Баер Леверкузен победи кај Манчестер Сити со 2:0 во петтото коло од Лигата на шампионите. Стрелци беа Алекс Грималдо во 23-та и Патрик Шик во 54-та минута. „Фармацевтите“ со крпен состав, успеаја да го шокираа фаворитот.

И двата тима беа значително ослабени, но домаќините играа со резервен тим бидејќи така одлучи Пеп Гвардиола, а гостите бидејќи им недостасуваше повеќе од половина од тимот поради повреди и жолти картони.

Затоа Германците ја слават големата победа.

„Билд“, најчитаниот германски дневен весник, под наслов „Едвај составениот тим на Баер ја казни ароганцијата на Пеп“, пишува: „Гвардиола, во својот 100-ти натпревар во Лигата на шампионите, целосно потфрли. Тој ги остави на клупата, меѓу другите, октоподот Донарума, машината за голови на Халанд, Доку, Фоден, Рубен Дијаш и Бернардо Силва. Халанд влезе во игра дури по 0:2. Премногу доцна, Баер ја казни ароганцијата на Пеп“.

Билд истакнува: „На Баер му недостасуваат единаесет играчи од првиот тим (Андрих, Тапсоба, Хофман, Фернандез, Паласиос…). Неверојатно, на клупата, би се рекло во школската клупа, седеа шест играчи од тимот до 19 години. Младиот голман Јеспер Шлих попладнето загуби со јуниорскиот тим, до 19 години од Сити (0:6).“

По натпреварот, тренерот на Манчестер Сити, Пеп Гвардиола, ја прифати одговорноста за поразот.

„Јас ја преземам одговорноста, но ми се допаѓа што сите се вклучени. Кога си фудбалер и не играш пет, шест, седум натпревари, тешко е. Можеби имаше премногу замени. Кога си во голем тим, мора да се покажеш. Можеби играчите кои играа редовно во последно време би имале поголема самодоверба“, рече Гвардиола.

Поради послаба игра, Оскар Боб, Рико Луис и Рајан Аит-Нури беа заменети на полувремето, а подоцна Омар Мармуш го напушти натпреварот.

„Невозможно е да се помисли дека не се добри. Ако играте често, се чувствувате конфорно. Некои се плашат да не направат грешка затоа што не сакаат да направат нешто што би било лошо за тимот, но во тој момент мора да бидете слободни и да ја направите таа грешка. Халанд не може да игра 95 минути секој пат, ни требаат свежи нозе. Но, тоа беше премногу. Тоа беше прв пат во мојот живот да го направам тоа, и беше премногу.“

Фудбалерите на Челзи одиграа врвен натпревар, целосно ја надиграа и поразија Барселона со 3:0 во петтото коло од Лигата на шампионите.

Екипата на Енцо Мареска постигна два гола до 25-та минута, но двата беа поништени поради офсајд и играње со рака. Тие поведоа во 27-мата минута, кога Жил Кунде си постигна автогол.

Челзи беше значително подобар во првото полувреме, а голема помош за продолжението доби во 44-та минута, кога капитенот на Барселона, Роналд Араухо, доби втор жолт, односно црвен картон.

„Сините“ ја искористија таа предност со головите на Естевао и Лиам Делап во 55-та и 73-та минута. Со оваа победа, Челзи скокна на петтото место со 10 бода, додека Барселона е само 15-та со седум бода.

Тренерот на Барселона, Ханси Флик, нема да го памети добро натпреварот, бидејќи на „Стенфорд Бриџ“ беше прекината неговата совршена серија. Германскиот стратег до вечерва, со Баерн и Барселона, одигра 36 натпревари во Лигата на шампионите, а во секој од нив неговиот тим постигна барем еден гол. Серијата започна на 6 ноември 2019 година, кога неговиот Баерн го победи Олимпијакос со 2:0, а заврши синоќа во Лондон.

Hansi Flick has FAILED to see his team score in a UEFA Champions League game for the first time in his managerial career. 🤯 pic.twitter.com/13UYgG1vJK

— Squawka (@Squawka) November 25, 2025

Фудбалерите на Челзи ја надиграа и убедливо ја поразија Барселона со 3:0, во петтото коло во Лигата на шампионите. За разлика од Челзи, Манчестер Сити доживеа пораз на домашен терен од Баер Леверкузен 0:2. Победи вечерва забележаа Борусија Дортмунд, Наполи, Олимпик Марсеј и Јувентус, додека Славија и Атлетик Билбао одиграа без голови.

Фудбалска рапсодија на Челзи на „Стенфорд Бриџ“. Екипата на Енцо Мареска во сите сегменти ја надигра Барселона. Едина единствена шанса имаше Барселона, во раната фаза на натпреварот, кога сам пред Санчез беше Феран Торес и шутираше крај голот.

Останатиот дел од натпреварот му припадна на Челзи. До водството кое дојде со автоголот на Кунде, на челзи му беа поништени два гола. Дека Барселона ќе доживее пораз беше јасно во 43-та минута кога Араухо беше исклучен поради два жолти картони.

Во второто полувреме, уште еден поништен гол на Челзи, а потоа Естевао постигна брилијантен гол за 2:0, а резервата Делап стави точка на мечот во 78-та минута.

На „Еихад“ во Манчестер, Пеп Гвардиола го потцени Баер леверкузен и доживеа пораз. Гвардиола со комбиниран тим го започна натпреварот, како да станува збор за Лига купот, а не за меч во Лигата на шампионите.

Халанд, Рејндерс, Черки влегоа на теренот на 25 минути до крајот, кога гостите имаа предност од два гола.

До неа дојдоа со головите на Грималдо во 23-та и Шик во 57-та минута.

Резултати:

Ајакс – Бенфика 0:2 (0:1)
/Дал 6, Бареиро 90/

Галатасарај – Унион Сен Жилоа 0:1 (0:0)
/Дејвис 57/

Боде/Глимт – Јувентус 2:3 (1:0)
/Бломберг 27, Фет 87 пен – Опенда 48, Мекени 59, Дејвис 90+1/

Борусија (Д) – Виљареал 4:0 (1:0)
/Гираси 45+2, 54, Адејеми 59, Свенсон 90+5/

Челзи – Барселона 3:0 (1:0)
/Кунде 28 a.г., Естевао 55, Делап 73/

Манчестер Сити – Баер Л. 0:2 (0:1)
/Грималдо 23, Шик 54/

Наполи – Карабаг 2:0 (0:0)
/ Мектомин 66, Јанковиќ 72 а.г./

Марсеј – Њукасл 2:1 (0:1)
/Обамејанг 46, 50 – Барнс 6/

Славија (П) – Атлетик Билбао 0:0 (0:0)