Спорт
Леви: Згрешив што ги донесов во Тотенхем Антонио Конте и Жозе Мурињо

Претседателот на Тотенхем, Даниел Леви вели дека направил „грешка“ што ги ангажирал Жозе Мурињо и Антонио Конте како менаџери на лондонскиот клуб, посочувајќи дека со новиот прв чоовек, Ејнџ Постекоглу клубот се враќа „кон своите корени“.
Во март, поранешниот тренер на Јувентус и Интер, Конте стана вториот трофеен тренер кој си замина од Тотенхем во период од помалку од три години, откако пред две години Мурињо доби отказ иако беше донесен како замена за успешниот и популарен Маурисио Почетино.
„Јас сакам да освојуваме титули како сите други навивачи на клубот. Фрустрацијата од тоа што не победуваме и притисокот од некои играчи беа елементи кои беа неизбежни, и затоа сметавме дека мораме да потрошиме пари, да донесеме големо тренерско име. Со Маурисио имавме многу добри времиња, бевме блиску до титулите, но поминувавме низ тежок период и ја сменивме стратегијата. Решивме да донесеме трофеен менаџер и го направивме тоа двапати. Тоа се грешките од кои научивме. Тие двајца се одлични тренери, но можеби не се за овој клуб. Ние сакаме да играме на одреден начин и затоа Ејнџ е вистински човек за нас“, вели Леви.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Шок на „Монжуик“, Џирона и спакува четири гола на Барселона

Џирона се врати на челната позиција во Примера, откако во 16.коло, убедливо славеше во каталонското дерби на „Монжук“, против Барселона со 4:2. Вечерва, Џирона прв пат во историјата успеа да слави во дуелите со Барселона.
Тренерот на Џирона Мичел тактички го надмудри Чави, кој лошо ги подготви своите избраници за овој натпревар. Џирона ги откри слабостите во дефанзивата на Жоао Кансело и Жил Кунде.
Барселона имаше повеќе удари кон голот на противникот, но најчесто тие удари беа непрецизни или одеа директно во Газанига.
Довбик го постигна првиот гол на мечот, изедначи Левандовски,а Џирона на полувреме замина со предност благодарение на голот на Гутиерез.
Во вториот дел Валери зголеми на 1:3, а тропка надеж на Барса и донесе голот на Гундоган во 91.минута. Сепак три минути подоцна ветеранот Стуани го постави конечниот резултат.
Џирна е лидер со 41 бод, два повеќе од Реал и седум од Атлетико Мадрид (има натпревар помалку) и Барселона.
Спорт
(Видео) Рома со деветмина се одбрани од Фиорентина
Фудбалерите на Рома I Фиорентина ремизираа 1:1, во натпреварот од 15. коло во Серија А.
Рома поведе веќе во петтата минута, проработе врската Дибала-Лукаку. Аргентинецот асистираше, а Белгиецот постигна гол.
Рома водеше, но Фиорентина ја контролираше играта во првиот дел, кој го обележаа во најмала рака сомнителните одлуки на судијата Антонио Рапуан. Двајца фудбалери на Рома предвреме го завршија мечот во првиот дел. Еден од нив беше Дибала.
Рома во 62.минута остана со фудбалер помалку, кога Залевски го доби вториот жолт картон. Неколку минути подоцна Мартинез Кварта изедначи.
Лукаку „поцрвене“ во 87. минута поради непромислен старт врз Куаме. Фиорентина напаѓаше до крајот на мечот, но не успеа да победи.
На крајот од натпреварот беше исклучен и српскиот дефанзивец Никола Миленковиќ, кој натпреварот го гледаше од клупата за резерви.
Спорт
(Видео) Сон диригираше, Тотенхем го растури Њукасл

Фудбалерите на Тотенхем, Евертон, Фулам и Манчестер сити со победи го заокружија 16. коло во англиската Премиер лига.
Капитенот на Тотенхем, Сон е играч на колото. Во победата на Тотенхем над Њукасл (4:1), Кореецот блесна со гол и две асистенции.
Погледнете ги головите од денешните натпревари: