Спорт

Ловрен призна дека му дал „лакт“ на Рамос како одмазда за Салах

Објавено пред

1 месец

- 20 август, 2020

Од

Поранешниот фудбалер на Ливерпул, Дејан Ловрен не престанува со „признанијата“ по заминувањето во Зенит Санкт Петербург, откако во интервју за египетските медиуми призна дека го удрил со лакт Серхио Рамос како одмазда за повредата која ја доби неговиот близок пријател Мохамед Салах во финалето на ЛШ во 2018 година.

Хрватскиот дефанзивец останува близок пријател со египетскиот голгетер, и признава дека му било ужасно кога Рамос го „повлече“ Салах во финалето во Киев, по што тој излезе од мечот со повреда, така што кога најде нова шанса му „врати“ на капитенот на Реал Мадрид.

Ловрен се соочи со Рамос во меч од Лигата на нации на УЕФА во Загреб во ноември 2018 година, кога Хрватска стигна до 3:2 победа, а Ловрен го закачи капитенот на Шпанија со лакт по еден корнер и потоа се пофали со тоа на Инстаграм. Сега, две години подоцна, тој признава дека тоа било намерно.

„Дали намерно го удрив Рамос откако тој го повреди Салах? Да, најверојатно беше така. Не сакам да правам голема приказна од тоа, но тоа што го направи Рамос беше намерно да се повреди мојот пријател, и беше време да се плати за тоа. Лука Модриќ се обиде да ја намали тензијата, но откако го удрив му кажав дека сме нерешено. Го почитувам како фудбалер и тоа што го прави за својот клуб. Тој има освоено многу титули, но некое однесување не му прилега“, вели Ловрен.

©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Поврзани Артикли:sport

Следно

Лејкерс, Хјустон и Милвоки ги декласираа противниците

Претходно

Пејсерси немаат решение за Мајами, Хит води со 2:0

Спорт

Челси го потврдија трансферот на Менди

Објавено пред

1 час

- 24 септември, 2020

Од

TopSport.mk

Фудбалскиот клуб Челси го потврди доаѓањето на новиот голман Едуард Менди од Рен. Трансферот на Сенегалецот изнесува околу 30.000.000 евра.

Челси на социјалните мрежи го претстави голманот со напомена дека за место во првиот тим ќе се бори со Кепа Аризабалага и Вили Кабаљеро.

„Петр Чех и нашиот технички тим го идентификуваа Едуард како најдоброто решение за нашиот тим, поради тоа сакавме да дојде кај нас“, изјавила директорката Марија Гранковскаја.

Менди е седмото големо засилување на Челси во овој преоден рок. Претходно клубот ги купи Хаким Зијеш, Тимо Вернер, Бен Чилвел и Каи Хаверц, а како слободни играчи на „Стенфорд Бриџ“ простигнаа Маланг Сар и Тијаго Силва.

Доаѓањето на Менди веројатно значи и крај на кариерата за Кепа Аризабалага во клубот.

Прикажи повеќе...

Спорт

Нови четворица заразени со Ковид-19 во ГРК „Охрид“

Објавено пред

2 часа

- 24 септември, 2020

Од

TopSport.mk

ГРК „Охрид“ потврди дека во клубот има нови четворица заразени со коронавирусот. Во неделата клубот потврди дека позитивни на вирусот биле еден играч и еден член на раководството.

Од клубот информираат дека лицата позитивни на коронавирусот се во изолација, со благи симптоми, лесна клиничка слика и добра здравствена состојба.

„ГРК ‘Охрид’ ќе се придржува до сите до сите протоколи и решенија за изолација и понатамошните насоки од Ракометната федерација на Македонија“.

Поради ширењето на вирусот Ракометната федерација на Македонија го суспендира првенството во А-групата во Суперлигата. Паузата во оваа група ќе трае најмалку 15 дена.

Прикажи повеќе...

Спорт

За Езил нема место во Арсенал

Објавено пред

3 часа

- 24 септември, 2020

Од

TopSport.mk

Фудбалерите на Арсенал синоќа со 2:0 славеа победа над Лестер во Лига купот. Микел Артета играше со комбиниран состав во кој немаше место за играчот кој зема најмногу пари во Арсенал, Месут Озил.

Токуму поранешниот германски репрезентативец бил тема на прес-конференцијата по натпреварот.

„Овој тим напредува, тоа можете да го видите и по тоа како делуваме на теренот. Ги бираме најдобрите играчи за кои мислиме дека најмногу ќе покажат на мечот што го играме“, рекол Артета и дополнил.

„Не му е тешко само на Озил, има и други играчи кои не играа во Премиер лигата, а не беа во тимот ниту вечерва. Имаме тим од 27 играчи, не можат сите да играат“.

Прикажи повеќе...