Втор пат одо почетокот на овој месец, поранешниот фудбалер и спортски директор на Реал, Предраг Мијатовиќ, упати жестоки критики кон тренерот на „кралскиот клуб“, Карло Анчелоти.

Мијатовиќ се огласи по синоќешното бледо издание на „Енфилд“ и поразот од Ливерпул 2:0 во петтото коло, во Лигата на шампионите.

Неодамна, по поразот од Милан, тој изјави дека „Анчелоти ја загубил контролата над тимот“. На таа изјава синоќа го потсетија шпанските новинари, а тој рече:

„Сè уште го мислам истото. Ситуацијата е комплицирана бидејќи има многу повредени играчи, а тоа е најлошото нешто за секој тренер. Имам чувство дека ги слуша гласовите наоколу и сака да ги задоволи сите. Кога ќе слушне „овој фудбалер не игра многу“, решава да му даде минутажа. Тоа доаѓа од неговата филозофија за разбирање на фудбалот. Кога клуб толку голем како Реал Мадрид ќе се најде во ситуација да прави компромиси, тогаш се случува она што сега се случува. Не се сите во тимот задоволни и тимот не бележи добри резултати“.

Во моментов славниот Црногорец не гледа решение за излез од кризата.

„Нема потреба да се бара виновникот и да се покажува со прст, но впечатокот е дека тренерот го испушти тимот. Жал ми е за Реал. Изгледаше како тим кој не се ни обиде да се врати во игра. Не знам дали овој тим веќе има способност да реагира и дали Анчелоти има капацитет да ја рестартира ситуацијата и повторно да ги мотивира играчите“, изјави Мијатовиќ.

Фудбалскиот клуб Лајпциг е подготвен во зимскиот преоден рок да го продаде македонскиот репрезентативец Елиф Елмас, тврди еден од водечките германски медиуми,„Билд“.

Елмас од почетокот на сезоната нема никава улога во тимот на Марко Росе. Во Бундес лигата настапи на на само два натпревари, одигра вкупно 44 минути. Ова е доволен показатл дека тренерот не смета на услугите на фудбалерот за чии услуги клубот пред една година на Наполи му плати 24 милиони евра.

Инаку, Елмас нема да игра до крајот на годината поради повредата со која се здоби на натпреварот со Латвија во Скопје, во Лигата на нации.

„Билд“, во својот текст тврди дека намера на клубот е да го продаде македонскиот репрезентативец, а не да го испраќа на позајмица. Според овој извор, Лајпциг за Елмас би прифатил обесштетување од 15 милиони евра.

Наводно неколку италијански клубови покажале интерес за Елмас, а од претходно се знае дека ситуацијата со македонскиот репрезентативец внимателно ја следат турските великани Фенербахче и Галатасарај.

Кошаркарите на Атланта Хокс, предводени од брилијантниот Тре Јанг, славеа на теренот на најдобриот тим во НБА лигата, Кливленд Кавалирс со 135:124.

Кавалирс жестокот го започнаа натпреварот, поведоа со 9:0, а набрзо беше 30:11, најавувајќи катастрофа за гостите од Џорџија.

Сепак, така не мислеше Тре Јанг, го водеше својот тим со 22 асистенции (рекорд во кариерата), а ја постигна клучната тројка од девет метри на 90 секунди до крајот на мечот.

Јанг мечот го заврши со 20 поени (3/13 за три).

ICE
TRAE
YOUNG pic.twitter.com/x4v2UY5Do1

— Atlanta Hawks (@ATLHawks) November 28, 2024

Покрај него, најзначаен придонес во триумфот имаше резервистот Диандре Хантер со 26 поени, заедно со Џејлен Џонсон со 22, односно Захари Рисашер и Богдан Богдановиќ со по 17 поени.

Атланта на Кливленд му го нанесе првиот пораз на домашен терен од почетокот на сезоната. Кавалирс со скор 17-2 и понатаму се први во лигата.