Спорт

„Ливерпул ја губи трката за титулата, му следува борба за пласман во топ-4“

Објавено пред

1 месец

- 22 јануари, 2021

Од

Ливерпул, синоќа, по четири години и 68 натпревари, доживеа пораз на домашен терен во Премиер лигата. Барнли сензационално ги однесе бодовите од „Енфилд“ со голот на Ешли Барнс од пенал во 81. минута.

Ливерпул е во криза, тоа го покажуваат резултатите. „Црвенте“ во 2021 година немаат постигнато гол, а немаат победа на последните пет натпревари.

Поранешниот капитен на Ливерпул, Џејми Карагер, најавува фијаско доколку Јирген Клоп не смени нешто во играта.

„Не се сеќавам кога последен пат се случило толку играчи во исто време да бидат надвор од форма“, рекол во својот коментар на „Скај спортс“.

Ливерпул викендов ќе игра во ФА-купот против Манчестер јунајтед, а потоа му следува серија на тешки натпревари во Премиер лигата.

„Доколку серијата што им следува не помине добро, тогаш е сигурно дека веќе во февруари ќе отпаднат од борбата за титулата. Доколу се случи тоа, тогаш Ливерпул ќе води жестока борба за топ-4 и пласман во Лигата на шампионите“, стравува Карагер.

По дуелот со Манчестер јунајтед, Ливерпул ќе игра против Тотенхем и Вест Хем во Лондон (28 и 31 јануари), потоа на „Енфилд“ ќе ги пречека Брајтон и Манчестер сити (3 и 7 февруари), а на 13 февруари ќе гостува кај Лестер.

©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Поврзани Артикли:sport

Следно

Јованка Радичевиќ во идеалниот тим на деценијата

Претходно

Стоичков: Пјаниќ не заслужува да ја носи осумката

Спорт

Почина славниот капитен на КК Партизан, Миленко Савовиќ

Објавено пред

39 минути

- 1 март, 2021

Од

TopSport.mk

Миленко Савовиќ, поранешниот српски кошаркар и легенда на Партизан, Миленко Савовиќ почина на 61 година, објавија српските медиуми.

Савовиќ кариерата ја почна во 1977 година со Партизан, со кои освои три титули во поранешна Југославија, три Купови на Радивое Кораќ и два југословенски купа. Во Партизан тој играше 12 години, станувајќи миленик на навивачите, кои му дадоа прекар „Свети Сава“.

По крајот на кошаркарската кариера, тој беше директор на Партизан, во периодот кога клубот ги имаше најголемите успеси, односно ја освои европската титула во 1992 година.

Според српските медиуми, тој бил примен во болница уште пред еден месец поради компликации со КОВИД-19.

Прикажи повеќе...

Спорт

Дончиќ е највреден! Картичка од Словенецот продадена за 4.6 милиони долари!

Објавено пред

2 часа

- 1 март, 2021

Од

TopSport.mk

Лука Дончиќ како да е создаден да поставува рекорди. Најмногу на кошаркарскиот терен, а сега и кај лудите колекционери на спортски картички.

На неговиот 22. роденден, негова руки-картичка со автограм е продадена за астрономски 4.6 милиони долари, јавуваат американските медиуми, поставувајќи рекорд кога се работи за НБА-играчите.

Минатата година дебитантска картичка на Јанис Адетокумбо и на Леброн Џејмс е продадена за 1.8 милиони долари, додека картичка со автограм на Мајкл Џордан од Ол-стар натпреварот во 1992 година, достигна 1.4 милиони долари.

View this post on Instagram

A post shared by Bolillo Lajan San (@shyne150)

Прикажи повеќе...

Спорт

Иванишевиќ: Новак може да паузира до сезоната на земја

Објавено пред

3 часа

- 1 март, 2021

Од

TopSport.mk

Горан Иванишевиќ, тренерот на светскиот рекет број 1 Новак Ѓоковиќ, очекува Србинот да паузира цел месец до стартот на сезоната на земја за да се опорави од скинатиот стомачен мускул добиен при победата на Австралија опен.

Самиот Ѓоковиќ изјави дека ја влошил повредата со одлуката да продолжи да игра, и сега Иванишевиќ вели дека е реално да се очекува тој да паузира од тениските терени до април. Србинот се повреди во текот на третото коло против Американецот Тејлор Фриц, а и покрај најавите дека ќе се повлече, тој стигна до победа над Данил Медведев и 18-та гренд слем титула.

„Многу работи зависат од тоа како ќе тече опоравувањето, но мислам дека нема потреба да се брзаме. Единствен турнир до април на кој може да настапи може да биде Мајами, кој стартува на 24 март“, вели Иванишевиќ.

Сезоната на земја стартува на 5 април, а првиот Мастерс е во Монте Карло на 11 април.

Прикажи повеќе...