Спорт
Ливерпул со „петарда“ за Ватфорд, Челси со важен триумф над Тотенхем (видео)

Ливерпул го „прегази“ Ватфорд со 5:0 на „Енфилд“ за да остане на првото место на табелата во Премиер лигата и да ја врати самодовербата по бледото 0:0 реми со Манчестер јунајтед. Манчестер сити успеа да го оддржи темпото со гол од пенал за 1:0 триумф над Вест хем, додека Челси, без Кепа Аризабалага на голот, стигна до одлична за моралот 2:0 победа над Тотенхем.
Садио Мане со два гола (од кој вториот со петица беше посебно импресивен) дојде до 2:0 предност по првото полувреме, пред во второто Дирик Ориџи да зголеми на 3:0, пред Виргил ван Дајк, столбот на одбраната на „црвените“ да постигне два гола за 5:0 триумф.
Манчестер сити имаа потешка задача да го скршат отпорот на „чеканите“, откако дури во 59. минута со гол од пенал на Серхио Агуеро да запечатат 1:0 победа. Разликата меѓу Ливерпул и Манчестер сити останува само еден поен.
Маурицио Сари може да се пофали дека полека ја враќа довербата на навивачите, откако прво реши да го постави Кепа Аризабалага на клупата и да му даде шанса на Вили Кабалјеро по скандалот од финалето на Лига купот, за потоа да стигне до охрабрувачка 2:0 победа над Тотенхем, кои сега имаат два порази едноподруго. Педро во 57. минута и Киеран Трипиер со автогол во 85. минута ги израдуваа навивачите на „Стемфорд бриџ“.
„Препородот“ на Манчестер јунајтед под Оле Гунар Солксјер продолжува, откако „ѓаволите“ стигнаа до 3:1 победа на гости кај Кристал палас благодарение на двата гола на Ромелу Лукаку, кој доби шанса по низата повреди во клубот. Арсенал исто така беа импресивни, откако со 5:1 го „сомлеа“ Бурнемаут – голови постигнаа повратникот во тимот Месут Озил, Хенрик Мхитарјан, Пјер-Емерик Обамејанг, Лорен Косиелни и Александер Лаказет.
ПРЕМИЕР ЛИГА, 28.КОЛО
Арсенал – Бурнемаут 5:1
Саутемптон – Фулам 2:0
Челси – Тотенхем 2:0
Кристал палас – Манчестер јунајтед 1:3
Ливерпул – Ватфорд 5:0
Манчестер сити – Вест хем 1:0
Фото: ЕПА
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
За Ендрик нема место во Реал

Младиот бразилски напаѓач, Ендрик не успева да се наметне во Реал под команда на Чаби Алонсо. Бразилецот е закован за клупата, не одигра ниту една секунда од почетокот на сезоната и се очекува во јануари да биде испратен на позаијмица.
Пред неколку недели Ендирк се поврзуваше со Валенсија, а бразилскиот „ESPN“ пишува дека Марсеј се приклучил во трката.
Тимот предводен од Роберто де Зерби има бод помалку од првопласираниот Пари Сен Жермен и се чини дека би можеле да се борат оваа сезона за титулата.
Со оглед на тоа што Африканскиот куп на нации доаѓа во зима, Марсеј ќе биде без Обамејанг и Гири со што ќе се отвори дупка во нападот и потенцијален проблем во трката за трофејот.
Ендрик би можел да биде решението. Засега, Бразилецот не сака да брза со одлуката, но очигледно е дека ќе мора да замине од Мадрид доколку сака да игра и да се избори за место во репрезентацијата која ќе настапи на Светското првенство следното лето.
Спорт
„Модриќ, Џеко, Варди. Кој ќе плати за да гледа гробишта за слонови?“

Италијанскиот фудбалски новинар Паоло Барџиѓа предизвика бурни реакции откако објави нова епизода од подкастот „Центрокампо“, каде што даде низа остри коментари против одредени фудбалски ветерани, вклучувајќи го и Лука Модриќ.
Неговите изјави, кои ги пренесоа „Milannews.it“ и бројни корисници на социјалните мрежи, предизвикаа бран полемики во Италија.
Во клип кој брзо стана вирален, Барџиѓа ја спореди италијанската Серија А со „гробишта на слонови“, алудирајќи на фактот дека клубовите сè повеќе им даваат шанса на играчите во доцните фудбалски години, наместо на помладите таленти.
Како примери ги наведе Лука Модриќ, Един Џеко и Џејми Варди.
„Модриќ во Милан, Џеко, Варди… Тие се готови како играчи! Кој ќе плати за да гледа гробиштата на слонови? Го носите Ричи за 25 милиони, а играте со некој што има 40 години!“, рече Барџиѓа, предизвикувајќи лавина реакции од јавноста.
Сепак, формата на хрватскиот ас ги негира сите негови тврдења. Лука Модриќ, кој ова лето пристигна во Милано како слободен агент од Реал Мадрид, продолжува да докажува дека возраста не е пречка за него. Од почетокот на сезоната, тој ги одигра сите шест натпревари од Серија А во почетниот состав и e еден од клучните играчи во тимот на Масимилијано Алегри.
„Росонерите“ моментално се на третото место на табелата, а примија само три гола.
Покрај тоа, „Ла Газета дело Спорт“ наведува дека Модриќ е на самиот врв во лигата по бројот на прецизни додавања и точноста на додавањата, поради што раководството на Милан веќе планира да му понуди продолжување на договорот.
Спорт
„Нејмар во Интер? Глупости!“

Во изминатите неколку дена се појави информација дека Нејмар бил понуден на Наполи и Интер ова лето, но повредата го натерала да остане во Сантос.
Бидејќи неговиот договор со Сантос истекува на крајот од годината, извесно е дека брилијантниот напаѓач ќе го промени клубот.
Се споменуваше Интер Мајами, каде што ќе им се придружи на Меси и Суарез, а се пишуваше дека повторно ќе биде понуден на клубови од Серија А.
Сепак, тоа нема да биде Интер од Милано, бидејќи спортскиот директор на овој клуб, Пјеро Аусилио, ги негираше тврдењата на медиумите.
„Нејмар во Интер? Тоа се глупости! Никогаш не сме разговарале за тоа, ниту сме испратиле понуда. Се обидовме со Лукман, но напредокот на Пио Еспозито и Бони ни овозможи да видиме напредок. Исто така, го следевме Хојлунд“, рече Аусилио во интервју за „Кориере дело Спорт“.