Спорт
Ливерпул со „сомнителен“ гол го победи Нотингем за полуфинале против Сити
Ливерпул е последниот полуфиналист од најстарото клупско натпреварување на светот, ФА купот, откако им беше доволен „сомнителниот“ гол на Диого Жота за да стигнат до 0:1 победа на гости и да обезбедат пресметка со Манчестер сити во полуфиналето. Во второто полуфинале играат Челси и Кристал палас.
Второлигашот Нотингем, кој во претходните кола успеа да ги елиминираат Арсенал и Лестер, се покажаа како сериозен противник и имаше доста шанси пред голот на фаворитите, но во 78. минута откако пропуштија сериозна шанса, беа казнети кога Костас Цимикас го пронајде Жота во шестнаесетникот и тој немаше проблем да го совлада голманот.
Иако ситуацијата изгледаше сомнително, ВАР системот одлучи дека нема офсајд. Домашните навивачи беа лути што неколку минути подоцна ВАР повторно беше против нивниот тим по еден дуел во шестнаесетникот на второлигашот, кој сепак, не изгледаше доволно сериозен за најстрога казна.
The ????????? of touches from @DiogoJota18.@LFC #EmiratesFACup pic.twitter.com/medNXfWdSI
— Emirates FA Cup (@EmiratesFACup) March 20, 2022
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Во Загреб се револтирани од судењето: Ние сме мал клуб на кој може да му го направат ова
Фудбалерите на Динамо Загреб не се задовлни од арбитржата на судијата Харм Осмерс по нерешениот резултат со Монако (2:2) во второто коло од Лигата на шампионите.
„Модрите“, не успеаја да ја задржат предноста од два гола, примија голови во 74. (Салису) и 90.минута од пенал (Закарија).
Токму досудениот пенал во последната минута од натпреварот ги натера да го кренат гласот против главниот судија.
Играчите на Днамо потсетуваат дека претходно во слична ситуацјија капитенот Бруно Петковиќ беше соборен во шеснаесетникот на Монако, а германскиот арбитар покажа фаул во напад. Во 90.минута донел поинаква одлука, пвотрно на шетата на Динамо.
„Не го разбирам судискиот критериум, не би сакал да се расправам околу тоа, но некои одлуки беа во нивна полза. Го прашав судијата, ако над Бруно немаше пенал, како може да биде пенал на другата страна? Навистина не ги разбирам тие одлуки“, ече стрелецот на вториот гол за Динамо, Мартин Батурина, а неговиот соиграч Јосип Мишиќ дополни.
„Ние сме мал клуб на кој може да му го направат ова“. .
Динамо во следното коло гостува кај Салцбург.
Спорт
Сенегал го отпушти Сисе
Фудбалскиот сојуз на Сенегал објави дека од функцијата е разрешен селекторот на националниот тим Алиу Сисе.
Сојузот, објави дека одлуката била донесена поради лошите резултати и се поголемата непопуларност што меѓу навивачите ја имал Сисе.
Сисе повеќе од девет години на чело на националниот тим и го освои Купот на Африканските нации во 2022 година со Сенегал.
Фудбалскиот сојуз на Сенегал исто така соопшти дека добиле писмо од министерот за спорт Кади Диен Гаје во кое не се одобрува продолжувањето на договорот на Сисе, кој истече на 31 август.
Спорт
Крај на сезоната за најдобриот дефанзивец на Јувентус
Најдобриот дефанзивец на Јувентус, Глисон Бремер (27) ја заврши сезоната поради скинати вкрстени лигаменти. Бразилскиот стопер се повреди во вчерашната победа на Јувентус против Лајпциг од 3:2 во второто коло од Лигата на шампионите, во шестата минута.
Тој го напушти теренот со помош на физиотерапевт, а по денешните прегледи беше констатирано дека е повреден и неговиот менискус.
Бремер пристигна во Јувентус во летото 2022 година од Торино за 46,9 милиони евра и веднаш се наметна како еден од најдобрите играчи на Јувентус.
Оваа сезона забележа осум настапи, одигра вкупно 637 минути. Според „Трансфермаркт“, тој вреди 60 милиони евра.