Спорт
Ливерпул со кам-бек против Тотенхем, Јунајтед утнаа два пенали, но победија (видео)
Ливерпул ја оддржа предноста од шест поени на врвот на Премиер лигата, откако успеа да се врати и со 2:1 да ги победи Тотенхем во реприза на минатогодишното финале од Лигата на шампионите.
Мечот само што започна, во 47. минута гостите дојдоа во водство на „Енфилд“ откако Хери Кејн ја казни лошата интервенција на Дејан Ловрен кој топката ја упати во стативата, па таа дојде пред главата на напаѓачот.
Но, тимот на Јирген Клоп не се предаде и Џордан Хендерсон прво израмни во 52. минута, пред во 75. минута да дојдат до предност која не ја предадоа со гол од пенал на Мохамед Салах. Пеналот беше досуден по еден катастрофално лош старт на Серж Орие над Садио Мане. Единствена грижа за Клоп може да биде обновената повреда на Салах, поради која тој беше повлечен во финишот на мечот.
Манчестер јунајтед пак, стигна до ретка гостинска победа, триумфирајќи со 3:1 на гостувањето кај Норич и покрај тоа што во првото полувреме двапати не беа прецизни од белата точка. Скот Мектоминеј во 21. минута ги донесе „ѓаволите“ во водство, а Маркус Рашфорд во 28. минута имаше совршена шанса да зголеми на 0:2 од пенал, но неговиот удар беше одбранет.
Рашфорд се „поправи“ само две минути подоцна да зголеми на 0:2, по што во 43. минута беше досуден уште еден пенал, но сега Антони Марсијал беше непрецизен. И тој доби шанса за „поправен“ откако во 73. минута зголеми на 0:3, пред Оњел Ернандез да ги постави конечните 1:3 во 89. минута.
Арсенал пак, по само 9 минути игра имаше 2:0 предност против Кристал палас, за на крајот да се задоволи само со поен по 2:2 ремито. Сократис и Давид Луиз придонесоа за фуриозен старт на „Емирати“, пред Палас да се вратат со головите на Лука Миливојевиќ (32. минута од пенал) и Џордан Ају (52. минута) да направат импресивен кам-бек.
ПРЕМИЕР ЛИГА, 10.КОЛО
Арсенал – Кристал палас 2:2
Ливерпул – Тотенхем 2:1
Норич – Манчестер јунајтед 1:3
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Наз Рид најдобра резерва во НБА лигата
Центарот на Минесота Тимбервулвс, Наз Рид, ја доби нагрдата за најдобар шест играч во НБА лигата.
Рид, од експертите добил 352 гласа, десет повеќе од бекот на Сакраменто Кингс, Малик Монк.
Наз Рид, во регуларниот дел од сезоната имаше просек од 13,5 поени, 5,2 скока и 1,3 асистенции во 81 одигран натпревар. На 67 натпревари тој влегуваше од клупата, како замена за Руди Гобер или Карл Ентони Таунс.
Тимбервулфс на крајот го освоија третото место во Западната конференција со скор од 56 победи и 26 порази.
Во четврток ќе биде доделена наградата „Клач играч на годината“, односно играч кој бил најдобар во клучните моменти, тука финалисти се Стеф Кари, Демар Дерозан и Шеј Гилџис-Александер.
Наградата за тренер на годината се доделува во недела, а меѓу финалистите се Мајк Дагно од Оклахома, Крис Финч од Минесота и Џамал Мозли од Орландо.
Спорт
ФА го казни Компани
Менаџерот на Барнли, Винсент Компани е казнет од челниците на Фудбалската асоцијација на Англија (ФА).
Причината за казната е неговото однесување на натпреварот од Премиер лигата со Челзи на „Стемфорд Бриџ“.
Компани неколку пати го нарекол судијата Дарен Ингланд „е.ен измамник“, откако претходно досуди пенал за Челзи во 40. минута.
Поради непримерното однесување Компани доби црвен картон.
Компани ќе треба да плати 10.000 фунти и нема да може да го води тимот во два натпревари.
Спорт
Баерн го контактирале Арсен Венгер
Баерн се уште е во потрага по нов тренер кој ќе го замени Томас Тухел на крајот од сезоната. Многу имиња „циркулираа“ низ клубот од Минхен, кандидати беа и Чаби Алонсо, Јулијан Нагелсман и Зинедин Зидан, но конкурсот се уште е отворен.
Германските медиуми открија дека клупата на Баерн му била понудена и на легендарниот Арсен Венгер, поранешниот менаџер на Арсенал.
„Долго време не сум во фокусот и мислам дека во овој момент то а не ми е потребно. Јас сум во пензија. Им се заблагодарив на челниците на клубот од Минхен кои се сетија на мене, но мислам дека е време да најдат помлад тренер, кој ќе ја врати старата слава“, откри легендарниот француски тренер.
Поранешниот менаџер на Арсенал вели дека најдобро решение за Баерн би било доколку го ангажираат Зинедин Зидан, кој со Реал покажа дека е роден да освојува трофеи.
„Голем број на клубови ќе бараат тренери во овој преоден рок. Ќе им биде тешко на моите колеги да решат каде ќе одат. Мислам дека најдобро решение за Баерн би бил Зинедин Зидан, но прашање е дали тој сака да работи во Германија, бидејќи мислам дека проблем би бил што тој не зборува германски“, изјави Арсен Венгер.