Спорт

Лопетеги првпат по отказот од Реал: Не можев да спијам, не знаев каде сум

Објавено пред

1 година

- 14 февруари, 2019

Од

Шпанскиот фудбалски тренер Хулен Лопетеги првпат по отказот од Реал Мадрид си ја отвори душата и проговори за тоа што му било во главата додека бил на клупата на „кралскиот клуб“. Лопетеги во разговор за ББС го прекина повеќемесечниот молк и раскажа повеќе детали.

Тренерот надевајќи се дека ќе може да го тргне притисокот од шпанските репрезентативци кои требаше да ги води на мундијалот во Русија минатата година, не им кажал за одлуката на „кралскиот клуб“ да го назначат за кормилар на клубот.

Претседателот на Фудбалскиот сојуз на Шпанија, Луис Рубиалес, решил веднаш да го тргне Лопатеги од селекторската позиција, на само 2 дена пред почетокот на мундијалот откако дознал дека Хулен веќе се договорил со Реал.

„Работата со Реал едноставно се случи, не можев да го бирам тајмингот. Знаев дека не е искрено информацијата да ја кријам цел месец, па излегов пред новинарите. Играчите реагираа сјајно, но претседателот не“ – вели Лопетеги.

Шпанскиот стручњак мораше да ја напушти репрезентацијата, 5 часа патувал од Москва до Мадрид, а тоа беше почеток на непроспиените ноќи за него.

„Не спиев, не знаев каде сум. Еден ден си во Русија, се подготвуваш за СП, а другиот ден си на ‘Бернабеу’ со други момчиња. Емоциите си го направија своето, сè се случи многу бргу“ – вели шпанскиот тренер.

Радоста и среќата на Шпанецот не траеја долго затоа што неколку месеци подоцна по поразот од Барселона Реал го отпушти Лопетеги.

„Добро почнавме, но влеговме во криза и 3 недели имавме лоши резултати. Бев сигурен дека и тоа ќе помине, ама едноставно немав време“ – искрен е Лопетеги.

©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Поврзани Артикли:sport

Следно

Барса ја има најдобрата младинска академија, по неа се Реал, Лион и Јунајтед (фото)

Претходно

Никола Јокиќ доби мурал во родниот Сомбор (видео)

Спорт

Гнабри ги „закопа“ Челси, Барселона успеа да стигне до реми под Везув (видео)

Објавено пред

3 часа

- 25 февруари, 2020

Од

TopSport.mk

Во реприза од финалето од 2012 година, Баерн Минхен успеа да се одмазди на Челси и да направи предност од 3:0 во првиот меч од осминафиналето на Лигата на шампионите благодарение на фантастичниот Серж Гнабри, кој даде два гола за три минути. Барселона пак, успеа на „Сан Паоло“ да обезбеди 1:1 реми против Наполи за интересен реванш на „Ноу Камп“.

По првото полувреме без голови, Гнабри, кој е поранешен играч на Вест Бромвич Албион и Арсенал и добро ги познава англиските клубови, во 51. минута ги донесе Баварците во водство по асистенција на Роберт Левандовски, а додека „сините“ уште не беа соземени, во 54. минута им даде уште еден гол.

Со ова, Гнабри дојде до фантастични шест гола во ЛШ оваа сезона, и тоа сите постигнати во Лондон – на претходното гостување кај Тотенхем, тој постигна четири гола при неверојатната 7:2 победа. За Челси да патува во Минхен само туристички се погрижи Левандовски, кој во 76. минута додаде гол на двете асистенции.

Во Неапол пак, Наполи успеа да дојде прв во водство на „Сан Паоло“, откако Дрис Мертенс постигна фантастичен гол во 30. минута, негов 121. во дресот на „партенопеи“ за израмнување на рекордот на Марек Хамшик.

Меѓутоа, второто полувреме не беше наклонето на домаќините. Мертенс се повреди во 54. минута од мечот и мораше да биде заменет од Аркадијуш Милик, а веќе во 57. минута, Барселона израмни преку Антоан Гризман по една брза акција на Каталонците.

Нашиот репрезентативец Елиф Елмас, овојпат не доби шанса од тренерот Џенаро Гатузо.

Прикажи повеќе...

Спорт

За три месеци ќе се знае дали ќе има Олимпијада во Токио!

Објавено пред

3 часа

- 25 февруари, 2020

Од

TopSport.mk

Членот на Интернационалниот олимписки комитет (ИОЦ), Дик Паунд предупредува дека наскоро ќе мора да се донесе одлука за откажување на Олимписките игри во Токио ова лето доколку не се спречи ширењето на корона вирусот.

Олимпијадата стартува на 24 јули во јапонската престолнина, но се поставува прашањето дали над 11 илјади спортисти ќе бидат безбедни посебно откако во Кина има над 70 илјади потврдени случаи, а во самата Јапонија има четири смртни случаи од болеста. Паунд, најстариот член на ИОЦ, вели дека во следните три месеци мора да се донесе одлука.

„Ако мора, тогаш може да се откаже Олимпијадата на два месеци пред стартот, што би значело дека до мај мора да се знае дали вирусот е под контрола. Многу работи треба да почнат да се случуваат – да се средува обезбедувањето, храната, олимпиското село, хотелите… Ако нема смирување, тогаш најверојатно одиме кон откажување“, вели Паунд.

Модерните Олимпијади од 1896 година се прекинати само во текот на Првата и Втората светска војна, иако постоеја политички бојкоти во Монтреал (1976), Москва (1980) и Лос Анџелес (1984).

Прикажи повеќе...

Спорт

Хамилтон и Фетел со огромни плати, Расел и Џовинаци ќе возат за „ситно“

Објавено пред

5 часа

- 25 февруари, 2020

Од

TopSport.mk

Луис Хамилтон повторно е најплатениот Формула 1 возач и во сезоната 2020, во која го комплетира својот повеќегодишен богат договор со Мерцедес, тим кому му донесе пет титули во шест години.

Хамилтон ќе заработи 48 милиони евра во 2020, но ниту неговиот ривал од Ферари, Себастијан Фетел нема да помине лошо – тој ќе добие 42 милиони евра. Далеку зад нив двајца на третото место е Даниел Рикардо во Рено, кој ќе добие 18 милиони, а значително зголемување на платата добиваат и Шарл Леклер во Ферари (9 милиони евра) и Макс Ферстапен во Ред бул (16 милиони евра).

Од другата страна, Антонио Џовинаци во Алфа Ромео и Џорџ Расел од Вилијамс ќе бидат најслабоплатените возачи, тие ќе добијат „скромни“ 200.000 евра.

ПЛАТИТЕ НА Ф1 ВОЗАЧИТЕ, 2020

1.Луис Хамилтон (Мерцедес), 48.000.000 евра

2.Себастијан Фетел (Ферари), 42.000.000 евра

3.Даниел Рикардо (Рено), 18.000.000 евра

4.Макс Ферстапен (Ред бул), 16.000.000 евра

5.Шарл Леклер (Ферари), 9.000.000 евра

6.Валтери Ботас (Мерцедес), 7.500.000 евра

7.Кими Раиконен (Алфа Ромео), 4.000.000 евра

8.Карлос Саинс Јуниор (Мекларен), 3.500.000 евра

9.Серхио Перез (Рејсинг поинт) 3.000.000 евра

10.Естебан Окон (Рено), 1.500.000 евра