Спорт
Ливерпул без Жота против Лајпциг, веројатно и против Арсенал
Напаѓачот на Ливерпул, Диого Жота се повреди во првото полувреме од натпреварот со Челзи. Тој беше заменет по половина час игра, а избраниците на Арне Слот успеаја да слават со 2:1.
Како што стојат работите, Жота извесно време нема да може да игра. Неизвесно е колку долго ќе отсуствува и колку е сериозна повредата.
Менаџерот на тимот од „Енфилд“, Арне Слот изјави дека Португалецот најверојатно нема да биде подготвен за дуелот со Лајпциг во среда.
„Диого мораше да биде заменет. Сеуште не сум сигурен за каква повреда се работи, но би бил изненаден да го видам со нас во среда“, изјави Холанѓанецот.
Оваа сезона Португалецот постигна четири гола за Ливерпул, само Мохамед Салах и Луис Дијаз се поуспешен од него.
Прашање е и дали Жота ќе биде подготвен за натпреварот со Арсенал во Премиер лигата на на 30 октомври.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Тен Хаг: Уживам во натпреварите против Мурињо
Фудбалерите на Манчестер јЈунајтед во четврток ги очекува тешко гостување во Лига Европа, во Истанбул.
Противник им е Фенербахче, на чие кормило е поранешниот менаџер на Јунајтед, Жозе Мурињо.
„Ова е голем натпревар за двата тима. Уживам во соочувањето со Мурињо и играњето против неговите тимови. Тој секогаш има добри тимови, тој е победник и има освоено многу трофеи. Тој е пример за многу менаџери”, вели Тен Хаг.
Манчестер јунајтед во саботата со пресврт го победи Брентфорд со 2.1 во Премиер лигата и ја прекина серијата натпревари на кои немаше победа.
„Духот во тимот отсекогаш бил висок, но дефинитивно расположението е подобро по победата. Сите во тимот имаат големи очекувања, затоа мора да победиме. На секој натпревар треба да ја покажеме таа решителност“, изјави стратегот на Јунајтед.
По две кола во Лига Европа, неговиот тим има две нерешени средби, додека Фенербахче има победа и реми.
Спорт
Кучиња скитници го нападнале Борозан, нема да игра против Порто
Фото/ rkvardar.com.mk
Ракометарите на Вардар 1961, во рамките на третото коло во Лига Европа, ќе го пречекаат Порто.
Тренерот Владо Недановски има проблем со составувањето на тимот. На прес-конференцијата откри дека има неколкумина повредени, а вчера Вуко Борозан доживеал бизарна повреда. Црногорецот бил нападнат од кучиња скитиници во Скопје додека ги шетал своите деца.
„Вуко иам 14-15 конци на раката. Утре нема да игра, не знам и кога ќе можеме да сметаме на него“, рече Недановски.
Натпреварот во „Јане Сандански“ утре се игра со почеток во 20.45 часот.
Спорт
„Ако освојам НБА-титула, ќе се префрлам на американски фудбал“
Кошаркарот на Минесота, Ентони Едвардс за EСПН зборуваше за минатата сезона, која за него и МИнесота беше извонредна, но и за неговите планови за во иднина.
Едвардс одигра многу добро во изминатата година, толку многу што американските медиуми го споредуваа со легендарниот Мајкл Џордан.
Ентони сака да освои прстен во НБА, а потоа да се префрли на друг спорт.
Иако звучи нереално, кошаркарот на Минесота, откри дека кога доколу освои НБА титула, ќе ја заврши кошаркарската кариера и ќе започне фудбалска.
„Можев да бидам професионалец и во американскиот фудбал. Бев многу добар, на девет-10 години бев најдобриот ранинг бек во државата. Престанав да играм фудбал затоа што ги видов моите браќа како играат кошарка и ми изгледаше позабавно во тоа време“, изјави Едвардс.