваа категорија со 10 меча без гол на домашен терен во периодот од декември 1984 до април 1985 година.
Прашање е што ќе прави клубот во иднина? Сериозни анализи и веројатно големи промени допрва следуваат. Што ќе се случи со миленикот на фановите Џејми Варди?
Најдобриот играч во Премиер лигата од 2016 година, сезоната кога Лестер го направи едно од најголемите изненадувања во историјата на фудбалот и ја освои титулата, му истекува договорот во јуни и допрва треба да добие понуда од клубот да потпише нов.
Варди изјави дека се уште нема да се пензионира, иако следниот јануари ќе наполни 39 години.
А што ќе биде со Руд Ван Нистелрој? Холанѓанецот не успеа да го задржи Лестер во Премиер лигата и не е познато дали ќе го води тимот следната сезона.
На новинарско прашање кога ја очекува одлуката на клубот, тој одговара:
„Се надевам наскоро. Новата сезона започнува многу брзо и треба да започнат подготовките. Значи, што побрзо, толку подобро”.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Лучано Спалети е новиот тренер на Јувентус
Лучано Спалети ќе биде новиот тренер на Јувентус, потврдија денес бројни извори од Апенините.
Спалети ќе потпише договорот до крајот на тековната сезона, а тој автоматски ќе биде продолжен до летото 2027 година доколку Јувентус обезбеди место во Лигата на шампионите.
Исто така е познато дека Спалети ќе заработува 2.800.000 евра годишно, и веднаш ќе го преземе тимот.
Спалети е без работа откако ја напушти клупата на италијанската репрезентација во јуни оваа година.
Претходно беше лут ривал на Јувентус, бидејќи го водеше Наполи до титулата во сезоната 2022/23. Спалети беше ривал на „старата дама“ и како тренер на Интер, од летото 2017 до летото 2019 година, а својот најголем белег го остави во Рома, која ја водеше во два наврати, од 2005 до 2009 година, а потоа од јануари 2016 до јуни 2017 година.
Спалети е големо име во италијанскиот фудбал, иако има освоено само едно Скудето со Наполи, со Рома двапати го освои Купот на Италија, како и Суперкупот. Најголемиот успех го постигна на клупата на руски Зенит, со кого беше шампион во 2010 и 2012 година.
Спорт
Евра: Ова веќе не се фудбалери, туку инфлуенсери
Поранешниот играч на Манчестер Јунајтед и Јувентус, Патрис Евра, зборуваше за отказот што го доби Игор Тудор од челниците на „Старата дама“.
„Ви благодарам за сè, мистер. Но, оваа порака е и за играчите, бидејќи кога вашиот тренер ќе биде отпуштен, тоа значи дека не сте ја завршиле добро работата на теренот. Ми се случи само еднаш во кариерата и се чувствував како ѓубре“, рече Евра.
Французинот исто така рече дека денешните фудбалери, поради влијанието на социјалните мрежи, не можат да се споредат со оние од неговата генерација.
„Не можам да бидам груб кон нив, но тоа е нова генерација, ТикТок генерација. Тие повеќе не се фудбалери, туку брендови, рапери, инфлуенсери. Премногу работи во го одвлекуваат вниманието. Ние само јадевме, спиевме и игравме фудбал. Денес, тоа го нема.“
Евра додаде дека Јувентус го изгубил својот идентитет.
„Клубот целосно се промени, ги загубија своите вистински вредности. Кога дојдов, претседателот Ањели беше секогаш со нас, со Недвед, Марота и Паратичи. Сега тоа го нема“, рече Евра.
Спорт
Наполи ќе го откупи Хојлунд од Манчестер Јунајтед
Расмус Хојлунд пристигна во Наполи како позајмен играч од Манчестер Јунајтед ова лето.
Младиот напаѓач веднаш остави добар впечаток вој новиот клуб кој сака да го откупи неговиот договор. Хојлунд одигра шест натпревари во кои постигна четири гола.
Според британските медиуми, првиот човеке на Наполи, Аурелио Де Лаурентис донел одлука договорот на Хојлунд да биде откупен и веќе започнал да работи на неговата реализиција.
Управата на клубот сака да ја активира откупната клаузула, која изнесува 44 милиони евра, во јануарскиот преоден рок.
Англискиот и италијанскиот клуб се во интензивни преговори, а доколку Наполи избори пласман во Лигата на шампионите, опцијата за откуп станува автоматски задолжителна, што би го олеснило трансферот уште повеќе.
Хојлунд одигра 95 натпревари во дресот на Манчестер Јунајтед и постигна 26 гола.

