Joga Bonito! Или во превод „Прекрасната игра“, стилот на фудбал кој се обожава во Бразил и кој вклучува убавина, стил и индивидуална умешност. Нешто што бразилската репрезентација го покажа во првото полувреме од осминафиналето на СП во Катар против Јужна Кореја, доминирајќи за на крајот да стигнат до 4:1 победа и да осигураат пресметка со Хрватска за пласман во полуфиналето.

Во лудите први 45 минути, Бразилците покажаа надмоќност во нападот, беа опасни од секоја позиција и постигнаа четири гола, и имаа доволно време да покажат и дел од своите танци. Јужна Кореја беше само немоќен набљудувач.

Со опоравениот Нејмар во составот како стартер, Бразил поведе уште во 7. минута кога Нејмар му асистираше на Винисиус Жуниор, а тој го постигна својот прв гол на Мундијалот. Веќе во 11. минута по еден фаул над Ришарлисон, Нејмар беше прецизен од белата точка, а „самбата“ продолжи во 29. минута, кога Ришарлисон го постигна својот трет гол на турнирот. Кога Лукас Пакуета во 36. минута зголеми на 4:0, танцувањето не престана на трибините, и прашањето беше само како ќе звучи конечниот резултат.

За волја на вистината, Бразилците го „спуштија“ темпото во второто полувреме, а Корејците и покрај високата разлика не покажаа дека се деморализирани и во 76. Паик Сеунг-Хо постигна убав гол за збогување од Катар.

Графика: Sofascore за Топспорт.мк

Хрватскиот селектор Златко Далиќ не ја криеше радоста од пласманот во четврт-финалето на Светското првенство признавајќи дека мечот со Јапонија бил супер тежок, а победата била голема. Хрватска сега ја чека далеку поголем противник, фаворитот за титулата Бразил.

„Тежок натпревар, борбен и квалитетен. Одигравме добро. Голем резултат е да си меѓу осумте најдобри на светот. Можам само да им честитам на дечките. Ја имавме контролата при додавањата, но си создававме проблеми со губењето на топката. Така и примивме гол, па моравме да се вадиме. Никогаш не потценувајте ги Хрватите. Можеби сме мали, но сме храбри, борбени, верни и одиме до крај. На момците им се исплатеа упорноста и вербата. Само можам да им честитам за она што го направија“, вели Далиќ.

Хрватската фудбалска репрезентација на Хрватска се пласира во четврт-финалето на СП во Катар и за тоа мора да му се заблагодари на голманот на Динамо Загреб, Доминик Ливаковиќ, кој успеа да обрани дури три пенали на Јапонија за голем триумф.

Овие три одбрани на пенали во нокаут-фазата на еден мундијал значат дека Ливаковиќ го израмнува рекордот на својот сонародник Даниел Субашиќ, кој на СП во 2018 година одбрани три пенали против Данска, исто така во осмина-финалето на ЛШ, како и со португалскиот голман Рикардо, кој одбрани три пенали кога неговата репрезентација ја исфрли Англија во 2006 година.

„Чувството е прекрасно, првин поради целиот тим, атмосферата е прекрасна. Благодарност до сите навивачи што пристигнаа тука. Мечот беше тежок, Јапонците притискаа од самиот почеток, беа фантастично подготвени, но и ние не бевме лоши. Победивме кога беше најтешко. Ова е најдобриот меч во мојат кариера и, секако, најважниот момент“, вели 27-годишниот Ливаковиќ.

⚠️ | QUICK STAT

Only three goalkeepers have ever saved three penalties in a single #FIFAWorldCup penalty shootout:

🇵🇹 Ricardo v England in 2006
🇭🇷 Danijel Subašić v Denmark in 2018
🇭🇷 Dominik Livaković v Japan at #Qatar2022

It’s simply a Croatian thing. 😏#JPNCRO pic.twitter.com/OUleWxlFPB

— Sofascore (@SofascoreINT) December 5, 2022