Спорт
Лосон шокиран од одлуката на Ред Бул

Возачот од Нов Зеланд, Лиам Лосон изјави дека е шокиран од одлуката на Ред Бул да го испрати во сестринскиот, Расинг Булс, и да го замени со Јапонецот Јуки Цунода.
Јапонскиот возач ќе биде нов тимски колега на актуелниот холандски шампион Макс Ферстапен во Ред Бул.
Лосон ќе вози со Исак Хаџар од Франција во тимот на Рејсинг Булс. Лосон пред почетокот на сезоната го замени Мексиканецот Серхио Перез во тимот на Ред Бул.
„Дефинитивно е шок, искрено. Не го очекував тоа. Мислам дека разговорите што ги водевме не одеа во таа насока, па дефинитивно е нешто што не го очекував“, изјави Лосон.
Лосон не ја заврши трката за ГН на Австралија, додека заврши на 12-тото место на Големата награда на Кина.
„Посакувам да имав повеќе време. Мислам дека со повеќе време, особено на патеките на кои не сум бил… тоа беше тежок почеток. Имавме тешки тестови, тежок прв викенд во Мелбурн, а потоа Кина и спринт. Мислам дека на местата каде што сум бил, со автомобил кој е прилично незгоден, би се покажал, штета што не ја добив таа шанса. Но очигледно ова не беше моја одлука, сега треба да го извлечам најдоброто од сезоната“.
Следната трка во Ф1 шампионатот ќе се вози на 6 април на Големата награда на Јапонија во Сузука.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Ненадејно почина Николче Здравески

Николче Здравески, легендата на Победа, починан ненајдено на 54-годишна возраст. Здравевски беше дел од најголемите успеси на клубот од Прилеп.
Здравески како капитен ја предводеше Победа до првата шампионска титула, а беше тренер кога клубот втор пат стана шампион на Македонија.
Николче Здравески целата кариера ја мина во клубот од Прилеп. како фудбалер, тренер и координатор на младинската школа. Во еден период беше тренер на 11 Октомври, кога овој тим се натпреваруваше во Првата лига.
Во 2007 година Фудбалската федерација на Македонија го прогласи за тренер на годината.
Здравески во кариерата забележа два настапи за националниот тим. Го носеше дресот на Македонија на пријателските натпревари против Албанија и Азербејџан.
Спорт
Бекот на Сан Антонио е дебитант на сезоната

Бекот на Сан Антонио, Стефон Касл, е добитник на трофејот „Вилт Чемберлен“ за сезоната 2024/25. Овој трофеј му се доделува на најдобриот дебитант во НБА.
Касл стана четвртиот играч во историјата на Спарси кој ја добил оваа награда. Пред него трофејот го добија клупските легенди Дејвид Робинсон (1989/90) иТим Данкан (1997/98) и Виктор Вембањама, кој беше награден минатата година.
Касл имаше просек од 14,7 поени, 3,7 скока, 4,1 асистенции и 0,91 украдени топки. Тој помина 26,7 минути на теренот.
Второто место во гласањето му припадна на Рижасер од Атланта Хокс, додека Џејлен Велс од Мемфис Гризлис, заврши на третото место.
A global media panel of 100 voters selected the winner of the 2024-25 Kia NBA Rookie of the Year Award.
The complete voting results ⬇️ pic.twitter.com/VrvxR9N4tT
— NBA Communications (@NBAPR) April 29, 2025
Спорт
Луис Енрике: Реваншот ќе биде тежок и тесен

Тренерот на ПСЖ, Луис Енрике, изјави дека неговиот тим го покажал својот вистински менталитет во првиот натпревар од полуфиналето на Лигата на шампионите против Арсенал и дека добриот почеток на натпреварот бил клучен за победата.
„Размислуваме колку беше тежок натпреварот, бидејќи атмосферата на стадионот беше неверојатна. Мислам дека го покажавме нашиот вистински менталитет, почнавме добро и тоа ни ја зголеми самодовербата“, рече Енрике.
Вчера, ПСЖ го победи Арсенал со 1:0 на гостински терен во Лондон, во првиот натпревар од полуфиналето на Лигата на шампионите.
Реваншот е закажан за 7.мај во Париз, а победникот од овој двомеч ќе игра во финалето на Лигата на шампионите против подобриот тим од дуелот меѓу Барселона и Интер.
„Ова е одличен момент за нас, но мора да се ресетираме и да размислуваме за следниот натпревар. Реваншот ќе биде тежок и тесен. Многу сме среќни и мислам дека нашите навивачи можат да бидат среќни поради нашиот менталитет и амбиција да се бориме на секој натпревар“, додаде Енрике.
Енрике изјави дека играта на неговиот тим може да биде уште подобра.