Спорт
Лингард: Роналдо беше во право, Јунајтед заостануваат зад врвните клубови
Поранешниот фудбалер на Манчестер јунајтед, Џеси Лингард се согласува со Кристијано Роналдо дека состојбата кај „ѓаволите“ не е идеална, и дека клубот според условите за тренинг и другите активности далеку заостанува зад врвните англиски и еврпски клубови.
Лингард си замина од Јунајтед во текот на летото кога му заврши договорот со „ѓаволите“ и потпиша за Нотингем форест, по што неколку пати признаваше дека е целосно разочаран од начинот на кој си заминал. Роналдо, пак, си замина во ноември по бурното интервју со Пирс Морган и критиките кои ги упати кон клубот, оценувајќи дека клубот се претворил во „маркетинг клуб“. Лингард се согласува.
„Тие заостануваат во речиси секој сегмент. Видете ги условите и објектите на Манчестер сити, на Тотенхем. Тие се години пред Јунајтед. Дури и од страна на социјалните мрежи. Уште во 2017 година им кажав да направат Јутјуб канал и да се приклучат на тековните работи во светот. Морате да останете релевантни. Исто така во клубот нема контрола. Кога Фергусон беше таму, тој ја имаше целосната контрола. Вистинска тврдина – сите работи одеа преку него. Договорите, комерцијалните договори… Секако, генерациите се менуваат, играчите растат и луѓето сакаат да имаат свој глас. Кога работите кои ги кажуваат за тебе не се вистински, сакате да го кажете своето мислење. Тоа не можеше да се случи порано, Сер Алекс ќе го задушеше тоа. Но, сега, луѓето имаат платформи да го кажат своето мислење“, вели Лингард.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Дон Карло, апсолутен рекордер во Лигата на шампионите
Тренерот на Реал Мадрид, Карло Анчелоти стана најтрофејниот тренер во историјата на Лигата на шампионите.
На „Вембли“, петти пат во кариерата стана европски првак. Реал во финалето ја победи Борусија Дортмунд со 2:0.
Дон Карло трипати го освојуваше овој трофеј со Реал, а уште два пати со тимот на Милан.
По натпреварот тој имаше интересна изјава за тоа како ќе го прослави овој апсолутен рекорд и уште еден трофеј во низа.
„Ќе славам во карактеристичен стил, со уште една пура на плоштадот Цибелес во Мадрид“, беше одговорот на Анчелоти во изјавата за шпански „Мовистар“.
Секако, имаше и неколку зборови за самиот натпревар.
„Малку го турнавме Винисиус понапред, бидејќи во првото полувреме бевме малку мрзеливи, ја губивме топката. Играа како што сакаа, влегоа во многу опасни ситуации и многу опасно не нападнаа“, изјави Анчелоти.
Имаше што да каже и за Тони Крос кој со оваа титула се збогува од Реал Мадрид.
„Малку е тажно што Тони вака не остава. Но тој е на врвот на кариерата и тоа мора да се почитува“, заклучи Анчелоти.
Спорт
Модриќ е играчот со најмногу трофеи во историјата на Реал Мадрид
Лука Модриќ стана фудбалерот со најмногу трофеи во историјата на Реал Мадрид.
Реал ја победи Борусија Дортмунд со 2:0 на „Вембли“ во Лондон и ја освои Лигата на шампионите. Тоа е 15-та европска титула во историјата за „кралскиот клуб“.
Стрелци за Реал беа Дани Карвахал во 74. минута и Винисиус Жуниор во 83. минута.
Капитенот на Хрватска влезе во игра во 85. минута и го освои својот шетти пехар во ЛШ и на клупската листа се изедначи со Пако Хенто.
Воедно, ова е 26. титула за Модриќ во дресот на Реал, што значи дека тој е фудбалерот со најмногу трофеи во историјата на Реал.
Модриќ ги претекна поранешните соиграчи Карим Бензема и Марсело.
Актуелниот капитен на Реал, Начо Фернандеш е изедначен за првото место со Модриќ.
Модриќ стана и најстариот играч кој некогаш играл за Реал во финалето на Лигата на шампионите. Рекордот доаѓа од фактот дека Модриќ е најстариот играч на Реал во ЛШ воопшто.
Тој го собори овој рекорд во полуфиналето против Баерн, кога настапи на возраст од 38 години и 234 дена.
Модриќ е и играчот со најмногу настапи во финалето на ЛШ откако елитното натпреварување се игра во овој формат.
Тој по шести пат играше во финалето на Лигата на шампионите, што досега го имаат постигнато само Паоло Малдини и Кристијано Роналдо и неговите соиграчи Начо и Тони Крос.
Досега, со пет настапи во финалето, Модриќ беше изедначен со Бензема, Патрис Евра, Кларенс Сидорф и Едвин ван дер Сар.
Спорт
(Видео) Навивачи го прекинаа финалето, еден си направи „селфи“ со Винисиус
Реал Мадрид ја освои Лигата на шампионите по 15. пат во својата историја. Во финалето одиграно на стадионот „Вембли“ во Лондон пред 86.000 гледачи Реал ја победи Борусија Дортмунд со 2:0. Стрелци за Кралскиот клуб беа Дани Карвахал во 74. минута и Винисиус Жуниор во 83. минута од натпреварот.
Финалето во Лигата на шампионите беше прекинато уште во првата минута бидејќи на теренот влегоа тројца навивачи, најверојатно Реал.
😡 Embarrassing start for UEFA & Wembley as series of pitch invaders go unchallenged & disrupt start to game. Delay of 2 minutes #UCLfinal pic.twitter.com/hP3etCMJRI
— Craig Hope (@CraigHope_DM) June 1, 2024
Обезбедувањето ги бркаше натрапниците на теренот, а прекинот траеше речиси две минути. Еден навивач го извадил мобилниот телефон и направил „селфи“ со Винисиус.