Италијанските медиуми тврдат дека дури 11 фудбалери на Џенова и 3 членови на тимот имаат позитивен тест на КОВИД-19, вклучувајќи шест фудбалери кои беа во игра при 6:0 поразот од Наполи во неделата.

Грифоне веќе потврдија дека Матија Перин беше позитивен во саботата, додека во неделата уште Ласе Шоне покажал позитивен тест. Потоа, тимот патувал во Неапол, каде што играа на „Сан Паоло“, а сега 24 часа по мечот, Џенова објави дека има 14 позитивни тестови во тимот.

Според „Скај спорт Италија“, дури 11 од овие позитивни тестови се на фудбалерите. Тие шпекулираат дека дел од фудбалерите при враќањето во Џенова имал симптоми по што се наредени нови тестови. Поради ова, мечот против Торино овој викенд најверојатно ќе биде одложен, а фудбалерите на Наполи ќе мораат во изолација и на постојано тестирање.

Ливерпул го продолжи совршениот старт на сезоната, победувајќи ги Арсенал со 3:1, за да им се приклучи на Евертон и Лестер на врвот на табелата со три победи и 9 поени по првите три кола во Премиер лигата.

Човек на одлука беше Енди Робертсон, откако Шкотланѓанецот прво беше виновен што „црвените“ започнаа со негатива, за потоа со неговиот гол да ја обезбеди победата.

Александер Лаказет во 25. минута се најде во шестнаесетникот на Ливерпул, а Робертсон со неверојатно несмасна реакција му ја даде топката и тој лесно го совлада Алисон за водство.

Меѓутоа, само три минути подоцна, по одличната акција на Мохамед Салах, Садио Мане успеа да израмни, а во 34. минута Трент Александер-Арнолд му даде фантастична топка на Робертсон, за тој да се „искупи“ за грешката и да ги донесе „црвените“ во водство. Ливерпул имаа повеќе од играта, и во 88. минута, Диого Жота го постигна својот прв гол во дресот на Ливерпул по трансферот од Вулверхемптон.

Болоња стигна до 4:1 победа над Парма за прв триумф во новата сезона во Серија А, благодарение на Роберто Соријано, кој постигна два гола и асистираше на третиот.

Соријано го отвори резултатот во 16-тата минута кога „налета“ со глава на топката по еден корнер, за во 30-тата минута сам да ја совлада цела збунеата одбрана на гостите за да постигне фантастичен гол.

Во 56. минута тој му асистираше на Андреас Сков Олсен за 3:0, пред гостите да постигнат утешитРоелен гол во 67. минута преку Ернани, а Родриго Паласио во 91. минута ги постави конечните 4:1. Ова е втор пораз во две кола за Парма.