Спорт
Ливерпул одбраната на титулата ќе ја започнат против Лидс

Лидс Јунајтед првиот меч во елитниот ранг на англискиот фудбал по пауза од 16 години ќе го одигра на „Енфилд“ против шампионот Ливерпул. Премиер лигата претпладнево го објави календарот и двојките за сезоната 2020/2021. Репрезент на македонскиот фудбал ќе биде Езџан Алиоски кој го носи дресот на Лидс Јунајтед.
Премиер лигата ќе стартува на 12 септември кога ќе се одиграат шест натпревари во терминот од 16 часот, наредниот ден ќе се одиграат два натпревари во терминот од 21 час, додека одложени ќе бидат натпреварите Барнли-Манчестер Јунајтед и Манчестер сити-Астон Вила.
Премиер лига, 1.коло:
Ливерул-Лидс
Кристал Палас-Саутемптон
Фулам-Арсенал
Тотенхем-Евертон
ВБА-Лестер
Вест Хем-Њукасл
Брајтон-Челси
Шефилд Јунајтед-Вулверхемптон
Првото големо дерби на програмата ќе биде во второто коло кога Челси ќе го пречека Ливерпул. Актуелните шампиони од „Енфилд“ во третото коло ќе го пречекаат Арсенал.
Првото „Мерсисајд“ дерби, дуелот помеѓу Евертон и Ливерпул ќе се одигра на 17 октомври, додека дербито на северен Лондон помеѓу Тотенхем и Арсенал на програмата ќе биде на 5 декември. Седум дена подоцна на „Олд Трафорд“ ќе играат Манчестер Јунајтед и Манчестер сити.
На Боксинг деј е лондонскиот дуел помеѓу Арсенал и Челси, додека најголемото дерби на англискиот фудбал, Ливерпул-Манчестер Јунајтед, ќе се игра на 16 јануари наредната година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Челзи донесе уште еден Бразилец

Бразилскиот фудбалер Естевао Вилијан официјално стана нов член на Челзи, објави англискиот клуб.
Во јуни 2024 година, Челзи постигна договор со Палмеирас за Естевао да се пресели на „Стенфорд Бриџ“ откако ќе наполни 18 години.
„Многу сум среќен и задоволен што го претставувам Челзи, еден од најголемите клубови во светот. Се надевам дека ќе му помогнам на тимот на најдобар можен начин. Чекав речиси година и пол за да дојдам тука, работев напорно и се трудев најдобро што можам да бидам во најдобра можна форма“, рече Естевао.
Последниот натпревар на Естевао за Палмеирас беше против Челзи во четвртфиналето на Светското клупско првенство, кога постигна гол во поразот од 2:1.
Бразилскиот фудбалер дебитираше за сениорската репрезентација во септември минатата година, за која одигра пет натпревари.
На 17 август, Челзи ќе игра против Кристал Палас во првото коло од Премиер лигата.
Спорт
Астон Вила се засили со напаѓач на Ница

Астон Вила одлучи да доведе нов напаѓач, изборот на клубот е Еван Гесан.
Напаѓачот на Ница, кој има 24 години, е роден во Франција, по потекло од Брегот на Слоновата Коска.
Одиграл 109 натпревари за Ница, постигнал 21 гол и забележал 15 асистенции, но тоа не ги покажува сите негови вредности, бидејќи може да игра на сите позиции во нападот.
Вакво засилување му беше многу потребно на Унаи Емери, бидејќи Астон Вила не ги откупи договорите на Маркус Рашфорд и Марко Асенсио.
На Астон Вила очајно ѝ е потребна силна напаѓачка ротација, под услов Оли Воткинс даостане. Воткинс, според англиските медиуми е цел на Манчестер јунајтед и Њукасл. Неговата иднина зависи од одлуката на Бенјамин Шешко, за чии услуги исто така интерес покажуваат споменатите клубови.
Фото/ Принскрин
Спорт
(Видео) Карабаг ја победи Шкендија, ВАР пенал им пресуди на македонските шампиони

Foto/ EPA/GEORGI LICOVSKI
Фудбалерите на Шкендија, прв пат се порзени сезонава во квалификациите за пласман во Лигата на шампионите. Вечерва во Скопје, Шкендија загуби од Карабаг 0:1.
Клучниот момент се случи во 16.минута, кога по несмасниот старт на Вебстер врз Андраде, ВАР ја смени одлуката на главниот судија и гостите од Азербејџан добија пенал.
Најстрогата казна ја реализира Бајрамов.
Во првиот дел Карабаг имаше уште две добри шанси, а по голот на Карабаг два пати се закани капитенот на Шкендија, Ибраими.
Во второто полувреме во главните улоги беа голманите Геје и Кохалски, кои не дозволија публиката да види барем уште еден гол. Најдобрите шанси ги имаа Ибраими во 87.минута, од чиста позиција лошо биеше и Кохалски лесно го одбрани неговиот удар, а две минути подоцна Геје брилијантно го одбрани ударот на Зубир.
Реваншот на програмата е за седум дена во Баку. Победникот во плеј-офот ќе игра против Лудогорец или Ференцварош.
!function(r,u,m,b,l,e){r._Rumble=b,r[b]||(r[b]=function(){(r[b]._=r[b]._||[]).push(arguments);if(r[b]._.length==1){l=u.createElement(m),e=u.getElementsByTagName(m)[0],l.async=1,l.src=”https://rumble.com/embedJS/u4″+(arguments[1].video?’.’+arguments[1].video:”)+”/?url=”+encodeURIComponent(location.href)+”&args=”+encodeURIComponent(JSON.stringify([].slice.apply(arguments))),e.parentNode.insertBefore(l,e)}})}(window, document, “script”, “Rumble”);
Rumble(“play”, {“video”:”v6uzljk”,”div”:”rumble_v6uzljk”});