Кениската атлетска легендда, Елиуд Кипчоге го собори сопствениот светски рекорд во маратон за 30 секунди, победувајќи на маратонот во Берлин со време од 2 часа, 1 минута и 10 секунди.

Олимпискиот шампион од Рио и Токио, на половина трка имаше темпо со кое ќе ја срушеше „магичната“ бариера од 2 часа, но иако успори во финишот, времето беше доволно да го подобри неговиот рекорд од Берлин во 2018 година. Зад 37-годишниот Кипчоге беше неговиот сонародник, Марк Корир со 2:05:58, додека третото место го освои Етиопјанецот Таду Абате со 2:06:28.

Кипчоге, кој во петокот одби да прогнозира рекорд и изјави дека сака само добр трка, започна фуриозно во првите 10 километри, поддржуван од седум тркачи, пред шампионот од 2021, Гује Адола да успори по 18 километри. Кипчоге остана сам по 25-тиот километар, но откако немаше вистинска конкуренција не можеше да оди на време по 2 часа.

Ова беше четврта победа за Кипчоге во Берлин, со што се израмни со Етиопјанецот Хаиле Гебрселасие, кој победуваше од 2006 до 2009 година.

Англискиот селектор, Герет Саутгејт инсистира дека тој е „вистинскиот човек“ кој ќе ја предводи Англија на Светското првенство во Катар и покрај катастрофалната сезона во Лигата на нации на УЕФА.

Англија загуби со 1:0 од Италија во петокот, со што се потврди нивното испаѓање во Лига Б, и Саутгејт беше на мета на критики поради конзервативниот пристап во играта, со само еден гол од игра во текот на сезоната.

„Мислам дека сум вистинскиот човек кој треба да ја води Англија на Мундијалот. Мислам дека стабилноста е најважна. Мечот против Италија не беше толку лош, но критиките се оправдани бидејќи имаме низа на порази. Помладите фудбалери во овие мечеви ќе научат многу. Во минатото имавме победи во пријателските мечеви и потоа на големите турнири удиравме во ѕид со квалитетен противник. Сега, добро го познаваме нивото на кое мораме да играме и имаме квалитетни мечеви зад нас“, вели Саутгејт.

Англија нема победа во последните пет меча и постигнато гол од игра повеќе од 450 минути – последната победа беше над Брегот на Слоновата Коска на 29 март. Во последниот меч од Лигата на нации, Англија утре ја пречекува Германија на „Вембли“.

Кристијано Роналдо преку Инстаграм им прати порака на португалските фанови дека ќе биде подготвен за ибериското дерби против Шпанија и покрај тоа што доби повреда при вчерашната 4:0 победа над Чешка.

Петкратниот освојувач на „Златната топка“ остана со крвав нос при судирот со чешкиот голман Томаш Вацлик на 13 минути пред крајот на натпреварот.

Cristiano Ronaldo vs Tomas Vaclik pic.twitter.com/xSVK6UHSqC

— football (@football0ff) September 24, 2022

Ова не му пречеше потоа да му асистира на соиграчот од Манчестер јунајтед, Диого Далот за неговиот втор гол.

Cristiano Ronaldo'nun Tomáš Vaclík ile çarpıştığı an!

Detaylar ????????https://t.co/SA9Yq2AHkZ #BahseGel????????https://t.co/GgkhJaJdzj pic.twitter.com/PIlx9A5XBY

— BahsegelAbi (@bahsegel_abi) September 24, 2022

„Одличен меч, важна тимска победа! Остануваме фокусирани на нашата цел. Благодарност до португалската публика за фантастичната поддршка“, напиша Роналдо на Инстаграм, најавувајќи дека ќе биде подготвен за мечот со Шпанија во вторник.