Спорт
Лион се закани со тужба откако по 24 години не доби место во европските купови
Олимпик Лион објавија дека планираат да се жалат на одлуката за предвремен крај на француската Лига 1, бидејќи во ваква ситуација тие првпат од 1997 година нема да играат во европските купови, најавувајќи тужба за отштета до ЛФП.
По одлуката на францускиот премиер Едуар Филип дека нема да може да има фудбалски мечеви пред септември, ЛФП во четвртокот потврди дека сезоната е завршена и дека шампионатот и европските места ќе се одредат преку пресметка на поени по натпревар.
Ова значи дека Пари Сен-Жермен по деветти пат станаа француски шампиони, додека во Лигата на шампионите ќе играат Марсеј и за првпат во нивната историја, Рен. Лион пак, завршува на седмото место, што значи дека нема да играат ниту во Лига Европа, и тие се бесни што исходот се одредува со декрет. Според Лион, оваа одлука на ЛФП се коси со барањето на УЕФА да се одредува „спортската вредност“ при европските квалификации, иако им честитаа на ПСЖ за титулата.
„Владината одлука не значеше дека треба да има ваков конечен крај на Лига 1 и Лига 2, бидејќи министерката за спорт, Роксана Марасинеану претходно најави можност за играње во август ако ситуацијата го дозволи тоа. Лион бара алтернативен начин за крај на шампионатот за да се заддржи духот на фер-плеј. Клубовите го поддржаа предлогот за плејоф и плејдаун, титула за ПСЖ и календар намален на три недели. По овој декрет, ние го заддржуваме правото да се жалиме и да бареме отштета која ќе вреди десетина милиони евра. Олимпик Лион им честита на шампионите, ПСЖ за Лига 1 и Лориен за Лига 2“, се вели во соопштението на Лион.
L’Olympique Lyonnais a pris acte de la décision proposée par le Bureau de la @LFPfr…
Communiqué du club ⤵️https://t.co/A8o9PX7SXt
— Olympique Lyonnais (@OL) April 30, 2020
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Реал победи во Сан Себастијан, еден триумф го дели од шампионската титула
Фудбалерите на Реал Мадрид го совладаа имењакот од Сан Себастијан на „Реале арена“ со 1:0 (1:0) во премиерниот натпревар од 33.коло.
На овој начин „кралскиот клуб“ со натпревар повеќе стекна 14 бодови предност во однос на Барселона.
Практично само теорија го дели Реал Мадрид од 36. титула во клупската историја.
Карло АНчелоти натпреварот го започна со комбиниран состав, а за прв пат стартер беше младиот Арда Ѓулер.
Токму младиот Турчин со голот во 29. минута му донесе победа на својот тим. Карвахал нафрли во шеснаесетникот, а Гулер шутираше низ нозете на голманот Ремиро.
Три минути подцна Реал Сосиедад преку Такефуши Кубо постигна гол кој беше поништен поради офсајд.
Сосиедад остана на шестата позиција со 51 бод до крајот на сезоната ќе се бори за пласман во Лига Европа или Конференциската лига.
Спорт
(Видео) Евролигата покрена постапка против судијата Болтаузер – Украл парфем од „фри-шоп“
Еден од најпознатите европски судии, Словенецот Матеј Болтхаузер (49) е тема број 1 во европската кошаркарска јавност поради видеото кое излезе во јавноста.
Имено, Болтаузер е снимен на него на аеродромот „Никола тесла“ во Белград на 8 декември минатата година како краде парфем на Том Форд од „фри шоп“.
Станува збор за парфем кој чини 221 евро.
Болтхаузер тогаш се враќаше од натпреварот од Евролигата меѓу Монако и Партизан, која ја судеше во Франција.
Поради видеото кое се појави пет месеци подоцна, Евролигата покрена постапка против Болтаузер.
Тој сигурно ќе се соочи со драстична казна, па дури и играчите си земаа слобода да кажат „збор-два“ за Словенецот.
Најгласен беше Мет Џенинг, кој директно го обвини Болтхаузер дека со години крадел, не само на аеродромот, туку и на терените во Евролигата.
„Човекот краде со години! Евролигата има голем број одлични судии, но ова момче е убедливо најлошиот и не е тешко да се разбере зошто”, напиша Џенинг, поранешен играч на Монтепаски, Ефес, Басконија, како одговор на видеото кое брзо се прошири низ Европа.
Salen a la luz imágenes de Boltauzer, árbitro de la Euroliga, robando un perfume en el aeropuerto de Belgrado
🫣 Los hechos sucedieron tras el partido entre Partizan y Mónacopic.twitter.com/brQUbuRYqa
— Eurohoops España (@EurohoopsES) April 26, 2024
Спорт
Арне Слот ќе биде новиот тренер на Ливерпул
Холандскиот стручњак Арне Слот од следната сезона ќе биде тренер на Ливерпул.
Трансфер инсајдерот, новинарот Фабрицио Романо тврди дека двата клуба се договориле, Ливерпул на Феенорд ќе му исплати одредена отштета за тренерот чии договор истекува во 2026 година.
Допрва ќе биде познато колкава сума ќе плати Ливерпул. Наводно Ливерпул понудил 9.000.000 евра, а Феенорд бара 13.000.000 евра.
Слот од 2021 година е на клупата на клубот од Ротердам на кој му донесе голем успех.
Во првата сезона го водеше тимот до финалето на Конференциската лига, таа година беше прогласен за тренер на сезоната во Ередивизие, а една година подоцна ја освои домашната титула со Феенорд.
Во својата втора сезона во клубот, тој го предводеше тимот до четвртфиналето на Лига Европа.
Пред Феенорд, Слот ги водеше Камбур и АЗ.