Лионел Меси постигна два гола во второто полувреме и го предводеше актуелниот шампион Интер Мајами до победата против Орландо Сити – 4:2.

Интер одигра лошо прво полувреме, му дозволи на орландо до 24-та минута да води со 2:0.

Раниот гол на Силвети во второто полувреме го најави пресвртпт на Интер. Во 57-та минута, аргентинскиот маестро го израмни резултатот на 2:2 по асистенцијата на Теласко Сеговија, кој донесе целосен пресврт во 85-та минута.

Меси стави точка на натпреварот во 90-та минута со спектакуларен гол од слободен удар.

Тренерот на Мајами, Хавиер Маскерано, не ги криеше своите емоции по натпреварот:

„Победата им припаѓа исклучиво на играчите. Во второто полувреме, тие беа шампионски тим. Немаше тактика – тоа беше срце, храброст, посед, упорност и посветеност. Тие излегоа на теренот како шампиони и го покажаа тоа.“

Зборувајќи за Меси, Маскерано додаде:

„Тој е најдобриот играч во историјата на фудбалот. Тој е лидер и ги инспирира другите, но му е потребна и инспирација. Кога се движи напред и има опции во нападот, тој е способен да создаде шанси како никој друг. Тоа ни овозможи да го свртиме натпреварот.“

Аргентинецот постигна 51 гол во последните 49 настапи. Во кариерата досега постигнал 898 голови.

Foto/ depositphotos

Капитенот на Борусија Дортмунд, Емре Џан, ќе го пропушти остатокот од сезоната поради скинати предни вкрстени лигаменти на левото колено, објави германскиот тим.

Џан (32) се повреди за време на натпреварот во саботата со Баерн Минхен (2:3). Тој се обиде да продолжи со играта, но на крајот од првото полувреме мораше да го напушти теренот.

Поради сериозноста на повредата, Џан сигурно нема да биде во плановите на германскиот селектор Јулијан Нагелсман за овогодинешното Светско првенство, кое се одржува од 11 јуни до 19 јули во САД, Канада и Мексико.

Во својата репрезентативна кариера досега, Џан има одиграно 48 натпревари за Германија, вклучувајќи го и последниот во септември 2024 година.

Договорот на Џан со Борусија Дортмунд истекува на крајот од сезоната, а во текот на кариерата играше и за екипите на Баерн, Леверкузен, Ливерпул и Јувентус.

По поразот во големото дерби, Борусија Дортмунд е на второто место на табелата во Бундеслигата, 11 бода зад лидерот Баерн.

Foto/ depositphotos

Денвер Нагетс ја продлабичоја кризата во која влегоа по Ол стар викендот. Прв пат во сезоната, Нагетс загубија од Минесота. Во Денвер, Тимбервулвс победија со 117:108.

Гостите одиграа одличен натпревар во главниот град на Колорадо, ја искористија лошата форма на Денвер и фактот дека најдобриот играч на домашната екипа е Никола Јокиќ има проблем со зглобот на шутерската рака.

Дури и во таква состојба, Јокиќ беше одличен, запиша „Сомбор-дабл“, повторно му недостигаше една асистенција за трипл-дабл, имаше 35 поени, 13 скока и девет успешни додавања.

Денвер, одигра добро во првата четвртина, кога стигна до девет поени предност (31:22). Но, од почетокот на вториот период играчите на Минесота ја презедоа контролата и до до полувремето гостите имаа осум поени предност (58:50).

Како што одминуваше натпреварот, Минесота беше сè посигурна, а Денвер немаше сила да возврати. Без погоеми проблеми играчите на Минесота ја држеа предноста од 0ет д 12 поени.

Покрај Јокиќ, кај Денвер се истакна и Мареј со 25 поени, Хардавеј постигна 17, а Кристијан Браун 15. Гостскиот тим го предводеа Едвардс со 21, МекДениелс со 20, Хајленд со 18, додека Рендл постигна 14 поени.

Резултати:

Атланта – Портланд 135:101
/Оконгву 25 – Холидеј 23/

Орландо – Детроит 92:106
/Банкеро 24 – Канингем 29/

Бостон – Филаделфија 114:98
/Браун 27 – Макси 33/

Далас – Оклахома 87:100
/Мартин 18 – Гилџес-Александер 30/

ЛА Клиперс – Њу Орлеанс 137:117
/Ленард 23 – Фирс 28/

ЛА Лејкерс – Сакраменто 128:104
/Дончиќ 28 – Клифорд 26/