Спорт
Ливерпул наследникот на Салах го најде во Мадрид
Ливерпул е подготвен да одвои 70 милиони евра за да го доведе Арда Гулер од Реал во летниот преоден рок, пренесуваат англиските медиуми. Турскиот напаѓач е посочен како можна замена за Мохамед Салах (32), кој е под договор до крајот на сезоната.
Минатата година Ал Итихад од Саудиска Арабија на Ливерпул му понуди околу 180 милиони евра за трансферот на Салах. Познато е дека Салах не би имал ништо против нов договор со клубот со кој ги освои Премиер лигата и Лигата на шампионите, но сака тригодишен договор, а во Ливерпул не се сигурни дали би потпишале играч има 32 години.
Во клубот се убедени дека ќе се договорат со крилниот напаѓач кој на 362 натпревари за клубот постигна 219 гола и забележа 96 асистенции, но бараат и соодветно решение доколку не оди се според планот.
Во оваа приказна е и талентираниот Гулер (21), кој не добива вистинска можност во Реал и не го крие незадоволството.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Родри ја освои Златната топка
Фудбалерот на Манчестер сити и шпанската репрезентација Родри ја освои Златната топка на гала вечерта во Париз, во организација на УЕФА, „Франс Фудбал“ и „Лекип“. Родри не сакаше да ја прими наградата на патерици, успеа да се одржи на нозе. Тој е првиот Шпанец од 1960 година кој ја добил оваа награда. Зад Родри се најдоа тројца играчи на Реал: Винисиус Жуниор, Дани Карвахал и Џуд Белингем.
Родри е централен играч за врска на Сити и на шпанската репрезентација која ја предводеше до титулата европски првак. Во сезоната 2023/2024. одигра 50 клупски натпревари, на кои постигна девет и асистираше за 14 гола, додека на ЕП беше прогласен за најкорисен играч. Со Сити ја освои Премиер лигата, Суперкупот на УЕФА и Светското клупско првенство на ФИФА.
Ова е трет пат во историјата најдобар фудбалер да се избира според резултатите во текот на сезоната, а не годината. Оваа награда важи за календарскиот период од 1. август 2023 година до 31. јуни 2024 година.
Гала вечерта ја обележа и скандалот кој го приреди првиот човек на Реал, Флорентино Перез. Откако дознал дека Златната топка нема да ја освои Винисиус Жуниор ја вратил 50.члената делегација од аеродрмото во Мадрид.
Во Реал, како што пишува „Марка“, биле „крајно разочарани и лути“. Реал смета дека е неправедно нивниот крилен играч да не ја добие најголемата фудбалска чест.
Неофицијалниот став на клубот е дека Златната топка за нив „веќе не постои и нема вредност“, па ќе се фокусираат на тимските цели. Да потсетиме, овој шок дојде кај Реал откако на својот стадион „Сантијаго Бернабеу“ загуби со 0:4 од Барселона во 11. коло од Ла Лига.
Исто така клупската телевизија го откажа петчасовното шоу и преносот на церемонијата за доделување на Златната топка.
Спорт
Анчелоти ја доби наградата за најдобар тренер
Тренерот на Реал Мадрид, Карло Анчелоти на гала вечерта во Париз, во организација на УЕФА, „Франс Фудбал“ и „Лекип“ ја доби наградата за најдобар.
Минатата сезона ја освои титулата европски првак, титулата шампион на Шпанија и Купот на кралот. Анчелоти не ја прими наградата бидејќи како и сите од Реал ја бојкотира церемонијата.
Ема Хејс е најдобар тренер во женскиот фудбал, беше тренер на Челзи, додека со репрезентацијата на САД го освои златниот медал на Олимписките игри во Париз.
Наградата за тренер на годината во иднина ќе го носи името „Јохан Кројф“ по легендарниот Холанѓанец, еден од најдобрите европски фудбалери на сите времиња, подоцна многу успешен како тренер на Барселона.
За познатиот фудбалер и тренер зборуваа поранешниот бугарски ас Христо Стоичков (добитник на Златната топка во 1994 година додека играше за Барса на Кројф) и Жорди Кројф, поранешен фудбалер и син на Јохан Кројф.
Спорт
Дибу Мартинез повторно ја освои наградата „Лав Јашин“
Емилијано Дибу Мартинез повторно ја доби наградата за најдобар голман на гала вечерта на УЕФА, „Франс фудбал“ и „Лекип“. Оваа награда е наречена по славниот руски голман „Лав Јашин“.
Голманот на Астон Вила и репрезентацијата на Аргентина победи во конкуренција на Мајк Мењон (Милан/Франција), Џиџи Донарума (ПСЖ/Италија), Унаи Симон (Атлетик Билбао/Шпанија) и Андриј Луњин (Реал/Украина).
Минатата сезона со аргентинската репрезентација ја освои Копа Америка, додека со Астон Вила играше во полуфиналето на Конференциската лига.
„Дојдов во Англија и го најдов својот пат. Не очекував дека ќе ја освојам оваа награда двапати по ред и благодарен сум на моето семејство, соиграчите и сите луѓе кои ми помогнаа да ја добијам оваа награда. Не се сметам себеси најдобри, има многу квалитетни голмани“, рече меѓу другото голманот на англискиот тим.
EMILIANO MARTINEZ IS THE 2024 YACHINE TROPHY WINNER! Argentina goalkeeper extends his reign! #TrophéeYachine #ballondor @AVFCOfficial @championsleague pic.twitter.com/lpykGx38zV
— Ballon d'Or (@ballondor) October 28, 2024