Спорт
Љубезни домаќини во Премиерлигата – на „Гудисон парк“ му пукна петарда на Евертон
Ниту еден од четирите попладневни дуели од редовниот термин во Премиерлигата не завршија со триумф на домашна екипа, три нерешени и еден гостински триумф.
Фаворитот Евертон предводен од Рафа Бенитез на „Гудисон парк“ беше непријатно изненаден од екипата на Ватфорд, 2-5.
Иако Дејвис уште во третата минута донесе предноста за „карамелите“, веќе во 13 минута Кинг носи израмнување, 1-1.
Евертон преку Бразилецот Ришарлисон во 63. минута повторно доаѓа во водство, 2-1.
Сепак, гостите најпрво во 78 минута со голот на Куцка носат егал позиција, 2-2, а само две минути подоцна и комплетен пресврт. Творец на погодокот на 3-2 беше повторно Џошуа Кинг.
Хет-трик сред Ливерпул за Кинг во 86 минута, резултат 2-4, додека точка на натпреварот и конечни 2-5 постави Денис во 92 минута.
Малку недостасуваше неуспех на свој терен да доживеат и избраниците на Марсело Биелса. Екипата на Лидс беше надиграна и губеше со 1-0 од составот на Вулверхемптон се до 92 минута.
Единствениот гол за „волците“ беше дело на Хи-Чан уште во 10-тата минута, а бод за домашните спаси Родриго, од пенал.
Екипата на Кристал Палас одигра 1-1 со тимот на Њукасл. Иако домашните постигнаа и втор гол во самиот финиш од мечот, истиот беше поништен поради прекршок.
Претходно домашните со голот на Бентеке во 56 минута поведоа со 1-0, додека израмнувањето дојде преку Вилсон во 65 минута.
Со поделба на пленот заврши и дуелот Саутемптон – Барнли, 2-2.
Гостите поведоа преку Корнет во 13 минута, а во првиот дел израмни Ливраменто, во 41 минута.
Броја ги донесе домашните во предност од 2-1, во 50 минута. Бод за гостите спаси стрелецот и на првиот гол, Корнет, во 57 минута.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Андреас Волф ја запре Португалија
Германија со победа над Португалија 32:30 (11:11) ја отвори главната фаза на 17-то Европско првенство во ракомет.
Тимовите од новоформираната Група 1 наизменично водеа во првото полувреме, додека Германците постојано беа во водство во вториот дел, а Португалците направија сè за да ги стигнат, но не успеаја.
Разликата ја направи горманскиот голман Андреас Волф, кој забележа 14 одбрани, додека од другата страна, Густаво Капдевила и Педро Тонишер заедно собраа шест, а во вториот дел имаа само две одбрани. Буквално се што шутнаа Германците заврши во голот на Португалија.
Покрај Волф, кај Германија се истакна Шлориф кој седумте гола ги постигна во второто полувреме. Втор најдобра стрелец во гермнаскиот тим беше Усчинс со шест гола.
Португалија ја предводеше Кико Кошта со 10 гола, по пет постигнаа Мартин Кошта и Луиш Фраде.
Foto/ EPA
Спорт
Приоритет на Ливерпул е Мики ван де Вен
Главна цел на Ливерпул во летниот преоден рок ќе биде дефанзивецот на Тотенхем, Мики ван де Вен (24).
Холанѓанецот има „јак“ договор со Тотенхем до 30 јуни 2029 година, но бројни извори известуваат дека „Црвените“ ќе ги тестираат со богата понуда.
Ливерпул во Ван де Вен го гледа вистинскиот наследник на сонародникот, Вирџил ван Дајк.
Ван де Вен ја игра својата трета сезона во Тотенхем, каде што пристигна од германски Волфсбург. Ја започна кариерата во Волендам.
Одигра 17 натпревари за холандската репрезентација и постигна еден гол.
Со Ван Дајк, тој веројатно ќе го формира стоперски тандем на Холандија на следното Светско првенство.
Foto/ depositphotos
Спорт
Почнува борбата за место полуфиналето на Европското првенство
Foto/ EPA
Завршена е првата фаза на 17-то Европското првенство во ракомет (15 јануари – 1 февруари). Половина од 24-те селекции си заминаа дома, додека останатите го продолжуваат престојот во Данска и Шведска, каде заедно со уште еден домаќин (Норвешка) се борат за пласман во полуфиналето.
Како 14-та, Македонија од далеку ќе ја гледа борбата за две места во новоформираните групи 1 и 2I, добиени со вкрстување на претходните групи (A/Б/Џ, односно Д/E/Ф).
Првото коло ќе го отворат натпреварите во Грушата 1.
Први на теренот во Хернинг, ќе излезат ракометарите на Германија и Португалија. Ќе започнат од иста стартна позиција, бидејќи пренесоа по два бода. По нив, следува дуелот на Шпанија и Норвешка. Двете селекции не пренесоа ниту еден бод во втората фаза.
Денот ќе го затвори дербито, помеѓу бранителот на титулата Франција (2) и вицешампионот Данска (0).
Утре ќе се одигра првото коло во Групата 2, , во Малме (Шведска), каде што се Шведска (2), Словенија (2), Исланд (2), Унгарија (0), Швајцарија (0) и Хрватска (0).
Во меѓувреме, беше одреден пласманот од 13-то до 24-то место: 13. Фарски Острови, 14. Македонија, 15. Холандија, 16. Австрија, 17. Чешка, 18. Италија, 19. Србија, 20. Грузија, 21. Полска, 22. Романија, 23. Црна Гора, 24. Украина.
The main round is set. 👌😍#ehfeuro2026 #puregreatness pic.twitter.com/AWpDq06kMJ
— EHF EURO (@EHFEURO) January 21, 2026
Група 1 (Хернинг, Данска), Прво коло:
Германија – Португалија 15.30 часот
Шпанија – Норвешка 18.00
Франција – Данска 20.30

