Спорт
Ливерпул е подготвен да му го продаде Александер-Арнолд на Реал

Вечерва во дербито во Лигата на шампионите, на „Енфилд“, Ливерпул ќе го пречека актуелниот шампион Реал Мадрид.
Натпреварот е од исклучителна важност за Реал, бидејќи неочекувано тимот на Карло Анчелоти по четири одиграни натпревари има само шест бода, за разлика од Ливерпул кој има максинален скор со гол разлика 10:1.
Доколку, вечерва Реал загуби, ќе се најде во многу непријатна ситуација, во пресрет на последните три рунди.
Во пресрет на натпреварот, „Марка“, медиуми близок до Реал, објави дека ќе има предиигра, односно состанок меѓу челниците на двата клуба.
Според овој извор, од Ливерпул ги контактирале колегите од Реал со прашањето „Дали навистина го сакате Трент Александар-Арнолд?“, со што јасно ставиле до знаење дека се подготвени да го продадат англискиот репрезентативец во јануарскиот преоден рок.
Намерата на Ливерпул е јасна, клубот сака да ги искористи проблемите со провредите, со кои се соочува Реал, за да заработи од трансферот на Алкесандер-Арнолд.
Десниот бек има договор со Ливерпул до крајот на сезоната и не сака да потпише нов. Доколку Ливерпул не го продаде во јануари, Александер-Арнолд по завршувањето на сезоната ќе го напушти „Енфилд“ без обесштетување.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Хориха во последната секунда го шокира Пелистер – Вардар ја презеде лидерската позиција

Вардар по пауза од три години успеа да го победи Пелистер во Битола и да направи голем чекор кон освојување на шампионската титула. Во дербито црвено-врните славеа со 35.34 со голот на Хориха во последната секунда. Дуелот во Битола го обележаа и 26. изведени седмерци (15 Пелистер, 11 Вардар).
Вардар подобро влезе во натпреварот, поведе со 3:0, а потоа успеа да ги контролира работите на теренот. Дека Вардар апсолутно ја заслужи победата говори и податокот дека Пелистер ниту еднаш немашр предност.
Патот до победата Вардар го трасираше во втриот дел, кога со серија од 4:0, во 39 минута ја стекна највисоката предност (24:20).
Пелистер до крајот ја топеше разликата, успеа на 38 секунди до крајот со голот на Кузмановски да дојде до израмнување (34:34). Но потоа Хориха речиси со звукот на сирената му ја обезбеди победата на скопскиот тим.
Крнсманчиќ го предводеше Вардар со 11 голови (10 од седум метри), по седум постигнаа Хориха и Борозан кој блескаше во второто полувреме. Одличен беше и голманот Еспиња со 11 интервенции.
Кај пелистер 10 голоа постигна Манасков, Кузмановски девет, а Тајник шест.
Спорт
Ти Џеј Шортс одбил 2,5 милиони евра од Барселона

Ти Џеј Шортс (27), еден од најдобрите кошаркари во Европа, наводно ја одбил понудата од Барселона од 2,5 милиони евра.
Шортс, годинава „ведри и облачи“ од европската кошарка, а заедно со неговиот Париз е најубавата приказна сезонава во Евролигата.
Американецот со македонски пасош статистички доминираше, па регуларниот дел од сезоната во Евролигата го заврши со 18,8 поени и 7,5 асистенции,а со Париз избори место во плеј-офот.
Со оглед на тоа што неговиот договор со францускиот тим истекува на крајот од сезоната, јасно е дека најголемите европски клубови ќе направат се за да го доведат, а меѓу првите се обиде Барселона.
Според „Планета баскет“, Барса на Шортс му понудила договор вреден 2,5 милиони евра годишно, но тој го одбил.
Се шпекулира дека репрезентативецот на Македонија се уште не сака да донесе одлука за својата иднина, односно дека сака по завршувањето на сезоната да ги разгледа сите понуди од заинтересираните клубови.
Спорт
Реал Сосиедад ќе бара нов тренер

Реал Сосиедад во четвртокот објави дека ќе се раздели со тренерот Иманол Алгуасил на крајот од сезоната.
Всушност, одлуката за заминување беше негова.
„Иманол Алгуасил го извести клубот за неговата одлука да не го води тимот следната сезона. По шест и пол години на чело на стручниот штаб, тој одлучи дека е време да се повлече кога ќе заврши оваа сезона. Но, пред да дојде тој момент, имаме уште многу работи за кои вреди да се бориме.
Билет за Европа би бил најдобриот крај што оваа приказна го заслужува. Ти благодариме Иманол“, соопштија од клубот.
Во периодот додека Алгуасил го предводеше клубот, Реал Сосиедад играше пет пати во европските натпреварувања и го освои Купот на кралот во сезоната 2019/2020.
Сосиедад моментално е деветти на табелата, со 42 бода и три последователни натпревари без победа.
ℹ Imanol Alguacil ha comunicado al Club que no continuará dirigiendo el equipo la próxima temporada.
— Real Sociedad Fútbol (@RealSociedad) April 24, 2025