Спорт
Левандовски неприкосновен, Стерлинг уште го брка Мбапе за „бронзата“

Полскиот голгетер, Роберт Лецандовски (Баерн Минхен) ќе ја дочека 2020 година како најдобар стрелец во елитниот фудбал. Тој во 2019 година одигра вкупно 58 натпревари и забележа дури 54 погодока што е речиси гол по меч.
Со тоа е разбиена доминацијата на Меси и Роналдо кои претходните години беа најдобри, ако не се земат во предвид 2009 и 2017 година кога титулата најдобар стрелец отиде во рацете на Хари Кејн, односно Един Џеко.
Аргентинецот Меси годинава ја заврши како втор со 50 гола на 58 меча. Да не беше суспензијата од 4 меча поради црвениот картон на Копа Америка, можеби „чудотворецот“ на Барселона и годинава ќе беше на тронот.
Трет на престижната листа е напаѓачот на ПСЖ и на Франција, Килијан Мбапе кој на 49 настапи има 44 гола. Сепак неговата трета позиција не е сигурна затоа што „во врат му дише“ Рахим Стерлинг од Манчестер Сити. Англичанецот досега има 41 гола, а Сити до крајот на годинава ќе гостува кај Вулверхемптон во рамки на Премиерлигата, а потоа има и домашен дуел со Шефилд Јунајтед.
Кристијано Роналдо е дури петти со 39 гола на 50 меча за Јувентус и Португалија.
Ова е листата на најдобри стрелци за 2019 година:
54 гола на 58 меча – Роберт Левандовски (Баерн Минхен / Полска)
50 гола на 58 меча – Лионел Меси (Барселона / Аргентина)
44 гола на 49 меча – Килијан Мбапе (ПСЖ / Франција)
41 гол на 61 меч – Рахим Стерлинг (Манчестер Сити / Англија)
39 гола на 50 меча – Кристијано Роналдо (Јувентус / Португалија)
38 гола на 53 меча – Алфредо Морелос (Ренџерс / Колумбија)
36 гола на 46 меча – Андраж Шпорар (Слован Братислава / Словенија)
35 гола на 45 меча – Ерик Сорга (Флора / Естонија)
35 гола на 49 меча – Серхио Агуеро (Манчестер Сити / Аргентина)
35 гола на 50 меча – Карим Бензема (Реал Мадрид)
34 гола на 45 меча – Хари Кејн (Тотенхем / Англија)
34 гола на 61 меч – Садио Мане (Ливерпул / Сенегал)…
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Дуплантис повторно го урна светскиот рекорд

Швеѓанецот Арман Мондо Дуплантис го собори сопствениот светски рекорд во скок со стап со скок од 6,29 метри на атлетскиот собир во Будимпешта.
На 25-годишна возраст, Дуплантис го собори светскиот рекорд по 13-ти пат, трет пат во 2025 година по Клермон-Феран (6,27 м) во февруари и Стокхолм (6,28 м) во неговата татковина на 15 јуни.
Од настапот во Стокхолм, тој на три последовни натпревари скокна преку шест местри и повеќе (6,13 м во Острава, Чешка, 6,00 м во Јуџин, Орегон и 6,05 м во Монако).
Дуплантис ја забележа својата 33-та натпреварувачка победа и е непоразен од Монако на 21 јули 2021 година.
Foto/ EPA/Tamas Vasvari
Спорт
Дебакл на Шкендија во Баку

Актуениот македонски шампион Шкендија доживеа елиминација од квалификациите за пласман во Лигата на шампионите. Шкендија ја очекува плеј-офот за место во Лига Европа, доколку и тука загуби ќе игра во фазата по групи во Конференциската лига.
Шкендија по поразот во првиот меч на домашен терен (0:1) од Карабаг, вечерва доживеа дебакл во реваншот во Баку. Карабаг победи со 5:1.
Почетокот на натпреварот ветуваше бидејќи Тамба во 10.минута и донесе водство на Шкендија и во тој момент ја анулира предноста на Азербејџанците.
Потоа играчите на Шкендија влегоа во „црна дупка“, од која не успеаја да излезат 19 минути. Во периодот од 16. до 35.минута Карабаг постигна четири гола. Цаке си постогна авто-гол, а потоа погодија Кади, Акундзаде и Јанковиќ од пенал Точка на натпреварот стави Леандро Андраде во 59.минута.
Шкендија во плеј-офот за пласман во Лига Европа ќе игра со поразениот од пресметката меѓу Лудогорец и Ференцварош.
Фото/ Принтскрин
Спорт
Балотели: Жалам што не се трудев повеќе во кариерата

Марио Балотели (34), поранешен италијански репрезентативец, ја напушти Џенова откако му истече едногодишниот договор. Контроверзниот напаѓач одигра само шест натпревари во текот на минатата сезона. Денес е слободен играч кој бара нов клуб.
„Мојот сон беше да играм за Реал Мадрид. Денес само барам клуб кој ќе верува во мене. Сакам да играм уште две или три години. Потоа ќе одам кај мојот брат Енок. Тој сега игра за Вадо. Тоа е аматерски тим. Му ветив дека ќе ја завршам кариерата играјќи со него“, рече тој во интервју за „Газета дело Спорт“.
Тој зборуваше и за италијанската репрезентација, вели дека му е жал што не играл повеќе за Италија.
„По сè низ што поминав, мислам дека можев да се потрудам повеќе. Жал ми е што повеќе не играв во репрезентацијата. Некои луѓе дури и не ме сакаа во репрезентацијата, но тоа е минато. Сега селектор е Џенаро Гатузо. Му посакувам се најдобро. Тој е личност која дефинитивно ќе го даде својот максимум“, рече Балотели ден пред неговиот 35-ти роденден.
Балотели сега ќе го бара 12-от клуб во својата професионална кариера. Досега играл за Интер, Манчестер сити, Милан, Ливерпул, Ница, Марсеј, Бреша, Монца, Адана Демирспор, Сион и Џенова.
Foto/ EPA/JEAN-CHRISTOPHE BOTT