Спорт
Ливерпул со 9:0 го победи Борнмут, Стерлинг го спаси Челси, хет-трик на Халанд против Палас
Фудбалерите на Ливерпул и напаѓачите на Сити Ерлинг Халанд и Челси Рахим Стерлинг, ги обележаа попладневните натпревари одиграни во рамките на четвртото коло во Премиер лигата.
Ливерпул ја забележа првата победа во новата сезона. Цехот за неуспесите во првите три рунди на „Енфилд“ го плати Борнмут. „Црвените“ во мрежата на Борнмут испорачаа девет гола во мрежата на Траверс.
Со тоа го израмнија рекордот на Премиер лигата кога се во прашање најубедливите победи. Пред нив тоа двапати успеа да го направи Манчестер јунајтед (1995 година против Ипсвич и 2021 година против Саутемптон) и Лестер кој пред три години со идентичен резултат го совлада Саутемптон.
Сити со нестварен пресврт во второто полувреме го победи Кристал Палас. Гостите од Лондон првиот дел го добија со 0:2. Сити, предводени од Ерлинг Халанд, во вториот дел испорачаа четири гола. Халанд постигна хет-трик, негов прв во Премиер лигата, а еднаш погоди и Бернардо Силва.
Члеси го совлада Лестер со 2:1 и покрај тоа што од 28.минута играше со фудбалер помалку. Галагер доби два жолти картони во 23. и 28.минута. Во второто полувреме Рахим Стерлинг со два гол аму ја обезбеди победата на Челси. Барнс го постигна голот за Лестер. „Лисиците“ се една од четирир екипи кои се уште немаат победа во лигата.
Брајтон продолжи со стартот од сништата. „Галебите“ го запишаа и третиот триумф, со голот на Паскал Грос го победија Лидс. Брајтон од можните 12 има освоено 10 бода.
Евертон не успеа да го победи Брентфорд и покрај тоа што до 85.минута имаше предност со голот на Гордон. Конечните 1:1 ги постави Јанлет.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Куртоа се враќа до крајот на сезоната
Tренерот на Реал, Карло Анчелоти денеска изјави дека голманот Тибо Куртоа треба да се врати во тренажен процес за десет дена, пренесуваат шпанските медиуми.
На 20 март Куртоа беше опериран поради скинат менискус на десното колено. Шпанските медиуми потсетуваат дека белгискиот голман требаше да паузира до крајот на сезоната, но Анчелоти тврди дека Куртоа успешно се опоравува.
„Куртоа добро закрепнува, би можел да биде во тимот против Кадиз“, изјави Анчелоти.
Шпанските медиуми пренесуваат дека Куртоа сигурно ќе го пропушти натпреварот против Реал Сосиедад во Ла Лига, како и првиот полуфинален натпревар од Лигата на шампионите против Баерн.
Натпреварот од 34. коло во шпанското првенство помеѓу Реал и Кадиз ќе се одигра на четврти мај во Мадрид.
Спорт
Евролигата нема да го толерира однесувањето на Атаман
Кошаркарската Евролигата се огласи по бурната реакција и изјава на Ергин Атаман по поразот на Панатинаикос од Макаби, во Атина на стартот од четвртфиналната серија.
Во соопштението на веб-страницата на елитното натпреварување, се нагласува дека е недозволиво Атаман да ги етикетира судиите, дека таков приситсок нема да биде толериран и дека е покрената дисциплинска постапка против тренерот на Панатинаикос.
За потсетување, Атаман веднаш по натпреварот потенцираше дека судиите му доделиле шест поени на Балдивин, бидејќи досудиле два непостоечки, смешни фаули при шут за три поени, но во исто време нагласи дека ПАО продолжува понатаму, до завршниот турнир во Берлин.
Атаман на прес-конференцијата отиде чекор понатаму, велејќи дека ќе го напушти Панатинаикос доколку не избори пласман на завршниот турнир.
Макаби води во четвртфиналната серија со 1-0, вториот меч се игра вечерва повторно во Атина, а потоа следуваат два натпревари во Белград – 30 април и 2 мај, а евентуалната мајсторка ќе се игра на 8 мај во Атина.
Спорт
Гвардиола за Жоао Кансело: Ќе видиме на крајот на сезоната
Жоао Кансело е член на Манчестер Сити, а моментално е на позајмица во Барселона до крајот на сезоната. Прашање е дали Барселона сака да го отткупи неговиот договор, откако Португалецот беше означен како еден од главните виновници за елиминацијата од ПСЖ од Лигата на шампионите и поразот од Реал во Ел Класико.
Менаџерот на Манчестер Сити, Пеп Гвардиола изјави дека на крајот на сезоната ќе одлучи дали Кансело ќе се врати во клубот, пренесуваат британските медиуми.
„Се уште не сме разговарале за иднината на Кансело во нашиот клуб. Ќе разговараме на крајот на сезоната“, изјави Гвардиола.
Кансело (29) е член на Манчестер Сити од 2019 година. Тој има договор со англискиот клуб до 30 јуни 2027 година.
Вториот дел од минатата сезона Кансело го мина на позајмица во Баерн, а потоа Манчестер Сити го испрати португалскиот фудбалер на едногодишна позајмица во Барселона.
Кансело оваа сезона одигра 36 натпревари за Барселона и постигна четири гола.