Контакт

Спорт

Ливерпул и Манчестер Сити продолжуваат каде што застанаа: Првата битка е „Комјунити Шилд“

Објавено пред

Ливерпул и Манчестер Сити ја отвораат новата сезона во елитата на Англија борејќи се за трофејот „Комјунити Шилд“. Натпреварот на стадионот „Кинг Пауер“ во Лестер е закажан за денескја, со почеток во 18 часот, и традиционално го играат победникот на ФА купот, Ливерпул, против шампионот во Премиерлигата, Манчестер Сити. Тоа е пресметка што го означува почетокот на новата сезона во Англија.

dobivaj vesti na viber

„Црвените“ останаа бод зад „граѓаните“ во текот на изминатата сезона и се подготвени барем делумно да се реваншираат на денешниот натпревар, а потоа да го остават ривалот зад себе и во битката за титулата. Минатата сезона беа блиску до историска „четворка“, но останаа со трофеите во ФА Купот и Лига Купот на Англија, завршувајќи на второто место во домашното првенство, а загубија и во финалето на Лигата на шампионите од Реал Мадрид.

Сепак, менаџерот Јирген Клоп на прес-конференцијата изјави дека му требал само еден ден да го заборави горчливиот вкус на пропуштената шанса за фудбалска бесмртност.
„Ми требаше еден ден, а потоа беше парадата во Ливерпул. Знаевме дека дојдовме многу блиску до сите трофеи. Кога на моменти немате среќа, се случуваат такви работи. Ова е спорт и ние ги прифаќаме правилата. Доволен е бод повеќе по 38 кола, а доволен е и гол повеќе на еден фудбалски натпревар. И ние го прифаќаме тоа, па не ми требаше долго да се опоравам од разочарувањето. Мислам дека нема многу смисла да се размислува на тој начин. Игравме на неверојатно високо ниво, бевме константни, игравме добар фудбал – не секогаш, но многу често. Се боревме напорно. Тоа се сите работи што треба повторно да ги направиме“, изјави Германецот во пресрет на новата сезона.

Ливерпул летово го загуби Садио Мане од Баерн Минхен, но како негова замена го доведе Дарвин Нуњез од Бенфика, како и талентираниот Фабио Карваљо.

Неговиот колега Пеп Гвардиола е подготвен со тимот на Манчестер Сити да започне онака како што ја заврши минатата сезона – со трофеј. Шпанецот и неговиот клуб, исто така, значајно се засилија. Тука се Ерлинг Халанд и Калвин Филипс како големи засилувања. Сепак, Ејмерик Лапорте нема да ја започне сезоната по операцијата на коленото.

„Лапорт е повреден. Тој имаше операција на коленото на крајот од минатата сезона, играјќи ги последните 2-3 натпревари со повреда. Тој вложи неверојатен напор. Засега му оди многу добро, но мораме да внимаваме кога е коленото во прашање. Мислам дека ќе го пропушти цел август, ќе се врати со нас во септември“, изјави менаџерот на Манчестер Сити, кој не ја отфрли можноста за доведување лев бек по заминувањето на Олександр Зинченко. „Граѓаните“ има интерес за фудбалерот на Брајтон, Марк Кукуреља. Но, и без него се повеќе од силни.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт

ФИБА на Пјерија Хенри му изрече 48-месечна суспензија

Објавено пред

Кошаркарот на Басконија, Пјерија Хенри, минатата година под чудни околности заработи суспензија. Имено, Американецот беше суспендиран по рутинска антидопинг контрола.

dobivaj vesti na viber

Уште тогаш беше јасно дека се соочува со повеќегодишна суспензија, а сега тие шпекулации добија потврда. ФИБА на официјалниот сајт објави дека Хенри ќе мора да паузира 48 месеци, а правото на настап ќе го стекне дури на 13 јануари 2027 година.

Во јануари 2023 година, Хенри немал позитивен примерок, туку лажирал урина, односно користел синтетичка урина. Оваа ситуација го доби својот епилог нешто повеќе од една година подоцна.

Во Европа, Хенри претходно помина време во Улм, Хапоел Еилат, Тофаш и Уникс пред да се наметне како еден од најатрактивните бекови во Евролигата со Басконија, откако пристигна во тимот во 2019 година.

Сезоната 2021/22 ја помина во Фенербахче и потпиша за само неколку дена со Хјустон Рокетс пред да се врати на „Фернандо Буеса Арена“. Пред да биде обвинет дека дал лажен примерок, одигра само неколку натпревари за Басконија.

Оваа суспензија веројатно значи и крај на кариерата за Хенри, бидејќи во јануари 2027 година тој ќе има полни 34 години.

Прикажи повеќе...

Спорт

Роналдињо влегува во турското реално шоу

Објавено пред

Легендарниот Бразилец Роналдињо (43) според многумина е можеби најатрактивниот фудбалер кој некогаш стапнал на теренот, а својот врв го доживеа во Барселона, со која ги освои сите најголеми тимски и индивидуални награди и играше на највисоко ниво неколку сезони.

dobivaj vesti na viber

Роналдињо додека беше активен фудбалер често беше присутен во жолтиот печат. Откако се пензионираше заврши во затвор во Парагвај поради фалсификуван пасош.

За да го финансира својот животен стил учествувал во секакви проекти, а сега ќе стане привремен дел од турската верзија на популарното реално шоу „Преживеан“.

Водителот на емисијата ги собра учесниците на шоуто и најави дека наскоро ќе им се придружи фудбалска ѕвезда и ги замоли да погодат за кого станува збор.

Секако, наведоа турски фудбалери како Емре Белезоглу, а потоа водителот Ацун Иликали ги шокираше сите кога откри дека се работи за легендарен Бразилец.

Роналдињо треба да игра тенис со нога со конкурентите, но останува да се види дали тој навистина ќе го исполни тој договор.

Прикажи повеќе...

Спорт

УЕФА ја претстави новата Лига на шампиони

Објавено пред

Новиот формат на Лигата на шампионите ќе стартува од следната есен. Ова го објави УЕФА на официјалната веб-страница. Најважната промена е што во најсилното европско клупско натпреварување ќе учествуваат 36 клуба, а не 32 како досега.

dobivaj vesti na viber

„УЕФА покажа посветеност на основните вредности на спортот и ги бранеше принципите на отворени натпреварувања. Постои спортска солидарност, која го краси европскиот спортски модел“, изјави Александар Чеферин, претседател на УЕФА.

Нема повеќе групи, туку се игра лига систем на натпреварување. Во првата фаза секоја екипа ќе има по осум натпревари и ќе собира бодови за да се пласира во следната фаза. Веќе нема да играат против истите противници дома и на гости.

Квалификациите за Лигата на шампионите ќе бидат отворени во зависност од пласманот на клубот во домашното првенство на крајот од претходната сезона и националниот коефициент. Дополнителни четири екипи влегуваат во Лигата на шампионите според следните правила.

Една третопласирана екипа од петтата најсилна лига во Европа според коефициентот на УЕФА.

Другиот тим ќе биде шампион на својата земја кој преку патот на шампионите ќе влезе во Лигата на шампионите. Во Лигата на шампионите досега низ четирите прелиминарни кола влегуваа четири екипи, а од следната сезона ќе има место за пет.

Третата и четвртата екипа влегуваат врз основа на добрите резултати од претходната сезона. УЕФА автоматски ќе испрати две екипи во главната фаза од Лигата на шампионите според коефициентот и успехот од претходната сезона.

Системот на бодување не се менува. Остануваат три бода за победа и еден за нерешен резултат. Бидејќи сите екипи учествуваат во лигата, осумте најдобри одат директно во осминафиналето.

Екипите пласирани од 9. до 24. место ќе го одиграат еден натпревар дома и еден на гости за да се пласираат во осминафиналето.

Двојките во таа фаза ќе бидат одредени со ждрепка, а екипите ќе бидат поделени во две групи, носители (од 9. до 16. место во лигата) и неносители (од 17. до 24. место). Потоа, победниците ќе играат против еден од осумте најдобро пласирани од првиот дел на сезоната.

Прикажи повеќе...

Најново

Топ1 час

Повторно дете нападнало дете во училишен двор во Карпош – случајот е во рацете на полицијата

Мајка од Скопје пријавила во полицијата дека пред два дена, околу 21.40 часот, син ѝ бил нападнат во училиштен двор...

Македонија2 часа

„Ахмети ќе ја соопшти големата вест“ – ДУИ најави обраќање во живо на „Фејсбук“

Демократската унија за интегрцаија (ДУИ) објави дека утре во 11 часот, партискиот лидер Али Ахмети ќе им се обрати на...

Топ2 часа

Брат пукаше во сестра си и во нејзините два сина во Куманово – две од лицата починаа

Три лица беа застрелани, а двајца починаа во кумановското село Габреш. Според информациите од МВР, зад убиствата стои Д. Ѓ....

Македонија3 часа

Костадиновска-Стојчевска: Да се поништи конзерваторското решение за зградата кај Воената болница

Министерката за култура Бисера Костадиновска-Стојчевска, за изградбата на висококатницата до „Воена болница“ во Скопје, информираше дека го добила Извештајот од...

Македонија5 часа

Цените за катастарските услуги удрија по џебот на граѓаните: поскапувањето не е 300 отсто, туку 90

Според претседателот на Комората на трговските друштва за геодетски работи, Никола Рибароски, најновите поскапувања на тарифниците на Агенцијата за катастар...

Македонија5 часа

Вкупно 56 потврдени случаи на голема кашлица, во следните недели се очекува зголемен број кај повозрасните

По денешниот редовен состанок на Комисијата за заразни болести, претседателот Александар Петличковски рече дека состојбата со големата кашлица е под...

Македонија5 часа

Ковачевски се извини: Ги прифаќам сите реакции, не сакам да дојде време да се случува она што се случуваше до 2016

Лидерот на СДСМ, Димитар Ковачевски, присуствуваше на почетокот на градежните работи на објектот Универзална сала, каде повторно им се извини...

Македонија8 часа

„Мицкоски опкружен со луѓе поврзани со скандали со дрога“, велат СДСМ

„Мицкоски постојано е опкружен со луѓе поврзани со скандали со дрога. Пред неколку месеци претседателот на ДПМНЕ Христијан Мицкоски и...

Македонија8 часа

„И во последните денови од владеењето власта е брутална, сега си играат со судбината на Леонид“, вели ВМРО-ДПМНЕ

„Со СДС и ДУИ секојдневно тоне се, а цената дури и на последните денови од нивното владеење е висока, чини...

Свет10 часа

Кина остро ги критикува САД поради ставеното вето на резолуцијата за прекин на огнот во Газа

Кина остро ги критикуваше САД дека ставија вето на резолуцијата на Советот за безбедност на ОН со која се бара...

Европа10 часа

Западните лидери го обвинија Путин за смртта на Навални, Трамп не: „Можеше да остане настрана“

Поранешниот американски претседател Доналд Трамп вчера изјави дека Алексеј Навални бил многу храбар човек кој веројатно не требало да се...

Свет11 часа

Ники Хејли: Трамп е премногу стар

Кандидатката за републиканска номинација Ники Хејли вети дека ќе ја продолжи својата претседателска кампања, велејќи дека нема намера да се...

Регион11 часа

(Видео) Протест во Албанија, фрлени „молотови коктели“ врз зградата на владата: „Го рушиме режимот на Рама“

Демонстрантите од опозицијата вчера фрлаа молотови коктели и камења врз зградата на албанската влада, обвинувајќи ги владините претставници за вмешаност...

Европа21 час

Лукашенко: Десетици илјади војници на НАТО се распоредени во близина на Белорусија и Русија

Претседателот на Белорусија, Александар Лукашенко, изјави дека загриженоста за можниот почеток на Третата светска војна е целосно оправдана, пренесува руската...

Македонија22 часа

ЗНАМ в четврток ќе избере лидер на партијата и кандидат за претседател на Македонија

Партијата Движење ЗНАМ-За наша Македонија на денешната прес конференција го најави првиот Конгрес, што ќе се одржи на 22 февруари...

Македонија22 часа

„Леонид не е на лекување во странство, туку на рехабилитација, затоа се одби барањето“, велат од ФЗО

„Барањето на осигуреното лице Б.И. од Скопје, за неговото дете Л.И. за упатување на лекување во странство се одби како...

Топ1 ден

Скопјанка почина на паркинг во Кисела Вода, телото е дадено на обдукција

Вчера околу 11.30 часот во СВР Скопје било пријавено дека на паркинг на подрачје на Кисела Вода во Скопје починала...

Македонија1 ден

(Видео) Поради ставот „да прооди, да прозборува, па ќе го вакцинираме“, ни се заканува и епидемија на морбили

Лекарите се едногласни во ставот дека одлагањето на вакцините е причина за сегашната епидемија на голема кашлица и предупредуваат дека...

Економија1 ден

На четиричлено семејство му се потребни приближно 1.000 евра за да го преживее февруари

Минималните трошоци на едно семејство во февруари изнесуваат 57.476 денари, што претставува зголемување од 313 денари во однос на јануари, покажуваат...

Македонија1 ден

Бојмацалиев: Стигнати се 20.000 обрасци за пасошите, до крајот на месецот се очекува поголема пратка

Во Министерството за внатрешни работи стигнати се 20.000 обрасци, а до крајот на месецот се очекува да стигне дополнителна поголема...