Спорт
Левандовски ќе ја предводи Полска на СП во Катар
Роберт Левандовски е предводникот на фудбалската репрезентација на Полска на Светското првенство во Катар. Селекторот Чеслав Михњевич го објави списокот на играчи за Мундијалот и на него нема посебни изненадувања.
Покрај првата ѕвезда на селекцијата, тука се и искусните Камил Гросицки и Пјотр Зиелински кои ќе диригираат со средниот ред на тимот.
Полјаците ќе се обидат да стигнат до нокаут фазата на натпреварувањето, бидејќи имаат група во која тоа е навистина возможно. Ќе се соочат со Аргентина, Иран и со Мексико и се чини дека ќе имаат клучна битка со Мексиканците.
На списокот на Полска се најдоа следните имиња:
Голмани: Војчех Шчесни (Јувентус), Вартоломеј Дронговски (Специја), Лукас Скорупски (Болоња)
Одбрана: Мети Кеш (Астон Вила), Бартос Берешински (Сампдорија), Камил Глик (Беневенто), Јан Беднарек (Астон Вила), Јакуб Кивјор (Специја), Матеуш Виетеска (Клермон), Никола Залевски (Рома), Роберт Гамни (Аугсбург). Артур Анджејчик (Легија)
Среден ред: Кристијан Бјелик (Бирмингем), Пшемислав Франковски (Ленс), Јакуб Камински (Волфсбург), Камил Гросицки (Погон), Гжегож Кричовиак (Ал Шабааб), Михал Скурас (Лех), Себастијан Шимански (Феенорд), Пјотр Зиаполин , Шимон Журковски (Фиорентина), Дамјан Шимански (АЕК)
Напад: Роберт Левандовски (Барселона), Аркадиуш Милик (Јувентус), Кшиштоф Пјонтек (Салернитана), Карол Свидерски (Шарлот).
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Енис Барди: Шпанците ме споредуваа со Меси
Капитенот на фудбалсата репрезентација на Македонија, Енис Барди, во интервју за „haber61.net“, зборуваше за периодот кога беше во Леванте. Потенцираше дека во еден период бил подбар изведувач на слободните удари од Лионел Меси.
„Навистина, бев подобар од Меси. Постигнав седум гола од 25 слободни удари, а Меси имаше осум од 52, имав многу подбар процент на реализација. Според процентот бев подобар. Да бидеме сериозни, прекрасно беше чувството што луѓето ме споредуваа со еден од најдобрите фудбалери на сите времиња. Се гордеев со тоа“, рече Барди.
Спорт
Клубовите се против – Шведска нема да воведе ВАР
Системот за видео анализа (ВАР) нема да биде воведен во Шведска, откако на оваа идеа се спротивтавиле фудбалските клубови, изјави во петокот претседателот на Шведската фудбалска федерација (SvFF), Фредрик Рајнфелд.
ВАР постојано беше во центарот на контроверзноста во лигите каде што беше воведен, со поплаки поврзани со неговата обемна анализа и одложувања кои често траат неколку минути.
Во јули 2023 година, Шведската професионална фудбалска лига, која ги претставува клубовите во првите две дивизии на шведскиот фудбал, соопшти дека мнозинството клубови во земјата „активно се противат“ на воведувањето на ВАР.
Рајнфелд, кој минатата година рече дека ВАР е „иднината“, беше критикуван од навивачите за неговиот став по ова прашање.
„Ако броев правилно, имаме 18 елитни клубови и два региони кои рекоа дека не сакаат да воведат ВАР. Ние тоа го почитуваме. Поради тоа не излеговме со овој предлог на претходниот состанок, а тоа нема да се случи ниту во иднина. Јас сум за почитување на демократските правила на играта“, изјави Рајнфелд, инаку поранешниот премиер на Шведска.
Спорт
Иџе во поход по нова европска титула: „Очекувам добра трка“
Трикратниот европски шампион, Игор Стефановски Иџе овој викенд со трката во Австрија започнува нова сезона во која ќе се обиде да стигне до четвртата титула во Европскиот шампионат на ридски патеки (еHC).
Летечкиот Македонец, Игор Стефановски викендов пред нов предизвик. Во Австрија, на патеката Рекбер тој ќе го започне својот најнов поход на Европскиот шампионат на ридски патеки, кој и годинава има 10 трки. Шампионатот започнува на 28.04.2024, а ќе заврши во септември со трката во Хрватска.
Стефановски и оваа сезона не ги крие своите шампионски амбиции, за кои верува дека ќе може да се реализираат, особено затоа што годинава на патеката ќе управува со новиот автомобилски ѕвер од Ферари 488 B8, специјално дизајниран за овие патеки.
„Очекувам добра трка. Посакувам да постигнеме одличен резултат. Би сакал да се заблагодарам на мојот тим, како и на тие кои го препознаа потенцијалот и ме поддржуваат за натпреварувањата во оваа сезона, особено моите спонзори кои веруваат во мојот потенцијал “- вели Стефановски.
Минатата година Иџе во текот на целата сезона беше во сигурна доминација со седум победи на 10 трки.