Спорт
Ливерпул не купува, дали ќе зажали?

Актуелните европски шампиони Ливерпул, очигледно се задоволни од својот тим и не планираат големи засилувања ова лето, но дали е тоа вистинската одлука и дали тие ќе зажалат следната сезона, се прашува Питер Стаунтон во неговата колумна за „Гол“.
Минатата сезона, „црвените“ беа на само една победа од првата лигашка титула од 1990 година и го освоија шестиот европски трофеј со победата над Тотенхем, по што досега ова лето го купија само 17-годишниот Сеп ван дер Берг, холандски дефанзивец, кој веднаш ќе оди во младинскиот тим на „црвените“. Од друга страна од тимот заминаа Даниел Стариџ и Алберто Морено и Дени Ингс.
Ова е тивко лето за тимот на Јирген Клоп, откако Ливерпул во минатото мораше да се справува со заминување на своите најдобри фудбалери за други тимови – Луис Суарез, Рахим Стерлинг, Филипе Кутињо. Постои стабилност, солидност и верба дека на „Енфилд“ можат да се освојуваат титули и тоа е фантастично за навивачите на „црвените“, меѓутоа во Премиер лигата сите постојано мислат на засилувања и парите не мируваат.
Клучното трио, Мохамед Салах, Садио Мане и Роберто Фирмино се обврзани со долгогодишни договори, а на „Енфилд“ сметаат дека засилувањата како Салах, Алисон и Виргил ван Дајк се доволни за освојување на титулите.
Од друга страна, Пеп Гвардиола во Манчестер сити по рекордната сезона со три титули, не останува мирен – Жоао Кансело е главната цел за засилување на одбраната, а Родри веќе дојде од Атлетико Мадрид. Манчестер јунајтед се во процес на обновување на тимот и никој не верува дека можат да се борат за титулата следната сезона, а многу неизвесност постои и во Челси, сега со Френк Лампард на чело и без Еден Азар.
Реал Мадрид минатата сезона дознаа дека со титулите од ЛШ се прикрива силата на тимот, и дека вистински показател е лигата, така што ќе се види дали стратегијата е погрешна или исправна.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Роналдо покажа со прстот кон Гринвуд

Кристијано Роналдо продолжува да го обликува тимот според своите желби, а сега е пронајдено ново име кое би сакал да го види во тимот.
Според „Марка“, португалскиот фудбалер побарал од раководството на клубот да го доведе Мејсон Гринвуд.
Англискиот офанзивен играч се прероди и е најдобриот играч на Марсеј. Тој веќе имаше покани од Саудиска Арабија минатата сезона, но тогаш не сакаше да го промени средниот ред.
Не е лесно да останеш имун кога ќе те повика Кристијано Роналдо, иако медиумите тврдат дека Гринвуд не размислува за заминување, иако и Интер го има на својот радар.
Жоао Феликс неодамна пристигна во Ал Наср, а Роналдо сака по секоја цена да го освои првиот трофеј на Блискиот Исток.
Фото: ЕПА
Спорт
Штутгарт го изигра Атлетико – Мило на пат кон Саудиска Арабија

Францускиот фудбалер од редот за врска, Енцо Мило, долго време се поврзуваше со Атлетико Мадрид, но тој кариерата ќе ја продолжи во Саудиска Арабија.
Енцо Мило беше виден на стадионот „Метрополитано“, иако неговото пристигнување беше одложено поради Штутгарт, кој одолговлекуваше со условите за плаќање.
Се испостави дека „Швабите“, намерно ги одолжиле преговорите со шпанскиот клуб, чекале сигнал од Саудиска Арабија.
Мило беше поврзуван и со Тотенхем, но на крајот победи најбогатиот.
Усен договор меѓу Ал Ахли и играчот за врска веќе постои, и сè уште не е познато колку би можел да изнесува целиот договор. Се споменуваше дека Атлетико морал да плати 23.000.000 евра, па се очекува дека приближно иста сума ќе уплати Ал Ахли в касата на Штутгарт.
Спорт
Баер го продолжи договорот со Шик

Баер Леверкузен ја продолжи соработката со 29-годишниот централен напаѓач и чешки репрезентативец Патрик Шик, а голгетерот висок 191 см се обврза да остане во редовите на популарните „фармацевти“ до 2030 година.
Шик помина пет сезони во овој тим и значително придонесе пред две сезони, кога Баер ја освои Бундеслигата и ја прекина децениската апсолутна доминација на Баерн во германскиот фудбал.
Вкупно, Шик одигра 121 натпревар во Бундеслигата и постигна 64 гола, а постигна и девет гола во 33 натпревари во европските натпреварувања.
Кариерата на Шик започна во Спарта од неговата родна Прага, каде што не играше, а својата прва можност ја доби во дресот на Бохемијанс, каде што беше позајмен во сезоната 2015/16.
Следеше италијанската епизода, една сезона во Сампдорија и две во Рома, потоа неговото прво искуство во Бундеслигата во Лајпциг, каде што постигна 10 гола на 22 натпревари во елитниот ранг на германскиот фудбал во сезоната 2019/20.
Кога станува збор за чешката репрезентација, Шик постигна 24 гола на 46 натпревари.