Спорт
Ливерпул газат, Евертон со спектакуларен пресврт (Видео)
Фудбалерите на Ливерпул ја забележаа 24 победа во Премиер лигата. Избраниците на Јирген Клоп го совладаа Саутемптон со 4:0. Сепак попладневната програма во Премиер лигата ја обележа неверојатниот пресврт на Евертон против Вотфорд и ремито со шест гола помеѓу Вест Хем и Брајтон.
Саутемптон издржа едно полувреме на „Енфилд“. Во второто Ливерпул постигна четири гола. Бедемот на „светците“ го проби Окслејд-Чембрлен, потоа резултатот го зголеми Хендерсон, а точка на победата стави Салах со головите во 72 и 90 минута.
Фантастичен натпревар одиграа на Олимпискиот стадион во Лондон Вест Хем и Брајтон. Домашните фудбалери водеа со 2:0 и 3:1 но накрајот освија само еден бод.
Диоп и Сондграс постигнаа два гола за Вест Хем во првиот дел за сигурна предност. Гостите во 47 минута го намалија резултатот со авто-голот на Огбона. Сонграс со својот втор гол им ја врати комотната предност на „чеканите“, кои не издржаа во финишот. Во 75 и 79 минута бод за Брајтон донесоа Грос и Мареј.
Евертон со спектакуларен пресврт и со играч помалку победи кај Вотфорд 3:2. Вотоворд имаше предност од 2:0 со головите на Масина во десеттата и Андреас Переира во 42 минута. Вистинки шок домаќините доживеаја во судиското надополнување на времето во првиот дел. Два гола во 46 и 49 минута постигна Јери Мина.
Евертон во 71 минута останаа со играч помалку на теренот. Вториот жолт картон го доби Фабијан Делф. Меѓутоа и со играч помалку „карамелите“ победија. Голот за три бода го постигна Тео Волкот во 90 минута.
Бортнмут ја победи Астон Вила со 2:1, Њукасл и Норич одиграа натпревар без голови, додека Шефилд Јунајтед победија кај Кристал Палас со 1:0.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
УЕФА потврди – 26 наместо 23 играчи на ЕУРО 2024
Репрезентациите кои ќе учествуваат на претстојното Европско првенство во Германија ќе имаат на располагање 26 играчи, потврди УЕФА.
Извршниот комитет на Европската фудбалска унија потврди дека е смнето правилото според кое селекторите на можеа да пријават 23 фудбалери.
Овој предлог беше поддржан претходно оваа година на состанокот на Националниот комитет за натпреварување на УЕФА.
Идејата за прв пат беше претставена на селекторскиот собир во Дизелдорф.
Оваа измена беше предложена поради згуснатиот распоред оваа сезона и ризикот од повреди.
Претставниците на Националниот натпреварувачки комитет во петокот и официјално го заверија сето она што беше претходно предложено, договорено и прифатено од мнозинството.
Европското првенство ќе се одржи од 14 јуни до 14 јули во Германија.
Спорт
Клоп се жали на распоредот: Криминал е ова што ни го прават
Пренатрупаниот распоред на натпревари го натера менаџерот на Ливерпул, Јирген Клоп, уште еднаш да проговори на оваа тема. Германецот кој си заминува од Ливерпул на крајот на сезоната застана во одбрана на своите играчи и рече дека само чека агенцијата за заштита на човековите права да интервенира во креирањето на распоредот.
„Распоредот е апсолутно луд. Не е нормално Ливерпул да игра натпревар во сабота во 12:30. Никогаш повеќе нема да ја гледам телевизијата ТНТ (го емитува овој натпревар). Мора да играме четврток, недела, среда и сабота во 12:30 часот ова што ни го прават е криминал“, изјави Клоп.
Ливерпул е тим со голем број навивачи ширум светот и затоа игра во посебни времиња, што е прилагодено на носителите на телевизиските права. Избраниците на Клоп доживеаја серија неуспеси, поради што речиси отпаднаа од трката за шампионската титула.
Спорт
Модриќ мора да се прифати два услови доколку сака да остане во Реал
Лука Модриќ има договор со Реал до крајот на сезоната и се уште не е познато каде ќе игра 38-годишниот играч за врска следната сезона. Желбата на Модриќ е да остане во Реал, но има голем број понуди од други клубови.
Капитенот на хрватската репрезентација го бараат Динамо, саудиски клубови, екипи од МЛС лигата, а се почесто се зборува и за интересот на Јувентус.
Карлос Карпио, новинар на „Марка“, откри дека Модриќ мора да прифати два услови доколку сака да остане во Реал. Мора да прифати да биде резерва и да прифати значително намалување на платата. Модриќ наводно заработува околу 20 милиони евра по сезона.
„Се сомневам дека ќе остане во Реал, но ако остане, тоа ќе биде со помала плата. Модриќ не прифати добро ниту една одлука на Анчелоти да биде резерва. Легендите никогаш не се послушни замени“, вели Карпио.
Модриќ сезонава забележа 40 настапи, два гола и шест асистенции. Хрватото во Реал пристигна во 2012 година од Тотенхем за 35 милиони евра.