Спорт
Лидс јунајтед на Алиоски ќе се наполни со пари ако опстане во Премиер лигата
Ако Лидс јунајтед успеат да опстанат во Премиер лигата следната сезона ќе добијат најмалку 265 милиони фунти во дополнителни приходи во следните пет години, вели процената на финансиските експерти од „Делоит“.
Нивната проценка вели дека клубот во кој игра македонскиот репрезентативец Езѓан Алиоски ќе заработат 160 милиони фунти во следните три години со самото влегување во Премиер лигата, а бидејќи се работи за клуб со славна историја, овие средства ќе се зголемат ако опстанат во елитата, од каде што испаднаа пред 16 години.
Газдата на клубот, Андреа Радрицани им вети на навивачите дека Лидс јунајтед имаат поголеми амбиции од обично опстанување во лигата, но посочи дека клубот „прво мора да научи да оди, а потоа да трча“.
Статистиката не е на страната на Лидс – само 2/3 од тимовите кои влегле во Премиер лигата во последните 10 сезони опстанале.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Навивачите со огномет го прекинаа натпреварот на Ајакс
Последниот натпревар од 14-то коло од холандското фудбалско првенство помеѓу Ајакс и Гронинген беше прекинат во седмата минута по голем огномет од страна на домашните навивачи.
Навивачите го предизвикаа првиот прекин во шестата минута откако запалија голем број факели за да му оддадат почит на еден од нивните навивачи кој почина минатата недела. Судијата Бас Нијхуис ги испрати двата тима во соблекувалните.
По повеќе од 40 минути пауза, натпреварот продолжи, но следеше нов огномет, по што судијата означи крај.
„Повеќе не можам да ја гарантирам безбедноста на играчите. Ова однесување е неприфатливо“, изјави Нијхуис за ESPN.
„Не сакам безбедноста на играчите да ми е на совест. Мора да се преземат мерки бидејќи ова е едноставно лудо“, додаде тој.
Здружението на навивачи на Ајакс се дистанцира од огнометот.
„Силно се дистанцираме од каква било акција што му штети на клубот, а особено од ваква акција, која ја загрозува безбедноста на играчите и навивачите. За жал, добронамерните навивачи и клубот сега страдаат поради тоа“, рекоа тие.
И двата клуба сега ќе мора да почекаат одлуката на Холандската фудбалска асоцијација (KNVB) за тоа кога ќе се игра остатокот од натпреварот и дали воопшто ќе се игра.
Натпреварот веројатно ќе се игра без навивачи на стадионот. Резултатот беше 0:0 кога натпреварот беше прекинат.
Спорт
Кошаркарите во Даблин ја победија Ирска
Кошаркарска репрезентација на Македонија ја постигна втората победа во претквалификациите за Евробаскет 2029. Македонија, во Даблин ја совлада Република Ирска со 76:88 (27:20; 13:22; 22:19, 14:27).
Лоша прва, одлична втора и брилијнтан последна четвртина одиграа македонските кошаркари, во мечот од второто коло, во А групата.
Лошо влегоа во натпреварот играчите на селекторот Марјан Илиевски, имаа негатива од седум поени по првите 10 минути, а на почетокот на вториот период, Ирска ја оствари најфисоката предност (31:20).
Двоцифрениот минус ги разбуди макеоднските репрезентативци, кои во продолжението го презедоа водството благодарение на серијата 15:2.
Во третиот перио
д двете репрезентации се менуваа во водство, па Ирците во решавачката четвртина влегоа со предност од еден поен.
Македонија го заклучи мечот со серијата 18:5, ја забележаа втората победа со која се лидери во групата.
Андреј Јакимовски со 26 и Џејкоб Вајли со 20 поени беа најефикасни во македонската репрезентација.
Следниот натпревар, Македонија ќе го одигра на 27.февруари 2026 против Луксембург во Скопје.
Фото/ Кошаркарска федерација на Македонија
Спорт
Аталанта ја продолжи агонијата на Фиорентина
Во дуел меѓу два тима од кои се очекуваше многу повеќе оваа сезона, Аталанта успеа да ја победи Фиорентина со 2:0 (1:0).
Ова е прва победа на Аталанта во Серија А од 21 септември, а Фиорентина и по 13-то коло се уште е без победа.
Во првото полувреме немаше сериозни шанси, Аталанта беше малку поконкретна, но без реализација до 41-та минута.
Потоа, по сосема обична акција на Аталанта и вратена топка од Де Кетеларе, Косону се обиде да центрира, а на крајот топката заврши во мрежата за 1:0.
Веќе на почетокот на второто полувреме, беше 2:0, карамбол по изведен корнер, топката стигна до Локман, кој рутински постигна гол за 2:0.
Foto/ EPA

