Спорт
Левандовски го крена на нозе „Ноу Камп“ со два „мајсторски“ гола
Роберт Левандовски е истиот, иако е во нов клуб, откако постигна два фантастични гола за да ги предводи Барселона до 4:0 победа над Реал Валјадолид, покажувајќи на сите скептици кои сметаа дека е престар за нов почеток, дека класата нема години.
Откако минатото коло постигна два гола на гости против Реал Сосиедад, полската гол-машина „проработе“ во 24. минута, кога по одличната асистенција на уште едно ново засилување, Рафиња, постигна уште поубав гол. Тимот на Чави Ернандез не го намали притисокот и во 43. минута, Педри се најде во најдобра позиција по мешаницата пред голот на гостите за да го удвои водството.
Лева не застана тука – во 65. минута, по асистенција на Усман Дембеле (негова втора на мечот), со петица го постигна својот втор гол за да го запечати триумфот и да го најави големото пристигнување во шпанскиот фудбал. Во 92. минута од мечот Левандовски за малку ќе го комплетираше хет-трикот, но неговиот удар заврши во пречката, пред Серхи Роберто да ги постави конечните 4:0.
Графика: Sofascore за Топспорт.мк
(function (el) { window.addEventListener(“message”, (event) => { if (event.origin.startsWith(“https://www.sofascore”)) { if (el.id === event.data.id) { el.style.height = event.data.height + “px”; } } }); })(document.getElementById(“sofa-standings-embed-36-42409”));
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Кијану Ривс – професионален автомобилист
Во саботата на познатиот автопат Индијанаполис, своето професионално деби во автомобилизмот го имаше Кијану Ривс.
И беше многу возбудливо. Некаде на половина од 45-минутната трка, холивудската суперѕвезда излета на тревата, но немаше судар. 60-годишникот продолжи да вози откако испратил сигнал дека не е повреден.
Актерот, познат по улогите во филмовите „Матрикс“, Џон Вик и многу други блокбастери, се натпреварува во Индијанаполис на „Тојота Џи-Ар куп“, тркачко натпреварување под покровителство на познатата трка „Инди 8 часа“.
Автомобилот што Ривс го вози има симболи од стрипот „The Book of Elsewhere“, кој делумно го напишал Ривс. Тимски колега на Кијану е Коди Џонс, Јутјубер познат како член на групата „Dude Perfect“.
Ова не е првпат Ривс да ги испроба своите способности во автомобилизмот. Во 2009 година, тој триумфираше на трката за славни личности во Лонг Бич.
Stars shine brighter at Indy 🤩
Film icon Keanu Reeves and @dudeperfect’s Cody Jones are on track for Race 1 of the Toyota GR Cup!@officialgrcup | @indy8hour pic.twitter.com/ZbkFfBphiy
— Indianapolis Motor Speedway (@IMS) October 5, 2024
Спорт
Селта со двајца помалку го победи Лас Палмас, Рајо триумфираше над Ваљадолид
Фудбалерите на Селта Виго и Рајо Ваљекано запишаа гостински победи над Лас Палмас, односно Ваљадолид, во деветтото коло на шпанската Примера.
Лас Палмас не успеа да ја победи Селат и покрај тоа што повеќе од 30 минути имаше двајца играчи повеќе на теренот.
Гостите од 57. минута играа со двајца помалку, бидејќи беше исклучен капитенот Јаго Аспас, а три минути пред тоа во соблекувалната замина и Илаиш Мориба.
Сепак, Селта успеа да се одбрани и да слави со голот на Борха Иглесијас постигнат во 28. минута.
Во исто време се одигра и натпреварот помеѓу Ваљадолид и Рајо Ваљекано, а гостите победија со 2:1.
Сите три гола беа постигнати во вториот дел. Домашните поведоа во 51. минута со голот на Селим Амала, а потоа гостите направија пресврт. Во 57.минута израмни Хорхе де Фрутос, а на 10 минути пред крајот истиот играч со вториот гол му го донесе триумфот на Рајо.
Спорт
Вардар немоќен против Струга, Работички од Охрид се искачи на челната позиција
Фото/ https://www.facebook.com/FKVardarSkopje/
Дветтата рунда во Првата македонска фудбалска лига донесе смена на врвот и уште еден тежок пораз на Вардар.
Ремито без голови на Шкендија во Кратово против Силекс го искористи Работнички и со победата над Воска спорт во Охрид се искачи на првата позиција на табелата. „Романтичарите“ победија со головите на Регба и Мазари. Тие се уште се без пораз сезонава. Пораз нема и Гостивар кој во ова коло одигра 1:1 Беса. Стрелци на головите беа Ивановски за Гостивар и Скендери за Беса.
Вардар доживеа пораз од актуелниот шампион Струга 1:4. Поразот на Вардар го најави Камбери по само три минути игра. Босанчиќ изедначи во 27.минута, по што следуваа два гола на Кампаоре во 41. и 66.минута. Кехинде во 73.минута стави точка на натпреварот.
Шкупи со головите на Едмунсон, Јумеми и Ајетовиќ славеше против АП Брера со 3:1, а без голови заврши натпреварот Пелистер-Тиквеш.
Резултати, 9.коло:
Вардар-Струга ТЛ 1:4
Пелистер-Тиквеш 0:0
Силекс-Шкендија 0:0
Шкупи-АП Брера 3:1
Гостивар-Беса 1:1
Воска спорт-Работнички 0:2
Табела: