Спорт
Лига на нации: Португалија со Франција и Хрватска, Англија на „мегдан“ со Белгијците
УЕФА ја комплетираше ждрепката за второто издание на Лигата на нации, каде што Португалија ќе има тешка задача да ја одбрани титулата откако се падна во група со финалистите од минатото Светско првенство, Франција и Хрватска, покрај Шведкса.
Англија пак, ќе се судри со Белгија, Данска и Исланд, додека Шпанија е во групата А4 заедно со Германија, а Холандија е во групата А1 со Италија.
Лигата на нации е ново натпреварување, на кое Португалија го освои финалето со 1:0 против Холандија, додека Македонија беше прва во својата гурпа во Лига Д и од оваа сезона ќе настапува во Лига Ц, овојпат заедно со Грузија, Естонија и Ерменија.
Групната фаза ќе се игра од септември до ноември 2020 година, а победниците на четирите групи од Лига А ќе се квалификуваат за финалето кое ќе се игра во летото 2021 година.
ШТО Е СМЕНЕТО ОВАА СЕЗОНА?
УЕФА направи голем број на промени на натпреварувањето, во структурата и во тоа што ќе значат резултатите. Секоја група во првите три дивизии е проширена на четири тимови, со што секоја лига има 16 репрезентации, кои нема да мораат да играат пријателски натпревари во одредени датуми како претходно.
Лигата на нации нема да гарантира место на Светското првенство во 2022 година, откако во првата едиција четири тима (финалистите) се квалификуваа директно за Евро 2020. Сега, два од бараж местата за трите места на СП во 2022 ќе бидат заработени преку Лигата на нации. Најдобрите две репрезентации кои се победници на своите групи, а нема да се квалификуваат преку квалификациите за СП ќе добијат место во баражот, кој ќе се игра во март 2022.
УЕФА ЛИГА НА НАЦИИ
ЛИГА А
ГРУПА А1: Холандија, Италија, Босна и Херцеговина, Полска
ГРУПА А2: Англија, Белгија, Данска, Исланд
ГРУПА А3: Португалија, Франција, Шведска, Хрватска
ГРУПА А4: Швајцарија, Шпанија, Украина, Германија
ЛИГА Б
ГРУПА Б1: Австрија, Норвешка, Северна Ирска, Романија
ГРУПА Б2: Чешка, Шкотска, Словачка, Израел
ГРУПА Б3: Русија, Србија, Турција, Унгарија
ГРУПА Б4: Велс, Финска, Ирска, Бугарија
ЛИГА Ц
ГРУПА Ц1: Црна Гора, Кипар, Луксембург, Азербејџан
ГРУПА Ц2: Грузија, Македонија, Естонија, Ерменија
ГРУПА Ц3: Грција, Косово, Словенија, Молдавија
ГРУПА Ц4: Албанија, Белорусија, Литванија, Казахстан
ЛИГА Д
ГРУПА Д1: Фарски Острови, Летонија, Андора, Малта
ГРУПА Д2: Гибралтар, Лихтенштајн, Сан Марино
Македонија и Грција се разминаа, на мегдан со Грузија, Естонија и Ерменија
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Атлетико ќе гостува во Англија, ПСЖ оди на Челзи или Барса, можен дуел Реал-Сити
Познати се сите 16 учесници во осминафиналето, во овогодинешната Лига на шампиони. Вечерва пласман изборија: Аталанта, ПСЖ, Реал Мадрид и Галатасарај.
Сите овие тимови одат на левата страна од костурот, исто како што победниците од вторникот (Атлетико, Њукасл, Баер Леверкузен, Боде/ Глимт) отидоа на десната страна.
Познато е кои противници можат да ги добијат победниците во баражот.
ПСЖ – Барселона/Челзи
Галатасарај – Ливерпул/Тотенхем
Реал Мадрид – Спортинг/Манчестер Сити
Аталанта – Арсенал/Баерн Минхен
Њукасл – Барселона/Челзи
Атлетико Мадрид – Тотенхем/Ливерпул
Боде Глимт – Манчестер Сити/Спортинг
Леверкузен – Арсенал/Баерн Минхен
Јасно е дека во осминафиналето ќе се играат неколку дерби натпревари.
– Европскиот првак ПСЖ оди на Барса или Челзи
– Атлетико и Галатасарај сигурно одат на Островот, едниот кај Тотенхем, а другиот кај Ливерпул
– Реал и Сити се надеваат дека ќе се избегнат еден со друг и ќе одат кај Спортинг, односно кај Боде/Глимт.
– Арсенал и Баерн, најдобрите два тима во првата фаза ќе имаат најлесни задачи, за противници ќе ги имаат Баер Леверкузен иј Аталанта.
Ждрепката за осминафиналето ќе се одижи во петок.
Спорт
(Видео) Јуве сo играч помалку избори продолженија, но не успеа да го елиминира Галатасарај
Во реваншот од плејофот за Лигата на шампионите во Торино, Јувентус го победи Галатасарај со 3:2 по продолженијата, но на крајот турскиот тим се пласира во осминафиналето со вкупна победа 5:7.
Јувентус успеа да ја стигне предноста од три гола во регуларните 90 минути. Имаше зицер за водство во вкупниот резултат, но трагичаре Жегова. Бидејќи веднаш по тоа промашување, Виктор Осимен постигна гол за вкупна предност, а пласманот на галатасарај го потврди Јилмаз.
Она што изгледаше како невозможна мисија, Јувентус успеа да ја постигне за 90 минути. Успеа да победи со три гола разлика и да добие продолженија.
Таа почетна задача по резултатот на Истанбул од 5:2 беше уште потешка откако во 49-та минута, црвен картон доби Кели.
До тој момент, Јувентус доминираше. Имаше 58% посед на топката, девет удари кон голот, четири во голот и три големи шанс, и успеа да постигне гол од пенал во 37-та минута преку Локатели.
Сепак, ситуацијата на теренот не се промени значително. Гостите решија да ја одбранат својата предност и тоа скао ги чинеше. Прво Гати во 70-та минута, а потоа и МекКени во 82-та минута ја анулираа големата предност на турскиот тим.
Во продолженијата, целосен пресврт можеше да донесе Жегова, кој промаши изгледна шанса.
Галта ведаш казни, во 105-та минута, Виктор Осимен се извлече од офсајд за милиметар и ја протна топката низ нозете на Перин за 3:1 за Јувентус, но предност на Галата во вкупниот збир.
После тоа, динамиката на играта се промени, Јувентус се обиде, но залудно. А нокаутот следеше во 119-та минута кога, Јилмаз, постигна гол за пораз од 3:2, но вкупна победа и пласман во осминафиналето.
Турскиот шампион ќе игра против Тотенхем или Ливерпул во осминафиналето, а тоа ќе биде познато по ждрепката во петок.
Спорт
(Видео) Реал по пресврт ја победи Бенфика, ПСЖ на „мускули“ го елиминира Монако
Реал Мадрид и ПСЖ се пласираа во осминафиналето, во Лигата на шампионите. Реал во реваншот ја победи Бенфика со 2.1, а ПСЖ одигра ннерешено со Монако 2:2.
Реал не блескаше против Бенфика, но одигра доволно добро за да се пласира в наредната фаза.
Рафа Силва го шокира „Бернабеу во 14-та минута, но Реал експресно возврати, по само 120 секунди кога Чуамени г изедначи реузлтатот. Во првиот дел Гулер постигна гол за Реал кој беше поништен поради офсајд во кој претходно се најде Гарсија.
Реал во вториот дел ја контролираше играта, без преголем ризик. Овој дел од натпреварот го обележаа повредата на Раул Асенсио, кој на носилки беше изнесен од теренот и голот на Винисиус во 80та минута.
Актуелниот првак, ПСЖ се мачеше со Монако и со мала помош на судијата Иштван Ковач успеа да го мине опонентот од Лига 1.
На истекот на првиот дел Акљуш погоди за 0:1 и за 3.3 во вкупниот резултат. Клучниот период на мечот се слуќи од 55-та до 59-та минута, кога поради два жолти картони исклучен беше Кулибали. Впечаток е дека судијата премногу строго му го додели вториот жолт картон.
Со играч повеќе, ПСЖ направи пресврт преку Маркињос и Кварацхелија. Во самиот финиш Тезе ги постави конечните 2:2.

