Спорт
Ливерпул бараат истрага од УЕФА за полициската бруталност во Париз
Ливерпул побараа официјална истрага од страна на УЕФА по хаотичната вечер во Париз, каде што стартот на финалето на ЛШ на „Стад де Франс“ доцнеше половина час откако навивачите на „црвените“ беа спречени да влезат на стадионот.
Француската полиција реагираше брутално со илјадниците навивачи на Ливерпул кои пристигнаа во Париз, а УЕФА инсинуираше дека тие се обиделе да влезат на стадионот со лажни билети. Полицијата во Париз потврди дека 68 луѓе биле уапсени пред финалето, а дури 174 биле повредени, од кои мнозинството со вдишување на солзавецот кој го пушти самата полиција.
Германските медиуми пак, објавија дека Марвин Матип, братот на дефанзивецот на Ливерпул Џоел, мораал да избега со своето семејство и бремената жена во моментите кога полицијата користела солзавец, а постоеја и непотврдени вести дека дел од навивачите на „црвените“ по крјот на мечот била мета на организирани банди кои ги ограбиле.
Со свој коментар се јави и легендата на Ливерпул, Сер Кени Далглиш.
„Навивачите на Ливерпул се посебни. Начинот на кој беа третирани од властите беше шега. Никому не треба да му е страв да оди на фудбалски меч. Благодарност до сите кои дојдоа во Париз“, напиша Далглиш на социјалните мрежи.
Liverpool FC statement on #UCLfinal entry issues:
— Liverpool FC (@LFC) May 28, 2022
The Liverpool fans are special. The way they were treated by authorities was an absolute joke. Nobody should ever be afraid to go to a football game. Thank you to everyone who came to Paris. The Fan Park was unbelievable. I hope you all get home safe. What a season! YNWA
— Sir Kenny Dalglish (@kennethdalglish) May 29, 2022
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Клубовите се против – Шведска нема да воведе ВАР
Системот за видео анализа (ВАР) нема да биде воведен во Шведска, откако на оваа идеа се спротивтавиле фудбалските клубови, изјави во петокот претседателот на Шведската фудбалска федерација (SvFF), Фредрик Рајнфелд.
ВАР постојано беше во центарот на контроверзноста во лигите каде што беше воведен, со поплаки поврзани со неговата обемна анализа и одложувања кои често траат неколку минути.
Во јули 2023 година, Шведската професионална фудбалска лига, која ги претставува клубовите во првите две дивизии на шведскиот фудбал, соопшти дека мнозинството клубови во земјата „активно се противат“ на воведувањето на ВАР.
Рајнфелд, кој минатата година рече дека ВАР е „иднината“, беше критикуван од навивачите за неговиот став по ова прашање.
„Ако броев правилно, имаме 18 елитни клубови и два региони кои рекоа дека не сакаат да воведат ВАР. Ние тоа го почитуваме. Поради тоа не излеговме со овој предлог на претходниот состанок, а тоа нема да се случи ниту во иднина. Јас сум за почитување на демократските правила на играта“, изјави Рајнфелд, инаку поранешниот премиер на Шведска.
Спорт
Иџе во поход по нова европска титула: „Очекувам добра трка“
Трикратниот европски шампион, Игор Стефановски Иџе овој викенд со трката во Австрија започнува нова сезона во која ќе се обиде да стигне до четвртата титула во Европскиот шампионат на ридски патеки (еHC).
Летечкиот Македонец, Игор Стефановски викендов пред нов предизвик. Во Австрија, на патеката Рекбер тој ќе го започне својот најнов поход на Европскиот шампионат на ридски патеки, кој и годинава има 10 трки. Шампионатот започнува на 28.04.2024, а ќе заврши во септември со трката во Хрватска.
Стефановски и оваа сезона не ги крие своите шампионски амбиции, за кои верува дека ќе може да се реализираат, особено затоа што годинава на патеката ќе управува со новиот автомобилски ѕвер од Ферари 488 B8, специјално дизајниран за овие патеки.
„Очекувам добра трка. Посакувам да постигнеме одличен резултат. Би сакал да се заблагодарам на мојот тим, како и на тие кои го препознаа потенцијалот и ме поддржуваат за натпреварувањата во оваа сезона, особено моите спонзори кои веруваат во мојот потенцијал “- вели Стефановски.
Минатата година Иџе во текот на целата сезона беше во сигурна доминација со седум победи на 10 трки.
Спорт
Хулкенберг од наредната сезона во Заубер
Германскиот автомобилист Нико Хулкенберг од 2025 година, ќе има нов работодавец. 36-годишникот ќе вози за тимот на Кик Заубер.
„Среќен сум што возам за Кик Заубер од 2025 година и што во иднина ќе го претставувам германскиот производител на патеките во Ф1“, објави Нико Хулкенберг на социјалните мрежи.
Од 2026 година во Заубер влегува германскиот производител Ауди.
Хулкенберг е член на тимот на Хас во тековната сезона, а неодамна беше објавено дека нема да ја продолжи соработката со американскиот тим.
„Хулк“ дебитираше во Формула 1 во 2010 година како возач на Вилијамс на Големата награда на Бахреин. Во меѓувреме освои една пол-позиција.
Во претходната сезона, Хулкенберг го заврши натпреварувањето на 16. место во генералниот пласман во Ф1 со девет бодови.