Спорт
Лева и Баерн се „прошетаа“ на „Ноу Камп“, Лукаку пак човек на одлука за шампионот Челси
Навивачите на Барселона кои очекуваа и покрај тоа што клубот е значително ослабен по катастрофалното лето да има слатка одмазда против Баерн Минхен, на крајот останаа разочарани, откако германскиот шампион стигна до рутинска 0:3 победа пред 40 илјади домашни каталонски фанови.
Иако резултатот не беше драстичен како 8:2 победата од пред две години, Баерн ја продолжи доминацијата во мечевите со Барселона во ЛШ – во 13 меча, имаат 8 победи против каталонскиот тим. За среќа, Барселона го имаа на голот расположениот Марк-Андре Тер Штеген, без кого поразот можеше да биде и поголем.
Томас Милер, еден ден по неговиот 32. роденден, го постигна својот 7. гол во мечевите против Барса во кариерата во 33. минута, пред Роберт Левандовски во 56. минута да го потврди триумфот, и во 85. минута само стави сол на раните на домаќините. Левандовски е во неверојатна форма со дури 18 меча едноподруго во кои постигнал барем еден гол.
Актуелниот шампион, Челси, пак, дури во 69. минута го скрши отпорот на Зенит Санкт Петерсбург на „Стемфорд Бриџ“, кога Ромелу Лукаку го продолжи одличниот камбек во својот стар клуб. Во истата група Г, Јувентус уште во првото полувреме го „реши“ Малме за 0:4 победа и кревање на моралот по лошиот старт на домашниот шампионат.
Најинтересно беше на „Керамика“, каде што Вилјареал и Аталанта одиграа одличен меч кој заврши 2:2.
Графика: Sofascore за Топспорт.мк
ЛИГА НА ШАМПИОНИ, 1.КОЛО
ГРУПА Е
Барселона – Баерн Минхен 0:3
Динамо Киев – Бенфика 1:0
ГРУПА Ф
Вилјареал – Аталанта 2:2
ГРУПА Г
Лил – Волфсбург 0:0
ГРУПА Х
Челси – Зенит Санкт Петерсбург 1:0
Малме – Јувентус 0:4
БАРСЕЛОНА – БАЕРН
ЧЕЛСИ – ЗЕНИТ
МАЛМЕ – ЈУВЕНТУС
ВИЛЈАРЕАЛ – АТАЛАНТА
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Брејк на Макаби во Атина
Плеј-офот во кошаркарската Евролига започна со брејк на Макаби во ОАКА арената во Атина. Макаби го победи Панатинаикос 91:87.
Панатинаикос го контролираше натпреварот 32.минути, неколку пати зелените имаа предност од 12 поени, но не успеаја да го решат натпреварот.
Трагичар е Костас Слукас кој на 20 секунди до крајот продаде топка, а Џош Нибо од линијата за слободи го постави конечниот резултат. До тој момент Слукас одигра совршен натпревар (12 поени, 13 скокови, без загубена топка).
Најдобриот учинок во редовите на Макаби го имаше Бонзи Колсон, која забележа 18 поени со два скока, а го следеа Лоренцо Браун со 16 поени, четири скока и три асистенции, Вејд Болдвин со 15 поени со седум скока. Болдвин поради повреда не играше во последните осум минути.
Двоцифрен беше и Џош Ниебо со 12 поени и осум скока.
Кај Панатинаикос се истакна Матијас Лесор со 22 поени и шест скока, но и очајна реализација на слободните фрлања 4/11, а двоцифрени беа и Џериан Грант и Мариус Григонис со по 11 поени.
Вториот натпревар се игра за два дена исто така во Атина.
Спорт
Ендика немал срцев удар, може повторно да игра
Еван Ендика колабираше на теренот на Фриули, но не беше ништо сериозно, па му беше дозволено да се врати на теренот.
Најпрво се чинеше дека играчот на репрезентацијата на Брегот на Слоновата Коска има проблеми со срцето. Сепак, тоа не беше така, а тренерот Даниеле де Роси откри дека се работи за белите дробови.
– Тешко е да се справиме со моменталната белодробна инсуфициенција. За среќа, се се заврши добро. Нема проблем со срцето – од тоа првично се плашевме – изјави Де Роси.
Ендика бил пуштен од болница и можел да се врати на терен. Самиот натпревар помеѓу Удинезе и Рома беше прекинат во 70. минута при резултат 1:1.
Спорт
Гигантите од Евролигата се против влезот на Дубаи
Според сознанијата на шпанскиот кошаркарски портал „Енцестандо“, неколку гиганти од Евролигата се против идејата Дубаи да се приклучи во елитното натпреварување.
Иако пред неколку месеци беше претставено дека Дубаи дефинитивно ќе биде дел од европското натпреварување, може да дојде до пресврт.
Парите кои тимот би ги донел во Евролигата засега не се доволна причина.
„Енцестандо“ пренесува дека Реал е предводник на клубовите кои се противат на влезот на Дубаи цели седум години.
Наводно на страната на Реал застанале и Фенербахче и Баерн кои не сметаат дека парите треба да бидат пресуден фактор.
Еден од проблемите што би можел да го донесе Дубаи е нарушувањето на пазарот на играчи, бидејќи може да понуди многу повисоки плати од оние што моментално се во Европа.
Таму не се плаќаат даноци, па би било многу полесно да се ангажираат играчи отколку во другите европски земји.
„Енцестандо“ пренесува дека Дубаи наводно веќе им понудил договори на некои од играчите на најдобрите европски тимови со избраниот тренер Светислав Пешиќ.
Шпанците пишуваат и дека датумот кога ќе се гласа за влез на Дубаи се уште не е ни блиску.
Првобитното гласање требаше да се одржи во средината на март, а потоа беше одложено.
Во меѓувреме Дубаи е примен во АБА-лигата и примарната идеја е следната година прво да игра во Еврокупот, па дури потоа да дојде за прием во Евролигата.